探討於東涌線設立機場特車

世界各地大部份既機場都有特等列車同普通列車服務, 反而香港係冇既, 如果要搭鐵路去機場, 就必須光顧機場快線
咁樣強迫乘客使用機場快線服務是否正確呢? 大部份九龍區市民都要係青衣額外轉一次車先去到機場, 即總共轉車兩次 (荃灣線沿線) 至三次 (觀塘線沿線)

咁樣當然住係呢D地區有腦既市民都會選搭巴士一程過入機場

如果安排一部份東涌線特車改入機場, 收東涌線價是否可以方便市民呢? 可能平日一個鐘一班已經足夠
機場站就可以係二號客運大樓 (3號月台) 加裝大量闊閘機, 東涌線特車到機場只開右邊門, 令市民可以經3號月台既閘機出閘,
而機場快線到達機場均會打開左右既車門, 乘客可經左邊1號月台直接離開或經右邊3號月台出閘離開, 收費不變

回程則可用現時未開放既4號月台, 加裝閘機再開放比東涌線特車使用, 機場快線則維持只開右邊車門,

相信咁樣設計逃票問題亦不大, 因為東涌線沿途各站都有出入閘機, 如果有人逃票亦將無法於市區車站出入閘,

而二號客運大樓擴建部份啟用後, 機場快線市區方向係機場站亦會打開左右既車門, 乘客可選擇於2號月台直接乘搭或4號月台入閘後乘搭,
如係4號月台入閘既乘客係市區線出閘, 就收東涌線票價, 如果係機場快線閘機出閘, 就收機場快線票價

咁樣就可以令市民無須經機場快線或巴士前往機場, 提供多一個選擇, 尤其是東涌線沿線居民更可直接受惠, 無需轉車直入機場 (如荔景, 南昌, 奧運站)

留意: 非FF, 認真討論

歸根究底就係點解去機場車費要用掠水價車費
情況同尖沙咀食魚蛋粉收貴遊客一倍有咩分別
而家唔少人包括遊客都識S1什至S56轉車搭東涌綫
好過被人屈多七十蚊
龜龜$$當前點會肯
東涌綫做博覽館特車但收110蚊車費就有

龜記個掠水價真係可以令遊客覺得城記A21收33都平

機場快綫都唔掠水仲可以點掠水？而家機鐵轉虧為盈，更加唔可能變返普通市區綫。

建議的收費模式只會混亂和多投訴。

機鐵仲有市區預辧登機服務和酒店接駁巴士、成本來的。混合行車只會毀滅機鐵。

不妨睇下呢份文件先呢!

cat666 發表於 2017-12-30 21:39
建議的收費模式只會混亂和多投訴。機鐵仲有市區預辧登機服務和酒店接駁巴士、成本來的。混合行車只會毀滅機 ...

認同，啲人覺得貴係因為佢地冇用盡 package嘅服務姐。而事實上如果將 package收費分拆嘅話，當齋搭車打個七折，可能港鐵驚好多人唔會加錢令到 additional 嘅服務蝕錢，所以焗你統一比呢個收費。

另外，就算有東涌線班次拉去機場，反對以東涌線價位入機場，乘翻大 40%都不為過。

AEL最吸引既係in town check in service同極短車程到機場,好多客會in town check in 完再去玩，even 剩係買ael票做in town check in而唔搭ael都有

至於車費，除左單人車票係收百幾蚊比較拿利之外，其實仲有來回唔少乘客會買團體票(2,3,4人同行)同其他渠道買票，除返開都係60-75一人, 我覺得又唔算太貴


如果要tcl開入機場，機場站加閘機(要機管局approval) 同收費模式又會係一個問題

ps ael exstaff

dogdog002 發表於 2017-12-30 10:32
歸根究底就係點解去機場車費要用掠水價車費
情況同尖沙咀食魚蛋粉收貴遊客一倍有咩分別
而家唔少人包括遊客 ...

如果以小弟既觀察，ael既優勢其實依然好大的,
車費既問題黎講，我會覺得現時ael既車費相比其他國家既airport express service係相若或略貴少少咁多
以遊客心態黎講，我諗好多旅客都依然想搵個直接到機場既方法多於tcl+s1等等(可能唔想煩)
當然精打細算既旅客當然會用tcl+s1到機場

小弟以前做過下ael，in town check in service其實真係好吸引
好多旅客鍾意係去機場前去東涌citygate買野，俾左ael同tcl兩個suggestion佢地，佢地都傾向itci, 即ael to air, 再轉s1去東涌再s1返機場
原因就係itci service

由青衣出發，機鐵一程要$65，又無預辦登機，又無接駁巴士，喺青衣島內又無其它地鐵接駁。我不如一程A車好過。

軒仔 發表於 2017-12-31 15:37
如果以小弟既觀察，ael既優勢其實依然好大的,
車費既問題黎講，我會覺得現時ael既車費相比其他國家既airp ...

如果鑽石山有得搭機鐵，一程車30分鐘直達，有冇in-town check-in我都肯畀$100一位，反正而家三個人搭的士都差唔多。

AEL對於大部分市民唔吸引係因為大部分人屋企都唔近車站，係極之旅客為主的服務，樓主建議都係想減少轉車次數。例如九龍東去青衣轉機鐵收$65比起搭的士係平，但要搭三程迫爆本地線去到青衣再上上落落先搭到，收$30我都嫌你慢；又或者搭的士去九龍站？我都上得的士點解唔入埋機場，重走去塞加士居道咩。

所以我自己FF九龍東西線（並非政府現時建議的東九龍線）係要直通東涌線，最好AEL開埋入旺角觀塘添（完全不理物理限制，只談服務需要）。