論內地鐵路大故障既緊急巴士服務政策

小跨市既城際鐵路線都係死症係可以理解既，因為很難調動到海量大巴。
就以老廣深全線停駛為例，我相信淨係將羅湖廣州，羅湖樟木頭，石龍廣州既大巴服務大加班都係冇可能做到。

但對於市內地鐵線路方面呢？
就以深圳地鐵3號線，11號線全線停駛為例，
我相信情況都會很悲觀，因為以狂換純電動車既深圳市，肯定唔會夾硬開大堆未叉夠電既巴士出街，相關巴士服務既大淪陷都係懶理了。

大陸北京上海等城市的地鐵有一個好處是網絡密集，一條線死咗，可以通過其他線轉乘到達。至於獨市位，上次上海10號線撞車的時候都有開接駁巴士的。

以廣州-東莞-深圳為例，路面交通較為分散，遠離鐵路車站的公交有快(上公路)有慢(省/國道)，選擇較多。

深圳地鐵3號線龍崗架空段，其深惠路路面的公交選擇甚多，而市區地底段主要更有7號線作分流及替代，影響不大；11號線要兼顧機場及沙井、松崗一帶進市區的乘客，變相需要路面公交回復接駁1號線的功能。

pcckw 發表於 2018-1-12 11:00
以廣州-東莞-深圳為例，路面交通較為分散，遠離鐵路車站的公交有快(上公路)有慢(省/國道)，選擇較多。

深 ...

冇錯，就算深圳有地鐵，仲有好多同地鐵平行嘅巴士綫，講3號綫其實龍崗出市區仲有龍翔大道有E綫，1號綫死深南大道、寶安大道仲有唔少巴士綫去松崗沙井福永一帶，所以就算3/11條綫有問題仲有唔少巴士綫可以代替到

反而4號綫麻煩D，龍華新區主要來往市區嘅綫都係行梅龍大道，地鐵下面嘅騰龍路同民塘路印象中冇幾多條巴士綫行，某D站行去搭梅龍大道都幾遠下。其實主要分別係在於3號綫同11號綫地鐵沿主幹道起，起之前已經有大量巴士綫，但4號綫係響新發展區起，龍華新區地鐵沿綫除咗和平路同梅林關之外，響起地鐵前根本連路都冇，有D路甚至係地鐵起好之後一兩年先通車，所以巴士綫唔會同地鐵重疊

早輪深圳地鐵11號線停駛，唔知樓主又知唔知呢？
唔知你又有冇聽到話會大混亂呢...

上海地鐵，一停駛，微博即出通告，有冇支援唔知，但正如其他站友所說，
內地跟地鐵並排而行嘅公交線多的是，根本毋須擔心。

城際死亡的話，加班加點都唔會解決到問題。
老廣深大時大節一早已經賣晒當日的車票唔係未發生過，
大巴有冇加班我唔知，但起碼大巴線路線，客運站點要加班都唔可以話係難事。

我認為唔應該張香港人呢套思想硬係要套去人地D地方用, 每個地方都有佢既處理方法, 好定唔好, 當地人會自有評論

何況香港地鐵火車通車左三十四十幾年後, 香港人都仲未依家D緊急巴士服務, 你點解要求佢地只係通左車十幾廿年既地鐵, 有同香港一樣既應變方法呢?

同埋你問呢個問題後, 原來其實你基本上又係已經自己假設左一個答案而去成出批評

GD1570 發表於 2018-1-12 19:56
早輪深圳地鐵11號線停駛，唔知樓主又知唔知呢？
唔知你又有冇聽到話會大混亂呢...

除非平時d公交車係密密開兼載空氣，否則突如其來一個鐘多一萬客(繁時4萬以上)，要額外多200班車應付，可以點樣影響不大？

講平行巴士線香港一定仲多，仲要係雙層，但都冇可能應付到鐵路龐大的人流，東鐵即使只係非繁停駛，華明同廣福都唔駛指意上到出九龍的巴士，廣福好多人等左45分鐘先上到車

Kaix 發表於 2018-1-13 18:54
講平行巴士線香港一定仲多，仲要係雙層

香港平行路綫一定冇深圳咁多，齋彌敦道同深南大道比，深南大道都贏晒