74A 自從一小時一班後, 埔廠不時會用雙層做替車,
好似之前分享的 膠豬 JG495, 同埋過一兩日影的 JX7342 (如圖);
假日更會派大車, 又或者係新車 (橙牌車).......
今年第一日, 埔廠更派出最後歐二長豬 JZ5727 做全日,
不過文中的兩架電豬, 其實都係留區內線係最好,
先講7342, 佢係來自九廠的豬, 長期服務過海同九龍區路線,
近年轉戰北區, 並在梯位貼半身廣, 更曾短時間掛73A,
現在係後備 (聽聞架車表現下游, 真係區內線先岩).....
再簡介5727:
JZ5727 新出係為天北六子之一, 269D 加車,
不過聽聞果陣掛牌車長係碌車, 再加埋佢係豬,
自然增加行車時間 (但聽聞佢加速唔錯)....
另外, 架車更試驗安裝雙層玻璃, 令到車子重少少,
最終就比同款少左兩個企位.....
之後佢同一眾豬大哥都被轉去68X, 長期流連大西北,
亦先後掛過 276A 同埋 69M 一排;
轉沙廠前轉戰青山公路對外線 52X....
轉沙廠就先做馬鞍山東九線王 89D兩味車,
再北上回到上水, 掛過273A,
更重返過新出幹道掛 279X-50 車, 現做後備....
有朋友渣過佢做埔公線同掛牌線279X,
話架車鎖速好緊, 上暗斜跌速快, 但加速唔錯,
而我之前坐佢做73A 都試到同樣情況,
好在佢有日晚上做72X 果陣 就無大問題...........
回到正題, 元旦日得知5727 做74A, 就先去沙田掃門位,
後去坐72A短豬, 再轉車過太和坐5727 晚上八點班次, 亦趁機影埋梯位...
(估唔到2017年尾同2018年元旦連續兩日都有大西北車坐鎮,
實在好驚喜)
到上車, 一如所料係客流稀疏, 可以靜心聽佢引擎聲,
到入埔公, 在車長發揮下, 架車加速比想像中好,
上斜無腳軟, 順暢地上落埔公, 再入吐公去沙田河畔區.....
之後就係獅隧上斜, 整體表現比前一日的二代老闔一哥好一些,
引擎聲都算好聽 (同康明斯歐二比), 轉眼就出到九龍,
最後就在九龍灣落車, 完成今次暢遊.....
歡迎分享同跟下相, 謝點閱~~
|
