城巴實時到站覆蓋率僅三成 運輸署:違反新專營權承諾

【Now新聞台】城巴前年展開新專營權時，承諾在今年六月前為全部港島及過海線提供實時到站預報資訊，但至今只有約三成路線提供相關資訊。運輸署指若城巴在沒合理解釋下違反承諾，會考慮發警告信。

現時城巴旗下有超過90條行駛港島及過海的路線，都未有提供到站資訊。

不計行駛新界、東涌及機場的路線，城巴共有136條線，只有41條提供報時資訊，覆蓋率只有三成，大部分是日間和通宵都行走的路線，其他路線就只是在繁忙時間才提供到站資訊。

城巴於2016年6月展開為期十年的新專營權時，承諾在兩年內即今年6月前，為全數路線提供實時到站預報資訊，但城巴近日回覆查詢時，只稱預計本年內實時到站預報資訊可全面覆蓋所有路線。

目前城巴及新巴只在19個巴士總站安裝了班次顯示屏，城巴指，要等待所有專營路線都安裝了實時抵站時間查詢服務，之後才會於有電力供應及上蓋的巴士站安裝班次顯示屏。

有立法會議員批評城巴安裝系統速度緩慢。

運輸署指，「在新專營權開展後，兩間專營公司將會引入實時巴士到站資訊系統，讓乘客可透過流動平台（包括智能電話應用程式）查閱巴士由總站開出的時間和抵達各中途站的預計時間。兩間專營公司亦會分階段在其巴士站安裝共約100個顯示到站資訊的電子顯示屏。」如果城巴未能如期在今年六月前為全數136條路線提供實時到站預報資訊，又沒有合理解釋，會考慮發警告信。

現時只有九龍及龍運巴士的應該程式，能夠全面支援巴士實時抵站服務，而另一巴士公司新巴/城巴，就落後人半拍，到現時仍未全面提供該服務，令港島及將軍澳南的乘客做成不便。

新巴/城巴宣佈於新巴/城巴應用程將會更新至3.3版本後，將增加多50條路線的實時抵站服務，連同原有提供實時抵站服務的路線，新巴城巴應用內將有多達74路線支援該服務。而新增的路線，大部份都是港東、東涌及南區的路線。新巴城巴並表示，這個實時抵站服務，於2018內全面覆蓋新巴及城巴旗下所有路線

https://news.now.com/home/hot/player?newsId=252890&hot=1

2月頭咁快講定6月嘅嘢？

最慘係佢個系統唔準。30X車比GPS早的機會高，而且第二。三班的準確性比九巴相差太遠。

可能市區線差少少，但係根據我坐開A29/A29P/E22A嘅經驗，其實準繩度係比290/290A高少少

cx838 發表於 2018-2-5 07:04
最慘係佢個系統唔準。30X車比GPS早的機會高，而且第二。三班的準確性比九巴相差太遠。 ...

睇你點定義「準」

有次等 E21 明明寫 20 分鐘後到站 , 但個 ETA 越較越早 ,
最後架車早咗 7 分鐘到。去到最後個 ETA 話有車到真係有架車出現，
但如果照 20 分鐘前睇嘅 ETA 去等車 , 架車走咗十世

053h4 發表於 2018-2-5 07:31
政府應做接收新城專利的準備

唔好FF咁多喇
政府唔會冇事搵野搞, 出封信罰下錢等你慢慢搞咪算囉
收番又要搵第2間搞, 真係食飽飯冇野做咩

呢單新聞出現原因係
城巴回覆今年內全線有ETA

但同運吉承諾6月前

半年差好遠

到時可能未裝晒,又要趕DEADLINE,全部行預定班次..

GU9338 發表於 2018-2-5 08:55
睇你點定義「準」

有次等 E21 明明寫 20 分鐘後到站 , 但個 ETA 越較越早 ,

無人叫你睇完一次就算
架車一日喺街行，就有機會提早或遲到
幾時都係要隔一陣refresh
你睇九巴apps都係

如果要好似你個定義先叫「準」，咁九巴嗰套直情係垃圾