富豪超級奧林比安討論

因為新巴工程部人手不足，其次新巴技工母須2年學識整一部巴士，九巴要求係2年識整一部巴士。50XX本身起步慢，迫力避震差，呢款車好過60XX少少，但好多上山路綫唔用得，例如116，27，792M，970，970X，971，91，4，4X禁用呢款車，好多師傅有得揀都唔會揀50xx

HE7921 發表於 2018-1-4 13:58
但香港無一部超富配Voith波箱，反而新加坡有

上網睇人係話 唔夠位先迫住淨係揀 ZF 波箱

但係點解新加坡戈批又用得?

TommyS58 發表於 2018-1-4 12:07
我聽過轉向最差係大白龍(未有12.8時)不過就算有RAS
12.8長咗嗰80厘米係唔會少咗
...

而家轉向最差嘅係嗰3部12.8米B9
仲衰過大白龍

s031096 發表於 2018-1-4 22:34
而家轉向最差嘅係嗰3部12.8米B9
仲衰過大白龍

大白龍係差少少，始終舊車款。一唔夠油隨時擺街o

河豚 發表於 2018-1-4 22:28
上網睇人係話 唔夠位先迫住淨係揀 ZF 波箱

但係點解新加坡戈批又用得?

超豪用voith波箱聞說只能用三前速型號,星加坡行50當然冇問題,但香港行70就只會o徒油

Oliver_ME16 發表於 2018-1-4 22:56
超豪用voith波箱聞說只能用三前速型號,星加坡行50當然冇問題,但香港行70就只會o徒油
...

咁Trident行三前速唔食油咩？

HE7921 發表於 2018-1-4 23:14
咁Trident行三前速唔食油咩？

1. 你唔係唔知三波躉尾牙細到一重磅就上唔到斜啩，尾牙細會慳油。。。
2. 其實重點唔係三波，而係超豪用Voith就冇OD波，事實上膠豬用ZF4波一樣冇OD波。

2. 其實同同期嗰批膠短躉/膠豬係最後一批冇OD波嘅車

(ASV50特殊身份另計)

otakutamama 發表於 2018-1-4 21:20
好欣賞你從營運的角度評論巴士車款，我想請教：

1）為超豪抬偈抬波箱是否明顯比ADL或Dennis車款難做？

2）Trident抑或或超豪的車陣較為耐用？

3）歐三超豪最盡可以扭到幾多圈軑（從中間計）？

睇過歐二超豪扭盡軑盤，大概是完整的三圈（從中間計），當然每一部車的軑圈數都會略有不同。  

謝謝解答。

大家都係討論下, 意見交留下, 實際營運只係聽朋友講.
  
超豪抬波箱吾困難, 聽朋友講熟手埋去做既, 由拆落地到換另一個上去, 一日內攪掂.  但抬車頭就好大獲, 拆到落地平均要 3 日 (仲要電器佬及車身打磨佬幫拖拆走部份組件), 有後備車頭可即換既再用 3 日裝返上去, 歐三既因為多一組排氣, 所以要多半日, 平均計抬車頭要 7 日, 而副車頭再交比車頭部打散維修, 人工及時間加起上黎好甘.  同期歐二躉抬車頭由拆到裝返一副上去大約 3 日, 時間少大約一半.
  
富豪本身設計係襟行, 所以預計少野壞, 而 Cummins 設計每件零件好容易換有咩就吾係整而係換, 但同富豪比較無咁襟行.
  
頭 5 年聽朋友講富豪印象中無抬過車頭, 同期 M305 有 d 已抬第 2 次, 所以當時伙記鐘意做富豪因為無野整.  當蜜月期過去開始多野整, 班伙記見到都怕, 行到最後幾年不停比人 Port 無力, 抬完車頭返黎出街無耐又 Port 返無力, 變成死症無得攪.
  
講內裡位置及空間好做, ADL 係好過富豪, 本身 ADL 設計係容易入手維修, 但 ADL 比較多古靈精怪細雞野整.
  
去到歐三年代, 富豪同 M335 比較襟行程度已無大分別, 早二個月聽朋友講佢做架歐三躉, 當睇返維修記錄原來新車落地到 2017 年無抬過車頭, 佢同其它伙記都知 M335 襟行但無諗過 Cummins 可以去到咁盡.
  
講陣及綱水平均計富豪靚, 朋友講大家拎起同類型既零件, 富豪質素一定有保證.  條陣新車計亦富豪好, 但問題在於公司保養, 如果大家 17 年來無做過大陣保養, 條陣大家都係霉到爛, 朋友講過一個案例有架歐二躉某幾年做過大陣保養, 湯車時條陣仲見到人, 相反超豪無做過保養, 湯車時條陣霉到嚇親人.
  
除車頭波箱大陣, 朋友講富豪最大問題而巴士迷睇吾到既就係尾擔壞得好緊要, 好多時 Port 車底響就係死尾擔多, 抬條翻修擔上返去, 幾個月後又 Port 過, 朋友講如果批車行山路要左右二邊不停扭又要大油去大腳停, 條擔死得仲快, 所以好彩當年買 33xx 而吾係富豪.
  
第三點小弟不才真係答吾到閣下, 以前聽楂車講本身超豪腰長要再前先可扭軚, 當扭到盡時就係爭多半手軚結果吾夠軚, 技術夠經驗夠既入彎前偷過隔黎線少少比自己多 d 位轉.
  
怡家 B9 年幾車朋友講好少野壞無大獲野, 當幾年後要抬車頭抬波箱, 朋友形容惡做過超豪.

tridents 發表於 2018-1-4 23:32
大家都係討論下, 意見交留下, 實際營運只係聽朋友講.
  
超豪抬波箱吾困難, 聽朋友講熟手埋去做既, 由拆落 ...

超豪同尼奥普籣有個問题，就係成日漏氣

otakutamama 發表於 2018-1-4 21:20
好欣賞你從營運的角度評論巴士車款，我想請教：

1）為超豪抬偈抬波箱是否明顯比ADL或Dennis車款難做？

大概係咁（部分車會有少少分別）
奧粘：2圈半
歐二超豪（頭批）：2圈半
歐二超豪（尾批）：3點圈
歐三超豪：3圈
B9 : 3圈半