260M 山景←→青衣機鐵站

背景
屯門往來青衣交通一向不便，現時屯門居民接駁地鐵，大部份均在荃灣轉車，引致荃灣地鐵站負荷一直很高。

當1998年地鐵東涌線通車後，只有63M由元朗經屯門新墟及市中心，取道荃灣及葵涌至青衣機鐵站，屯門居民若要往來青衣，相當兜路，亦無法吸引屯門居民往來青衣機鐵站轉乘地鐵。

後來63M改經汀九橋及青衣北岸公路，為屯門新墟及市中心一帶提供最直接的往來青衣機鐵站的服務，但因班次疏落，而且由青衣往屯門要支付全程$9.50車資，引致吸引力一直欠佳，九廣西鐵通車後，63M被列入建議取消路線，並於2004年2月22日起停止服務，同日起68A延長至青衣機鐵站，屯門往來青衣又回復要「左兜右兜」的日子。

因此是次建議開辦的新線260M，為屯門西北部及市中心居民提供頻密而直接往來青衣機鐵站的服務（因為屯門西北人口較多），這樣可以分流部份地鐵轉乘客於青衣站轉車。

路線資料
山景開：經旺賢街，石排頭路，震寰路，青田路，田景路，鳴琴路，震寰路，青麟路，藍地交匯處，屯門公路，屯發路，屯門公路，青朗公路，青衣西北交匯處，長青公路，青衣西路，楓樹窩路，擔杆山交匯處及青敬路。
青衣機鐵站開：經青敬路，擔杆山交匯處，楓樹窩路，青衣西路，長青公路，青衣西北交匯處，青朗公路，屯門公路，屯喜路，屯門公路，藍地交匯處，青麟路，震寰路，鳴琴路，田景路，青田路，震寰路，石排頭路及旺賢街。

山景開：0530-2330
青衣機鐵站開：0620-0040
班次：10-20分鐘

全程收費：$7.80
分段：屯門市中心往山景 $3.50

轉乘優惠：互轉248M, 249M, 第二程優惠為$3.50或該程車費（較低者為準）

派車：11部低地台空調巴士

相關改動
由於屯門已有260M直達青衣，68A會縮短至荔景(北)。
來回程改經：興芳路，葵福路及荔景山路。
全程行車時間會由72分鐘減至約65分鐘。
由於路程縮短，班次可稍作加強。

原有藍地至朗屏往來青衣之乘客可改乘263M。

至於58M及67M，則兩線各減一部巴士。（因預期部份乘客會改在青衣轉乘地鐵）

[ 本帖最後由 eric278 於 2006-6-13 14:43 編輯 ]

其實...青衣去屯門係咪真係夠客養一條線呢?
況且而家去荃灣轉車唔見得唔方便, 你個建議亦一樣要係青衣機鐵站轉車 (248M/249M, 青衣村一帶更加只有步行一途).
去荃灣轉車亦唔見得唔方便, 去機鐵站轉車亦唔見得快好多.

不如加青衣-葵涌/荃灣線 <-> 葵涌/荃灣-屯門線的轉乘優惠更實際.

補充:
剛才睇漏眼, 如果你開呢條線的目的係方便屯門人轉地鐵的話, 咁我完全同意 bose_hung 的論點, 唔開好過開.

[ 本帖最後由 leeyc0 於 2006-6-13 15:46 編輯 ]

如果開呢條線o既目的，
係想有直線來往屯門同青衣，
小弟冇異議；
但係「為分流部份地鐵轉乘客於青衣站轉車」的話，
小弟好有保留！

以現時道路網計算，
（包括行人天橋等行人專用道路）
由屯門經荃灣轉地鐵，
係比經青衣轉地鐵好得多，
因為由汀九分岔口去青衣機鐵站，
行車時間唔會比去荃灣地鐵站快好多；
落巴士之後行去地鐵站o既路程亦差唔多；
但係「搭地鐵」就係一個大問題！
一來青衣機鐵站只係一個地鐵分站，
而荃灣地鐵站係地鐵總站，
即係話荃灣地鐵站上地鐵列車的話，
必然有位坐，
呢點對於小弟呢Ｄ追求「有位坐」o既人o黎講係好重要！
（雖則唔係所有人都好似小弟咁諗，
　但小弟相信，
　同小弟相同諗法o既人係唔少o既。）
另一方面，
新汀九橋係會因天氣情況而有機會唔俾大車使用，
巴士就係其中之一，
呢點亦好影響乘客用唔用青衣機鐵站轉地鐵。

樓主呢條線有冇可能令人改於青衣轉乘地鐵，
最重要係轉地鐵去邊度！
青衣轉乘地鐵，
只有東涌線一條選擇，
（鍾意去青衣轉機鐵入機場o既人會有幾多呢？
　應該係對樓主呢條線冇關係囉～～
　何不直接由屯門入機場？）
去南昌、奧運、九龍站的話，
搭樓主呢條線去青衣轉乘東涌線，
係一個好好o既選擇，
但人數會有幾多呢？
如果係去其他市區線車站的話，
何不去荃灣轉呢？
唔使青衣轉一次、荔景又轉一次，
費時失事；
過海的話，
小弟相信直接搭 960 、 961 過海之後再轉車會仲方便。

小弟要講o既 point 都講晒喇！
計計埋埋會有幾多人去青衣轉地鐵呢？
呢批客加埋直接去青衣o既乘客，
係咪足以支持呢條線呢？

如果係做直接去青衣o既客，
倒不如兜埋青衣，
好過再轉 248M 、 249M ……

原帖由 bose_hung 於 2006-6-13 15:27 發表
如果開呢條線o既目的，
係想有直線來往屯門同青衣，
小弟冇異議；

雖然我係青衣人, 但係我唔係咁贊成開一條全日線青衣來往大西北, 睇番 264M 就知乜事, 平時根本就無乜客. (雖然 264M 有部分係九巴咎由自取.)
真係要開線, 頂多開早上繁時入屯門, 及下午繁時由屯門返青衣.

不過都係加轉乘最實際.

荔景北已沒有坑再放巴士
同九巴都有巴士來往屯門和葵涌或油尖旺
可以轉乘地鐵

原帖由 leeyc0 於 2006-6-13 15:53 發表


雖然我係青衣人, 但係我唔係咁贊成開一條全日線青衣來往大西北, 睇番 264M 就知乜事, 平時根本就無乜客. (雖然 264M 有部分係九巴咎由自取.)
真係要開線, 頂多開早上繁時入屯門, 及下午繁時由屯門返青衣.

...

264M的問題是因為不斷延長路線及改經更多地方。
繞經坳頭及高埔的措施其實很失策。

原帖由 leeyc0 於 2006-6-13 15:53 發表
雖然我係青衣人, 但係我唔係咁贊成開一條全日線青衣來往大西北, 睇番 264M 就知乜事, 平時根本就無乜客. (雖然 264M 有部分係九巴咎由自取.)
真係要開線, 頂多開早上繁時入屯門, 及下午繁時由屯門返青衣.

不過都係加轉乘最實際.

不客氣講句,而家青衣<>屯門的轉乘,幾不知所謂.
248M/249M<>68A...遊花園方法,加上其中一程要俾元朗價,明顯趕客.
講番260M,如果做兩味線,或全日線(疏車,但時間執得靚),都有吸引力o既.

原帖由 chrisappear 於 2006-6-13 19:22 發表

不客氣講句,而家青衣<>屯門的轉乘,幾不知所謂.
248M/249M<>68A...遊花園方法,加上其中一程要俾元朗價,明顯趕客.
講番260M,如果做兩味線,或全日線(疏車,但時間執得靚),都有吸引力o既.

睇落68A搭返屯門要收$9.2好似好貴咁
但係屯門線同青衣線係無轉乘優惠
所以並唔係無人願意在青衣上68A返屯門

事實上,在青衣上68A之乘客起碼有一半人返屯門!
另外,搭248M及249M轉68A,全程更只需要$8.9
68A又唔會上到好似58M咁,坐得咁辛苦
如果唔係趕時間例如放工咁!

原帖由 CK4013 於 2006-6-13 19:50 發表
睇落68A搭返屯門要收$9.2好似好貴咁
但係屯門線同青衣線係無轉乘優惠
所以並唔係無人願意在青衣上68A返屯門

事實上,在青衣上68A之乘客起碼有一半人返屯門!
另外,搭248M及249M轉68A,全程更只需要$8.9
68A又唔會上到好似58M咁,坐得咁辛苦
如果唔係趕時間例如放工咁!

有比較就有嫌棄,而家68A跟後期63M差得遠.
雖說後期63M定線難以吸客,但對青衣客真係幾吸引:22分鐘已到屯門市中心,俾元朗價當特快都抵.
但而家68A係走前期63M舊路,乘車時間幾乎多一倍.
後期63M何嘗不是搭得舒服,而且快捷,結果難逃被開刀...

[ 本帖最後由 chrisappear 於 2006-6-13 20:10 編輯 ]

原帖由 leeyc0 於 2006-6-13 15:53 發表


雖然我係青衣人, 但係我唔係咁贊成開一條全日線青衣來往大西北, 睇番 264M 就知乜事, 平時根本就無乜客. (雖然 264M 有部分係九巴咎由自取.)
真係要開線, 頂多開早上繁時入屯門, 及下午繁時由屯門返青衣.

...

264M何止兜路呀
兼且班次疏
響元朗d 分站又係隔到九丈咁遠
家陣我由元朗返青衣
都寧願坐68M去轉站轉264M/279x啦

仲有我都認同bose兄所講既野
如果係搭地鐵轉佢返屯門
我覺得真係唔使入青衣喎
市區大把車返屯門啦
要地鐵轉車既
我唔好去葵芳同荃灣？
真係貪佢東涌線非繁時十分鐘一班車咩！
我響東涌線既
我唔好去南昌轉西鐵？

至於話青衣居民出入屯門
我諗如果佢夠客既話
當初63M只係會縮短路線而唔係殺線啦
我諗如果我係入屯門既
我會搭呢條線
但回程既我寧願搭番出荃灣車駁車喇
原因...懶得行囉！

其實呢條線開綠小可能會有得做既
至於巴士線...用AM都要諗諗喎
你開得密就真係唔夠客
開得疏又無謂開啦