各代Voith DIWA（由D851起計）演變+技術文件+一波運作原理

DGCNYO 發表於 2017-12-16 23:52
DIWA最早唔係得2段咩，DIWA行到4 50先轉個直結.....無吹疏

最近睇到師兄之前同另一位版友拗DIWA一波究竟係全油壓定係油壓+機械：
http://www.hkitalk.net/HKiTalk2/thread-640851-17-1.html
嗰位版友雖然反覆引用Voith官方文件去強調DIWA一波係油壓+機械，但我總係覺得佢嘅講解冇乜說服力，我諗我應該喺度試吓講解DIWA一波嘅油壓+機械運作原理 — 首先強調一點，就係DIWA一波嘅機械傳動=/=直結，即係話引擎轉數唔需要跟實車速。

請大家睇吓以下幾張來自Voith DIWA.3E Technical Description嘅圖，第一張係解釋DIWA呢個名點嚟：

第二張係講經由機械方式轉遞嘅動力比例（y軸最頂係100%）會隨車速增加，去到二波開始就係100%機械傳動：

第三張解釋DIWA一波點樣將引擎動力分流去油壓同機械傳動再匯合，比一般橫切面power flow圖易明好多：


要理解喺DIWA波箱前端嗰組行星齒輪差速點樣將動力分流，首先要知道行星齒輪組嘅特點 — 太陽齒輪、行星齒輪架同齒環三者嘅扭力成固定比例，而且三者加埋=0（恆速equilibrium狀態）。換句話說，太陽齒輪、行星齒輪架同齒環三者入面如果有一件輸入、一件輸出，剩低嗰件一定要負責畀reaction torque，如果唔係就只會一味空轉而傳唔到動力，正如一般差速器如果有一邊轆空轉打滑，另一邊轆就冇力到，所以先會有differential lock同limited slip differential出現。

講返DIWA一波，係齒環負責輸入扭力、太陽齒輪畀力油壓部分（紅）、行星齒輪架負責機械部分輸出（綠） — 即係話油壓同機械部分互相提供對方嘅reaction torque。
當入咗一波、踩緊油而部車未郁，輸出軸同行星齒輪架都唔郁，太陽齒輪同torque converter泵輪都被驅向同輸入軸相反嘅方向（逆時針），入去torque converter嘅扭力被倍大之後經另一組行星齒輪再次倍大，然後匯入輸出軸。同時，泵輪攪郁torque converter入面啲油時嘅reaction torque（順時針）正好為機械部分輸出提供reaction torque — 於是經行星齒輪架輸出嘅機械部分扭力=引擎扭力+泵輪扭力，就算車速係零都一定有個機械扭力喺度，只不過部車靜止時行星齒輪架唔轉所以機械部分冇power（power=扭力x轉速），所有power去晒torque converter度。所以話，唔使直結、唔使lock-up都可以有機械傳動。

或者上面講得比較複雜，我用另一個角度再解一解DIWA一波嘅機械扭力點嚟。
我諗大家都明二波點運作？即係齒環跟引擎轉，同時太陽齒輪被鎖住，於是就「夾住」連埋行星齒輪架嘅輸出軸轉，轉速比依齒環同太陽齒輪嘅齒數而定 — differential 3嘅太陽齒輪係37齒，differential 4嘅太陽齒輪係31齒，而兩者嘅齒環都係86齒，於是前者二波轉速比（扭力比就係reciprocal）係1+(37/86)=1.43:1，後者就係1+(31/86)=1.36:1。
想像一下，如果太陽齒輪個clutch（即係pump brake）咬唔實而打滑又會點？踩油時引擎轉速一定快過正常二波，而只要個clutch重有啲力（即係仍有一啲reaction torque），就仍然會有部分引擎扭力去到輸出軸 — 只要將DIWA一波時轉動嘅泵輪當成一個咬唔實嘅clutch就會明白點解會有個機械扭力喺度。

希望大家睇得明，歡迎討論

咁又想問好耐
而家VOITH把招牌波箱聲,其實係起邊度黎?
係邊個部件發出既聲音?

051039 發表於 2017-12-17 02:03
就係因為咁，所以冇.4？
睇Voith官網話.6係for歐六車，咁歐五車又用唔用得.6？
另外，.6係咪一定跟埋Start ...

新記堆E200好可能唔係.6, 搭落把聲同AAU一模一樣兼無start－stop

VOLVO‧MV6593 發表於 2017-12-26 10:53
咁又想問好耐
而家vOITH把招牌波箱聲,其賨係起邊度黎?
係邊個部件發出既聲音?

先睇吓劏開咗嘅D864.5實物：https://www.flickr.com/photos/kfz-lehrer/13946043049/

呢樣嘢我都諗過一排，一開始以為係torque converter油壓聲，但行緊純機械波都有嗰把聲，所以唔會係。跟住就諗會唔會係行星齒輪組嘅聲？但一來DIWA波箱入面全部行星齒輪組都係斜牙，而只有直牙嘅齒輪先會響（例如Ecomat就係直牙，Ecolife改用斜牙齒輪所以靜好多），二來嗰把聲空波時都有，於是又排除埋。
最後剩低一個可能，就係驅動油泵嘅齒輪組 — 波箱裏面僅有嘅直牙齒輪，而且空波嗰陣都跟住引擎轉。

有錯請指

EN1504-201 發表於 2017-12-28 00:08
先睇吓劏開咗嘅D864.5實物：https://www.flickr.com/photos/kfz-lehrer/13946043049/

呢樣嘢我都諗過一 ...

幾年前搭過一架城巴15xx，撻左車未入波係冇個種聲，唔知點解呢

051039 發表於 2018-2-2 15:26
幾年前搭過一架城巴15xx，撻左車未入波係冇個種聲，唔知點解呢

如果我上面嘅假設係啱嘅話，我諗到一個有少少勉強嘅解釋，就係部車撻車前波箱入面嘅油壓走得七七八八（前提係佢個波箱入面有啲位異常地漏油，又或者正常情況下只要個油泵唔轉，啲加咗壓嘅油就會慢慢調轉頭漏返出去），於是波箱一開始轉時，個油泵輸出端嘅阻力好細，於是經嗰組直牙齒輪傳遞嘅扭力都細，近乎空轉，自然唔會點響。

當然，如果各位版友諗到個更好嘅解釋嘅話，希望可以一齊討論吓


另外，既然篇文上返嚟，我就喺度問埋有關舊款D851波掣（三粒大掣、冇空波掣嗰隻）嘅問題：
1. 可唔可以三粒一齊撳落去？D掣同R掣會唔會互相頂住，撳咗一粒就撳唔到另一粒？
2. 如果可以三粒撳晒，波箱會有乜反應？
3. 如果唔得，R掣可唔可以同鎖3掣一齊撳？會係空波定R波？
4. 原裝波掣後面係咪有燈膽仔會著？
5. 除咗手動嘅後波保險掣，波箱本身有冇限制入R波嘅條件？
已知可以單撳鎖3掣落去，而波箱會係空波，即係一定要撳D掣先至會入前波。

EN1504-201 發表於 2018-2-6 21:22
如果我上面嘅假設係啱嘅話，我諗到一個有少少勉強嘅解釋，就係部車撻車前波箱入面嘅油壓走得七七八八（前 ...

三個大掣方面OMSI咪有部SD77做一個幾好嘅示範
同埋Naphthalene Facebook篇解釋Voith 波箱嘅文亦都有講過呢款掣

雖然我唔知啱唔啱得曬

KMBAVC19 發表於 2018-2-6 23:43
三個大掣方面OMSI咪有部SD77做一個幾好嘅示範
同埋Naphthalene Facebook篇解釋Voith 波箱嘅文亦都有講過 ...

唔係啩，OMSI都信得過？
講起就扯火，先唔講波掣，淨係佢原裝Voith波箱script已經得啖笑，粗疏、簡陋、錯漏百出，根本冇將differential呢個DIWA嘅精粹寫入去，一波變咗單純嘅全油壓，R波又唔識行到咁上下快就cut走torque converter油壓（DIWA同.2褪車根本唔會咁簡單直接），retarder又得嗰一段而唔係三段（明明有三條curve，但偏偏踩迫力只會著stage 1），愈研究得深入就愈接受唔到呢條亂咁嚟嘅script。

所以呢，我係唔信OMSI入面SD77嗰三粒波掣嘅。萘兄篇嘢你之前提過，我亦睇過，佢描述嘅操作方式同OMSI入面一模一樣，我驚佢嘅source其實都係OMSI...

睇片見到撳咗鎖3掣同D掣之後係撳唔到R掣，即係唔可能三粒撳晒變空波：
https://www.youtube.com/watch?v=dAHDecUynTw
睇怕R掣係唔可以同其他任何一粒波掣一齊撳落去（即係唔會D+R=N），而係會互頂，不過又唔似新款波掣噉會彈起其他掣。
睇吓有冇機會可以搵到部真車玩吓個波掣先~