同意"呢個世界真係細"呢句話嘛？

我就好同意…
因為我宜家既朋友，好多認識過程都好特別…

第一個例子：
先講我入職做呢份工果陣，同某個師兄弟幾岩傾，大家都係留意巴士…
咁岩我有個老友話佢又有個朋友同我一齊同期做呢份工，心諗無咁橋掛…
點知真係咁巧合，朋友既朋友原來係我同事…

第二個例子，
之前係返IVE上堂識左個同學，佢就渣一架車仔既，一次遊車河，見到一個出席既板友渣左部同款既車仔…
仲要第一次見就好鬼多野傾果隻…跟著問返先知，原來佢地係兩兄弟黎既…宜家一下就多左兩個老友喇…
心水清既應該知我講邊個…

所以我都覺得緣份既野好奇怪，初初識落以為無咩關系既人，原來佢地先最有關系…

唔知大家有無試過呢D例子呢？

同意

我都想講下d case：
1. 上年暑假有兩個summer job黎我公司
一個係響加拿大返香港放暑假搵外快既
另一個就響香港某間大學讀書既
但當我介紹對方果陣
原來佢地係中學同學...

2. 我有個親戚個仔
以前因為打一個同學
所以打人同被打既都要見家長
點知原來各人既阿媽
竟然係相熟既麻雀腳！

3. 最近我先響一個影迷聚會度
遇到一個大專師兄
不過佢畢業果陣
我都仲未入去讀

哈哈...樓主識果兩個人
我睇黎都識啵

原帖由 CZ_6686 於 2006-6-13 01:03 發表
哈哈...樓主識果兩個人
我睇黎都識啵

咪就係咁橋囉…
你又有無試過呢種情況先？

原帖由 DK5416 於 2006-6-12 23:46 發表
我就好同意…
因為我宜家既朋友，好多認識過程都好特別…

第二個例子，
之前係返IVE上堂識左個同學，佢就渣一架車仔既，一次遊車河，見到一個出席既板友渣左部同款既車仔…
仲要第一次見就好鬼多野傾果隻…跟著問返先知，原來佢地係兩兄弟黎既…宜家一下就多左兩個老友喇…
心水清既應該知我講邊個…

有次上italk...竟然見到一部好熟口面0既ECHO私家車遊河相..
心諗你係邊位呢..
有晚我坐呢位同學私家車放學...言談才知佢同你遊車河
就係咁有堂就問你係咪上開italk..
不過都幾高興識到你呢位朋友0既~

原帖由 hkptb 於 2006-6-13 21:26 發表


有次上italk...竟然見到一部好熟口面0既ECHO私家車遊河相..
心諗你係邊位呢..
有晚我坐呢位同學私家車放學...言談才知佢同你遊車河
就係咁有堂就問你係咪上開italk..
不過都幾高興識到你呢位朋友0既~

我都估唔到，會咁樣識到你…
因為平時上堂見你都唔多出聲…
我又口水多過茶，但係同唔熟既人又真係完全開唔到話題…
所以世事既野都幾奇妙…

講起呢個課題, 小弟真係十分認同的, 特別係呢一兩年.

1.兩年前暑假係自己屋企人返開的教會的一間姊妹堂幫手教暑假英
文補習班, 起初就當然係乜人都唔識啦…點知教教下就發現:
a.其中一個幫手攪暑期活動的人是我返團契的教會的團長的小學同學…
b.之後, 教完都有同佢地keep in touch, 點知又發現, 其中一個我一開始已經
覺得同我表弟好似樣的女學生, 不單做左我表弟的同學, 仲做埋鄰座…. 佢r
兩個仲好似好fd tim wo…

2.自己呢幾年來係香港都返緊一個唔係我爸媽教會的團契, 係觀塘的…有一次,
由英國返到香港時, 有人問我識唔識某君, 我話識, 因為呢個某君係返開我爸媽
那間教會的. 點知, 原來呢為某君係觀塘的團契中, 其中一個團友的同學, 而家
仲離開左我爸媽間教會, 轉返觀塘呢間.

3.係英國學校, 上一年來左一批新來英國讀書的香港人. 當中有一個
係真光中學來的, 細問之後, 原來係同我一些係小學直升上中學的同學同一屆,
仲好熟TIM…之後, 復活節我地成班英國學校的同學去左佢屋企BBQ, 佢BEST
FRIEND,亦即我其中一個小學的同學(佢仲係我以前校車司機的女)都有來, 勁耐
冇見.

4.今年係University of Bath join左一個廣東話團契, 識左好多人, 其實
咁樣都已經好開心. 之後, 有一次, 多左幾個fresher來, 都係由d舊人帶返來的.
其中一個原來又係真光中學的師姐, 我識佢d朋友, 佢又識我d朋友…其實咁樣
已經都覺得個世界好細. 點知, 之後又有一個人返來, 係和團契其中三個人一起
住的男仔, year 2. 點知, 佢原來都係英華, 大我兩年…大家仲講起學校的事….
個世界真係細得緊要.

5.Sars 的時候, 返到英國搭coach, 好多香港人. 其中一對母子, 令我特別印
像深刻, 事關好少過來留學的會有媽媽陪伴. 之後去到Bath , 大家一齊行上
YMCA, 都好辛苦…大家幫大家, 個媽媽仲提議一齊行. 之後大家一齊都係在
YMCA住, 有日係LOBBY傾計, 先發覺原來佢係我一個英華老師的老婆及仔仔.
都已經 “阿” 左一聲. 冇幾耐, 係YMCA見到一個好熟口面的女仔…諗來諗
去, 好似係一個小學同學, 佢又係有DADDY帶著, 佢DADDY就同那個媽媽都
有傾有講. 過左兩日, 我同呢個女仔相認. 原來真係我的小學同學, 冇見4年幾.

其實仲有好多, 不過真係不能盡錄. 總之, 呢個世界, 就算走出香港, 都真係好細!

[ 本帖最後由 hkbw 於 2006-6-14 01:30 編輯 ]

我又講下先:

話說小弟的大舅父移民左去加拿大,前年就再婚,
到今年1月佢既外父外母(在下稱他們為公公婆婆)
番黎香港遊下同埋同我地成家人食飯,
點知食食下飯,小弟的老豆就認出公公係佢既中學班主任

真係講都冇人信,估唔到30年前既師生竟然可以重遇,
仲要已經成為左親戚,你都咪話唔奇

唔知係邊度聽過 :
"而家世界上, 2 個唔相識既人, 中間只需靠 4 個人, 就可以拉上關係"

證明世界真係細 ..


早排去旺角, 係間食肆同人搭檯
點知原來搭檯果個, 竟然係我小學同學 ..

原帖由 kokchun 於 2006-6-17 10:50 發表
唔知係邊度聽過 :
"而家世界上, 2 個唔相識既人, 中間只需靠 4 個人, 就可以拉上關係"

證明世界真係細 ..


早排去旺角, 係間食肆同人搭檯
點知原來搭檯果個, 竟然係我小學同學 ..

咁都撞得返，緊係約埋下次食飯喇，係咪？

我都好似未撞過小學同學，反而中學同學就有…