【鰂魚涌人的可悲】來了12架118，都未有1架110

先旨聲明，呢篇文章並非要挑起地區矛盾，亦都唔係單單羨慕柴小區的巴士服務。
我都好清楚118的服務，有時候都可以好垃圾；我更加知道82係開左82X同8H之後，係越黎越少車；更加唔好講8X、19永遠都一齊來，班次等於0-20分鐘一班。

******************************
返去正題。是咁的。岩岩星期六（2月3日）傍晚約7點，係紅隧口等110返太古。
睇住個九巴app，寫住18分鐘，已經覺得伏伏地。咁我又去睇下102、106條龍，長到爆。
咁算啦，反正唔太趕時間，就繼續等110。

結果呢？個九巴app就不斷延遲架車的到站時間……
最終，隔離的118，來左12架（8架城巴，4架九巴）；等左半個鐘，先來110。
而102同106夾埋都黎左約7-8架，但班班都頂住閘走。

*******************************
無疑，110係四年前改路後，客量係穩步上揚，耀東同太古城都多左熟客搭（要知道，改路前，耀東同太古可以一個客都無）。
但呢次改路，對成個東區隧巴線，係談唔上有進步。

係2013年12月28日的重組之前，小弟曾經寫過呢篇文，評論過呢次重組，大家有興趣可以睇返：
http://www.hkitalk.net/HKiTalk2/thread-812868-1-1.html

-> 其中當時提到的第四點，110的循環走線，係可以好趕客。
就以今次等半個鐘先有車為例，每逢繁時或者星期六，佐敦道一塞，再加埋廣東道唔生性，110的班次可以好恐怖。
所以先會有人影到110係佐敦道拖三卡；亦都有師傅指，有次行110一轉用左成4個鐘（非佔中時期）。
呢個亦都由客量引證左。除左上繁有堆客要由紅隧口去北角外，其餘時間都係往九龍多客過往港島，因為往港島根本預唔到時間等車。

-> 旺角返鰂魚涌，仍然要死等102。
當初點解我會咁反對110改特快，其中一個原因就係110九龍區範圍唔夠102闊。
結果，110除左做到尖沙咀同佐敦外，就乜都做唔到。
而家由旺角、SSP返港島，依然同20年前無分別，繼續係坐緊一條要碌哂成條英皇道的102。
有時都諗，118由紅隧口飛去明華大廈，15分鐘點都搞得掂；但102有時英皇道多車，半粒鐘都未到太古城中心。
真係夠哂諷刺。
至於繁時限定的102P，亦都因為有左110之後，巴士公司更加無誘因去做大重組，提升102P的服務至半全日。
最終，筲箕灣、太古去九龍的特快服務，就只集中係紅隧口同尖沙咀。

**********************
後記：
其實身為太古人，已經算係咁，起碼仲有條110特快去到紅隧口，出灣仔可以5分鐘去到……
反而鰂魚涌呢幾年就慘到無朋友。

鰂魚涌係多左好多線，不過又有幾多係有用？
960B、962CE、969C、968X、307P、678、302A……但全部都係俾九龍人、新界人出黎返工。

仲有，多左兩條垃圾線，包括去到今日都未肯取消的18X，同埋一條收緊$5.2、30分鐘一班的8H，犧牲左咩？
-> 82減班
-> 2A大減班
-> 受骨牌效應，開左18X -> 要取消720A下繁 -> 720 下繁唔夠載 -> 722返耀東要係中環左兜右兜，食返720客，結果722越黎越慢，班次穩定程度亦都打左折扣，改為兩邊總站之後又變返循環。
-> 99受南港島線影響而減班，由炮台山、北角返黎QB，更加依靠2A、77
-> 85同529合併，結果無左條好穩定15分鐘一班的線去筲箕灣、小西灣，變左一條0-30分鐘一班的碌車線。

呢幾年越來越多人討厭新城，唔係無原因的。

而家全世界都係想睇下沙中綫通車過埋死成點

有幾多車可以吉番出黎

佢地先至再有車去再重組囉

dogdog002 發表於 2018-2-6 22:36
而家全世界都係想睇下沙中綫通車過埋死成點

有幾多車可以吉番出黎

到時客都走哂啦，重咩組丫？

neoplan720p 發表於 2018-2-6 22:43
到時客都走哂啦，重咩組丫？

家陣班客仲係度
重組就好大可能影響既得利益者, 邊個會想做
等到時沙中線過埋海D客走晒, 大家都冇晒利益喇咪有興趣重組囉

neoplan720p 發表於 2018-2-6 22:43
到時客都走哂啦，重咩組丫？

又未必

110如果有客會轉鐵，晨早轉左（尖佐→金鐘→藍色線）

118賣特快，鐵通後客量影響應該輕微

102/6賣流水，原有客如果以價錢優先，他們會選擇102/6多過鐵

不過少了紅隧火車客，東區線影響都應該不少

樓主不如問下,當年邊個出賣左鰂魚涌

不過對巴士公司而言,鰂魚涌個帶保鐵,根本都唔易做生意

不過話110成功,我就唔認同

因為110都無因為客量上升,而大幅改善服務

110證明特快有客,但唔能夠用110作理據,去拆102等線

其實老牌過海線,溣落到做中間既客都好多年..

GR1473 發表於 2018-2-6 23:02
認真，我喺太古城等110去紅隧真係冇試過等超過15分，但紅隧等返太古就試過等20分鐘都未有車。可能係我好彩 ...

一般110甩班風險高嘅時間係星期六九巴第三轉車，而呢轉車正正係佐敦道塞到飛起嘅時間。

其他時間一時時，
好嘅話110尾果轉開足車差起上嚟第三班車都過咗尾車時間。

新巴港島返九龍有得救但九巴無都係分別嚟。

AV296 發表於 2018-2-6 22:59
又未必

110如果有客會轉鐵，晨早轉左（尖佐→金鐘→藍色線）

東區客要鐵一早全程鐵,相信最傷係101,104,106同107,因為大家受106的劣質服務太耐.一定走硬
個人估計無乜影響:118,117,116,同103
稍有影響,102無大部份紅隧客,但銅鑼灣北站一開,即死