安泰邨 交通 中有咩可以搞?

BOEY2010 發表於 2018-1-31 23:24
就係奇怪明明7分鐘可以順安落到彩虹站, 突然看看網上同D議員講的40分鐘好大差距wow

住觀塘,但落彩虹30-4 ...

大把地方係咁 新清只係冰山一角

咪玩啦，40分鐘

whitehippo 發表於 2018-2-1 08:12
咪玩啦，40分鐘

手機禁快左。四順區內塞，最大問題係紀律部隊宿舍同消防局果組斑馬線加十字路口，落車返學既學生人潮加埋行去返工既人，可以塞返去利恆樓既。仲有轉入新清果支燈同新清條自私家車車龍交匯埋，再去到白虹樓例塞燈，然後舊清係彩雲交匯又一堆黃格停車撚，再聖約翰三間小學門口合法停車既自私家車，仲有出左彩虹站後果條小巴龍，夾埋又真係要咁耐。
但係，七點二十分係中秀上88，八點多數入緊隧道口

順利早繁上27落山，同睹大細差不多，其實秀茂坪道/順利邨道/協和街/康寧道路口都好需要大執，中間一小段協和街完全係樽頸，至少都要搬走變壓站，再將四條路交界改做迴旋處，想好啲最好加埋秀茂坪道天橋直飛順利邨道，或者沿順安道尾開新路落佐敦谷北道，減少秀順倚賴新清落山

BOEY2010 發表於 2018-1-31 22:11
但條新清好似話 單行線->年尾變''雙行線''  你覺得有無幫助???

你講新清定舊清？新清已經係雙線雙行呢。

就住你個問題, 作出一個自私的回覆

如要安達安泰正常用新清落山(順序):
1. 龍仔冇事,
2. 西貢公路/ 未到安達路口的清水灣道有交通意外
3. 彩虹站D 小巴好聽話/ 順暢地埋站

否則, 真的只能聽天由命

其實, 有屋俾你住, 花多少少時間在交通上, 係咁架啦, 仲想點呀<<<無論山下, 有錢佬都係咁的COMMENT
之後就講幾十年前徒步的故事, 又話政府對你好好, 等等

新清落山由利安道開始至到基順對出都係單線行車落彩虹，區議員話成功爭取擴闊到雙線行車，不過唔知幾時先做到

ricky 發表於 2018-2-1 10:25
你講新清定舊清？新清已經係雙線雙行呢。

新清同順利邨道交界的一小段，落山方向只得一線，於是來自西貢及利安道的車要全部匯入一條線（加上四順道路設計問題，內街全部要經利安道到消防局先出到大路），只要山下頂到順利邨道口，新清就會頂返上接近安泰路。政府有計劃擴闊這一小段做雙線。

HG6729 發表於 2018-2-1 10:44
就住你個問題, 作出一個自私的回覆

如要安達安泰正常用新清落山(順序):

好多有錢人都貪靜，住峻弦、飛鵝山，比安達臣比隔涉。

但我對山上住宅真係麻麻，以前住山上公屋，又潮濕，搭車又吊腳，買野唔幫襯屋邨舖，就下下要搭車買。M記同馬會都要搭車去，住咗十幾年終於頂唔順搬走。

DIH 發表於 2018-2-1 10:51
新清同順利邨道交界的一小段，落山方向只得一線，於是來自西貢及利安道的車要全部匯入一條線（加上四順道 ...

近順利邨果個彎位？
係，擴闊咗會好好多，但山下彩虹交匯處又係好多時塞車。