興發街巴士站可以如何改善擠塞問題?

順利村 發表於 2018-1-3 23:03
100以前係好多客
不過唔知點解Cut左, 可能關Quota事
不過問題係, 繁時當然可以密密開

當年應該未立旺區配額制，
有指係因為西隧同東涌線通車分流，而分別取消100 300。

但到今日，西隧已經無法疏導紅隧。

Lawliet 發表於 2018-1-2 10:35
呢個咪同N182一樣行法囉
睇番興發街問題多數繁時發生(連帶東隧車龍塞死成個天后)
但繁時無論摩頓台/禮頓道 ...

踢走 103 170 唔會即時對興發街塞車有幫助，
但至少呢兩條線既乘客係無必要塞興發街，環迴銅鑼灣一圈塞餐飽

而 170 個 case，禮頓道係塞，但同時天樂里、軒尼詩道都塞，
根本出到怡和街邊寧頓街交街時間就差唔多。
但由呢個 point 起計，跟 108 112 116 入紅隧，一定快過而家兜天后再入返內告

acc1368 發表於 2018-1-3 05:11
你覺得一部12米車轉到入/出去?????

11.5m 既大巴士都轉到
係唔知長 0.5m 會唔會導致轉唔到個彎

S3BL100 發表於 2018-1-3 23:56
踢走 103 170 唔會即時對興發街塞車有幫助，
但至少呢兩條線既乘客係無必要塞興發街，環迴銅鑼灣一圈塞餐 ...

繁時計
就170方面 改行禮頓道塞既程度一定比天樂里嚴重

下繁坐182都耐唔耐比禮頓道+堅拿道西車龍倒塞番入摩里臣山道
如果立德里個站改停禮頓道(立德里對出10,8X果個位)
要埋站又焗住跟107 171堆車海線塞慢線
而且逆向改後 會唔會倒走埋海皮景隆街堆客又係問題
如果真係要改既
我覺跟N182入摩頓台上天橋係比較好既方法

不過睇番現時巴士公司對170做法
應該唔會有咩大改動
都係等沙中線通左會唔會連182重組一下沙田<>港島線

興發街問題最簡單應該係拉長成條巴士站
將停車場位縮番入少少就得
(唔太識講 而家興發街個站果忽停車場位係縮入去少少)
拉長成條巴士站就唔洗成堆線焗住一架排一架上客

ccicoltd 發表於 2018-1-3 23:09
103 170 駛到清風街太遠了，我寧願跟 N182 行國泰酒店上橋往海旁。

問題就係經天后咁耐, 突然間cut站, 連維園都唔停, 該區肯唔肯?

siupy 發表於 2018-1-3 17:48
由興發街至中央圖書館之間高士威道電車軌向南移一線
興發街電車站向南移一線
擴闊近興發街維園入口一段高士 ...

當銅鑼灣倒塞時, 英皇道入高士威道得番一線行車, 龍尾恐怕會頂到炮台山.

仲有就係, 移路軌工程浩大, 期間封一條行車線起路軌, 要待新路軌鋪設完成後, 才可以清拆舊路軌鋪路, 再起新巴士站, 無論金錢同時間都划算.

喺清風街天橋橋面（近興發街）起個巴士站，將102 106搬過去，順便停埋99 18P 619。

Lawliet 發表於 2018-1-4 07:35
繁時計
就170方面 改行禮頓道塞既程度一定比天樂里嚴重

倒景隆街客，但景隆街其實咪又係銅鑼灣入面行出來

怡和街上車乘客快 > 10 分鐘不在話下，其實怡和街上車入紅隧一般都快過景隆街上車

而且仲有機會可以搶返 108 112 116 轉東鐵乘客，位位 $9.3 變 $14.8，
再加上因為整體快左，而令到頭段可能有客回流，又減少過鐘，170 沙田方向銅鑼灣逆走其實真係有著數

4437 發表於 2018-1-4 10:50
喺清風街天橋橋面（近興發街）起個巴士站，將102 106搬過去，順便停埋99 18P 619。 ...

現時維園外的工地有個類似停車灣的物體，不過前方就是中環灣仔繞道的隧道入口。

170銅鑼灣逆走無問題，但天后一定要補償