2018-2019年度西貢區巴士路線計劃

10598C 發表於 2018-1-10 22:50
平時星期六下繁返將軍澳通常水渠道前滿座(一般太子站唔多人上車，所以基本上淨係深水埗長沙灣都坐到九成位 ...

好單純已經諗到旺角點會少客, 出過街既人都知旺角咩環境
98C 本身站位唔好, 又難上車, 先見到西九多人過旺角,
俾你做客, 特登行去搭一/兩次都要等餐死, 仲要企, 尤其山下人怕企大半程上山, 俾著你仲行唔行去搭?
客是自己趕走的

kc_loo 發表於 2018-1-11 00:02
好單純已經諗到旺角點會少客, 出過街既人都知旺角咩環境
98C 本身站位唔好, 又難上車, 先見到西九多人過 ...

上面已經講左幾次，就算你唔計康翠焗塞旺角都會照坐的因素，
唔考慮應該俾最多人快得最多的原則都好，
98C 拆九龍段對比拆將軍澳段坑口尾站，分別係你一係揀坑口旺角客來做，
一係揀寶林西九客來做

所以搶客角度，唔係旺角定西九多D客，而係坑口旺角同寶林西九邊舊多D客，
而點解都係寶林西九多過坑口旺角，上面已解釋左點樣由 98S 客量分布推導呢個結論

問題係呢度成班人都罔顧事實，自己搵自己既 alternative facts 去自圓其說，
個人意見壓倒事實，講客觀事實都俾人當係唔支持有合理服務

當然，唔排除呢度有人覺得可以唔理其他人，最緊要自己有得快就得，
其他人到底數目有幾多、有無得快就可以唔理

S3BL100 發表於 2018-1-11 00:13
上面已經講左幾次，就算你唔計康翠焗塞旺角都會照坐的因素，
唔考慮應該俾最多人快得最多的原則都好，
98 ...

明白, 原來你仲維持住用98S 推斷, 即係你無睇過人地寫咩
坑口旺角同寶林西九, 我就更唔明點解一定係坑口+旺角, 而唔係寶林+旺角?
咩叫"最多人", 邊個confirm 到點叫"最多人", 而家好似係你定
你講到你係為"最多人有得快",
你既做法我只睇到山上人最快, 山上到呢刻有幾多人?
講來講去, 就係要上山兩邊都賺盡
咩叫合理服務?  就係要坑口同你兜成個山出旺角, , 再一條線坑口同你兜成個山出西九, 山上兩條點對點, 就係最合理服務?

kc_loo 發表於 2018-1-11 00:25
明白, 原來你仲維持住用98S 推斷, 即係你無睇過人地寫咩
坑口旺角同寶林西九, 我就更唔明點解一定係坑口+ ...

如果係寶林旺角，即係意味坑口甚至康城都要兜到寶林先入隧道再直去旺角，咁不如唔好拆

「最多人有得快」？原來而家連 98S 都係西九多過旺角，
咁係咪西九拆線先係最多人有得快？

不過咁，就算係西九段拆，我都認為只得繁忙時間有條件做，因為唔夠車。
咁繁忙時間西九段拆線優勢比起將軍澳拆線更明顯，係咪更應該開繁忙時間飛起旺角的特別班？

當然，而家 98S 有既得利益者，
所以我好主張與其跟 RPP 同 98S 加一班車變五班，
不如繁忙時間四班 98X 黃竹街後不停站走，終點康城 + 兩班 98S 出隧道直落坑口，98C 減一班車

而出到來的結果，長沙灣道起計，98X 應該會比起 98S 更快返到坑口

我就本身好少認同某一些乜都坑口直出友,但講到98A/98C就不得不撐
呢兩條線對佢地實在係慢,現行下又唔係無能力分拆令整體車程加快

站在坑口角度,將軍澳拆比起西九拆吸引
前者拆法你去旺角定深水埗都會比宜家快,去兩到都會吸引地佢地回流
但後者拆西九只會去深水埗及打後先會快咗,去旺角一樣太慢趕客
而我相信坑口唔介意用較疏班次換取快車出到九龍

可能又有人話,拆將軍澳走線對山上同寶林無咩得益
但又諗下,條線縮入寶林係方便到入面欣景路一帶搭車
對山上既班次穩定過坑口開過黎,同多d位座唔使同多一區人爭車座
而且講真果句,係九巴角度西九拆法到頭來都係得同一堆客搭返,
對佢黎講車就用多咗但客就無乜多到,所以根本唔會走去拆西九

如果用98S比就算吧啦,去到寶林先走係呢到行山同行隧道都唔差得遠
唔搭98C既坑口客亦都唔會搭得幾班同差唔多慢既98S,根本睇唔哂個客路

西九唔會好似旺角全天侯咁好客,全日黎講將軍澳呢邊拆發展潛力比較高
繁時整幾班比寶林+山上飛旺角直去深水埗已經足夠
全日拆線後山上線(93C)整體班次同宜家相若就可以

仲有,第日將隧轉車站開咗佢做轉車站經觀繞出旺角係有戰略意義

GA6072 發表於 2018-1-9 18:39
比條奇橋

用91S坑口之後跑隧道觀塘道拉返出彩虹

之前都有提出過類似方案
問題主要係清水灣變相無車出科大，而彩虹轉車對佢地而言確實會快少少

我自己就覺得，91年年蝕咁多錢都唔係辦法
九巴係有誘因擺平地區阻力去改善條數
而如果新91S可以做得密少少，加返BBI處理科大客
有坑口站接駁同將隧轉乘既前提下，清水灣係有條件接受91換91S

castanopsis 發表於 2018-1-11 05:43
之前都有提出過類似方案
問題主要係清水灣變相無車出科大，而彩虹轉車對佢地而言確實會快少少

原來91年年都蝕大錢，真係唔講唔知，其實會不會考慮整幾多班返學專車去替代91，同埋呢批客係啖真係重要到要九巴特登用條全日線去招呼，即使91改由坑口直出都可以同經科大的91M係改路後的坑口做轉乘優惠

10598C 發表於 2018-1-9 18:40
296A會多人最主要係因為價錢平+班次密，但298C(坑口觀塘旺深)兩樣都唔會係，做嘅係貴價流水($8.3)，仲係 ...

坑口客角度，你條觀塘道半特快298C絕對袋得落
參考296C，只要飛得夠多橋，效果唔差

但如果以巴士公司運輸署角度，我覺得未係最理想

貴價流水要work，前提係觀塘堆轉乘客落咗車之後，可以上返一班客填得滿部車
296C其實流水力已經唔算好強，加多條298C落去爭食唔見得可以做大到個餅
好大可能到最後變成執1A/16/296C雞，無錯298C係執到班客，但後面部1A/16又少咁班客咁
同93K一樣，真正意義上既新客，唔多

而同時又多一條無需要喺觀塘道出現既線停觀塘道
與運輸署減少觀塘道不必要車流既宗旨相違背

另外一點係
298C行多條觀塘道，對坑口西九客合理
但對康城西九客，就開始略嫌太慢
而康城觀塘客又兜多個坑口
對康城客而言，似乎雙輸

最後，如果有觀塘線同觀繞旺角線
唔夠客既時候可以合併
但如果一開始係298C做曬康城坑口出觀塘旺角
礙於九龍灣/啟業問題，拆唔返開做觀塘線同旺角線
變咗就算多客，進一步重組拆線個flexibility都好低

orzcalpower 發表於 2018-1-9 18:36
sorry比我轉一轉話題，見大家講到咁heat，呢幾日專登非繁坐下95（翠林旺角）。
小弟見到有幾個現象：

又要問既一個問題彩虹道等95班客
有幾多係真係要搭95
又有幾多係等緊9/203E既時候見到95照上？


我對95飛唔飛新蒲崗彩虹道無意見
但如果真係要搞，要搞清楚班客究竟去邊

另外見你話菜街係黑洞
我成日夜晚搭16，唔覺得咁差，可能時間問題
但如果菜街比起旺角道塞多咁多，確實唔值得入去

kc_loo 發表於 2018-1-9 21:02
又唔可以搵98A 比, 始終差太遠,
回程的確係比較難上車, 但上左車就神仙
小巴有樣野真係唔可以同巴士比, 一 ...

98A就唔好提啦
但296A式走線，唔見得會慢得過102幾多
你話上滿直飛，講真，296A都只係停多兩個站而已
而實際上真係要加快個車程，仲可以cut觀塘游泳池個站，反正警署功能大同小異
$7-$8價錢差距，唔嘢少