2018-2019年度西貢區巴士路線計劃

transbus 發表於 2018-1-24 00:47
只想問，要求290入順秀係咩事，指前排啲區佬要求290沿路加停?
定係講將荃規劃期要求入邨停站?

又咁講，當時將荃 RPP 初版定線入四順唔入秀明道，後尾變成入去，
係呢下最致命，破壞左西貢區議會同運吉之間的信任

最後解決方法，我覺得係合理，但信任問題，一破壞左就好難返轉頭

GW4866 發表於 2018-1-24 07:35
你都九唔搭八既...

鑽石山起緊果條叫東西綫,即係西鐵+馬鐵

除左呢樣之外（其實我唔覺得真係有幾多人會用 98C 轉東鐵），
最大問題係好似有人覺得「巴士唔係要極致地快」係改慢人地條線的藉口

當然改慢 290 加停鑽石山的影響，比起同一版友要 95 代 98C 做康翠旺角的影響細，
但都無理由咁玩

「巴士唔係要極致地快」只適用於規劃中的新線。
如果係現有路線，本身一定有既得利益者，你估班既得利益者
會無其他野交換的前提下，主動肯改慢自己坐緊條線？

試下搵日同我 68X 268X 合併返，一條美孚掃落佐敦，「巴士唔係要極致地快」嘛，會唔會無人嘈？
或者搵日新巴 4 4X 合併返，華富經西營盤先去到中環，都係慢 5-10 分姐，會唔會無人嘈？

同埋真係要轉東鐵的話，係應該開條大隧線直入沙田站

053h4 發表於 2018-1-24 14:13
4X本身星期日就無服務，4X巴士公司為收車，唔同其他流水線搶生意，先創依造出離的產品（重要當日建制玩抽 ...

幾個講左 N 次而你無回應過的問題：

1. 點解一定要透過拆 95 去改快 98C？點解唔可以直接拆條 98C 就算？
2. 98C 而家做唔到秀茂坪？
3. 95 而家根本只係得回程先係比較多康翠旺角客，去程情況差好遠
4. 新蒲崗太子道東至秀暉樓一段，95 比 98C 慢成倍。
就算俾你有限度停站，順利村道開唔開到 70 km/h？定係你諗住直頭寶達後不停站直落彩虹
仲要拆晒沿路交通燈？咁就真係有機會快過 98C 啦，不過仲做乜鬼秀茂坪

呢D問題唔係你唔答就可以掩耳盜鈴

同埋你唔好屈我話驚 98C 康翠自己唔夠客，事實係根據山上山下客比例，康翠寶達秀暉根本夠客獨立成線

053h4 發表於 2018-1-24 14:37
我無記錯，你係另一post話咩，9 號30分鐘一班好，定開密D唔洗繞經其他地方好呢一點正正係代表左山下居民需 ...

你連我個前提都搞錯

9+9X 各 30 分一班，好過 9 一線走天涯（而唔係開密D又唔使繞經其他地方!!!）
好大程度係因為無其他方法處理黃大仙 VVVIP 區問題，無其他辦法先要咁做；
而且係基於彩福一條又係 30 分一班 2X 的前設，2X+9X 可以做聯合班次

我又唔知95飛橋行彩虹道兼有限度停站下會慢過而家98C

你知唔知條彩虹道要行幾耐？由彩虹邨第一個站計起去到入太子道東，
時間已經夠 98C 由曉光街飛到新蒲崗采頤花園

你連堆線點行都搞唔清楚，講到好似彩虹道好快行完，真係拆晒秀茂坪道、順利村道堆交通燈都幫唔到你

你拆98C方案並無解決多數版友認為山下夠客特快車出旺角，呢一點你應該會同意

我無講過 98C 拆九龍段係解決到山下出旺角問題，
但最大問題係如果目的係要縮減山下出旺角車程，係應該拆 98C 而唔係拆 95 囉

而且你個方案，坑口如果要兜入寶林先入隧道，就唔快得過 98C 幾多，不如唔好拆；
如果坑口尾站，95 求其拆半直通就算，寶林直頭由有變無

053h4 發表於 2018-1-24 14:57
呢鋪正，原來你支持9號拆線但反95拆線，勁
原來你又可以假設本人拆線唔可以直出，一定要入新浦崗兼停站唔 ...

唔係我假設你唔可以直出，而係你上面講到明「飛橋行彩虹道兼有限度停站」，即係入埋彩虹道

同埋就算唔入彩虹道，95 行法新蒲崗至秀暉樓之間都係比 98C 慢成倍

點解 9+9X 可以但我唔認為需要拆 95？
9 本身有大量替代品，係 VVVIP 區出問題要特別方法處理，
而三彩本身係無正常巴士線出旺角

相比之下，就算唔改快 95，事實係康翠寶達秀茂坪本身都有 98C，
問題係你好似當左 98C 係康翠尾站而唔係秀暉樓尾站，覺得好似可以拖慢人地車程去加快其他人車程，
然後聲稱你無拖慢人車程

康翠寶達秀暉本身就有快線出旺角，同埋三彩本身無，已經無可比性

而且講左 N 次，而家唔係山下應唔應該有快線出旺角的問題，或者我支唔支持的問題，
而係你根本用一個唔合理的錯誤方法去達到目的

我問左你好多次，如果真係有車從天而降，直接拆 98C，
坑口有尾站車入隧道，康翠寶達秀暉直上觀繞，對比起你搞場大龍鳳之後仲要搞到寶達秀暉無左尾站車，
直接拆 98C 對於「達到目的」到底構成咩問題？