香港應否把中文停止列為官方語言

老實講，香港係一個亞洲都會，英文對香港係十分重要。
再加上，香港曾受英國殖民統治，香港人既英文程度點都
要有返咁上下先可以避免邊緣化。

我覺得香港政府無必要咁樣做，但係我希望政府規定所有
移居香港既人都要響TOEFL考試得到660分或以上（如果係
電腦版就要最少有280分）先有資格移居香港，同時政府亦
都應該縮小中文字大小或者直頭只印刷英文單張，俾市民有
更多機會接觸英語。

[ 本帖最後由 M 於 2006-6-13 23:41 編輯 ]

原本唔識英文既連政府單張都無得睇真係慘.

雖然接觸英文、面向國際是現今香港人需要做的，
但不見得要剝奪大部份市民以母語了解公文的權利。

[ 本帖最後由 238X 於 2006-6-14 00:12 編輯 ]

香港始終用慣中文...
中文應該繼續成為官方語言

無可否認,英文地位係好重要
但係...亦唔應該忽視中文嘅重要性

試問...一個中國人
連中文都搞唔掂
係咪一個天大笑話?!

原帖由 JX9097 於 2006-6-14 00:15 發表
香港始終用慣中文...
中文應該繼續成為官方語言

無可否認,英文地位係好重要
但係...亦唔應該忽視中文嘅重要性

試問...一個中國人
連中文都搞唔掂
係咪一個天大笑話?!

無所謂啦，反正大多香港人（40歲樓下）都係中英夾雜。
基本上所有40歲樓下既香港人都可以用流利英語溝通。

So in HK, Chinese is an inferior language, isn't it?

[ 本帖最後由 M 於 2006-6-14 07:54 編輯 ]

原帖由 s3bl416 於 2006-6-13 23:56 發表
原本唔識英文既連政府單張都無得睇真係慘.

其實我都覺得翡翠台同本港台係咪應該要加入英語廣播時段，
又或者響節目加入英文字幕。

唔識睇英文既咪學囉，香港冇左英文會好唔掂架！

[ 本帖最後由 M 於 2006-6-14 07:52 編輯 ]

原帖由 M 於 2006-6-13 23:39 發表
老實講，香港係一個亞洲都會，英文對香港係十分重要。
再加上，香港曾受英國殖民統治，香港人既英文程度點都
要有返咁上下先可以避免邊緣化。

我覺得香港政府無必要咁樣做，但係我希望政府規定所有
移居香港 ...

閣下o既講法十分搞笑！中國人用返中文有咩問題先？
香港係一個國際文化交會o既都市，要同外國人溝通，用佢o地o既語言係好正常。
但唔係代表全港o既市民都需要同外國人講野掛~~~

「十分重要」唔代表可以將我o地o既母語「取代」，你英文掂唔係代表個個都掂！
外國人o黎我o地o既o地方唔需要學我o地o既語言，反而我o地唔識英文就會被「邊沿化」
(不過我知有D外國人亦為想同我o地溝通而努力去學中文)
你覺得咁係一件好事咩？

原帖由 BallBall 於 2006-6-14 08:52 發表


閣下o既講法十分搞笑！中國人用返中文有咩問題先？
香港係一個國際文化交會o既都市，要同外國人溝通，用佢o地o既語言係好正常。
但唔係代表全港o既市民都需要同外國人講野掛~~~

「十分重要」唔代表可以將 ...

我地身為亞洲國際都會，當然要迎合外國人既需要。
全港市民唔一定需要同外國人講野，但為左要迎合外
國人既需要，點解唔學好英文呢？英文係香港既重要
性遠比中文大得多。

[ 本帖最後由 M 於 2006-6-14 09:07 編輯 ]

你有冇見過我地「偉大既中國領導人」
或者出訪外地既高官
同外國元首商談國務果陣
佢地講英文先？
咪又係講番普通話

你認為佢地真係唔識講英文咩？
真係非靠翻譯不可？
呢d 都係為保持國家體面咋
點解我地「神聖既中國官員」要專登就佢地先？

英文係要學
但係就冇理由話「為左迎合外國既需要」
就要連官方語言都要用人地果d
否則咁係有辱國體
國恥黎架！

睇番陶傑去英國果集《細說名城》
佢話以前威爾斯學生返學時
係唔講得威爾斯話既
否則佢地會被罰掛住一個寫住「NW (No Welsh )」既牌
陶傑話咁對學生係好侮辱
因為咁唔止代表佢地唔用得威爾斯話
甚至係俾人連做威爾斯人既權利都剝奪埋...

呢個topic真係咪亂講添呀！

原帖由 M 於 2006-6-14 09:03 發表

我地身為亞洲國際都會，當然要迎合外國人既需要。
全港市民唔一定需要同外國人講野，但為左要迎合外
國人既需要，點解唔學好英文呢？英文係香港既重要
性遠比中文大得多。

咁講重要性...普通話似乎都係同英文同等bor...
又唔見大家話要學好普通話gei...

為適應唔同o既市場，學習不同o既語言有助裝備自己
但自己o既母語地位係無可能取代
其他語言只係當作輔助o者..同其他人溝通用呀...