九巴要求短工時兼職車長暫時停工

053h4 發表於 2018-2-15 12:28
反對無計ga wor, 你係唔係迫到人入行先？

直巴載幾多人，專利載幾多人？明明無人做，你點嘈都迫唔到人低 ...

個個都知人工低冇人揸巴士，但係一講到話加車費去加人工，啲議員咪又係個個反對，政府見議員嘈就一味拖，結果就當冇事發生

其實唔係淨係揸巴士，航空、飲食、保安、清潔呢啲基本上行行都請唔到人，政府有心搞嘅，就唔好淨係做場大龍鳳搞個委員會檢討巴士服務就算，成個香港嘅人力資源都要重新檢視

053h4 發表於 2018-2-15 12:09
其實以前九巴係有安排路線訓練，九巴係確保正職與兼職採用同一標準下，安排操線按理九巴咁大間公司無理由 ...

其實操完線唔代表有人肯返 ...

搵返舊文，203C 開線第一日就因為無人肯返蛇車更，結果要開兩架 P 車頂檔

馬拉松啲車開咁早，無 ft肯返亦係可以想像到

053h4 發表於 2018-2-15 12:42
首先，我見唔到社會就廿年無加價的城巴同十年無加價的新巴有好大反對意見

重有，你講的服務業好多程序可 ...

我冇否認巴士人工低，咁但係人工低你有啲乜嘢解決方法？我重申我唔反對加車費，但問題係咪個個都同意先？成日話大陸外勞人工高，咁點解佢哋人工高？就算想照抄直巴嗰套落專利巴度，都要知道直巴有啲乜嘢因素係可取先得

暫停兼職車長真可無可厚非，明顯係HR之前根本抱住『有人識揸車』就掟上前線，
即使行一兩轉都好過減班

而且HR可能會有一種心態，
覺得多左班巴士迷過車癮唔緊要，但相對返工為興趣可能仲有熱誠添，
點知咁多車長心理質素配合唔到現今複雜嘅服務狀況

今次件事鑊到連習大大都關注，
分分鐘HR過左新年都唔知會變成點...

往年新年都係『嚴重意外』高發期，
HR都係寧願『多一事不如少一事，少一事不如無件事』就算
高層亦可能下左旨令，要求HR諗對策

車長入職心態亦好唔同，以前做巴士司機，工作穩定，
基本上係體力勞動大於對客，啲客見有車到就要感恩點咁鬧；
而家打工，唔係為興趣就係純為搵錢，工作穩定嘅時候又到個人唔穩定，
啲客仲惡過個車長警察有(至少)兩蚊搭車就大晒....
所以，就算調高人工，都唔一定可以保證新車長嘅服務質素...

GU9338 發表於 2018-2-15 10:03
weekend 黎講佢地幾有用 ,
馬拉松啲 R 線一般早更都未必肯返

兼職通常唔過強積金下限先唔洗供
而且兼職可以將公司福利最少化 對公司都係有好處
問題係兼職話唔返就唔返，穩定性低，監管亦都唔會太嚴。
呢家根本就係有洞填洞，有人返工頂左個位就算。唔諗下長遠點改善下待遇點引人入行，咪遲早爆煲囉。

其實出事個車長係全職轉兼職
即係有接受全職車長嚴格訓練，但又有所謂兼職問題

咁應該全職同兼職都要停，希望MTR唔好出事，最多我等多幾班車

九巴做埋晒啲治標唔治本嘅野 ，
車禍係人地駕駛態度問題同路線訓連不足做成,就算全職都會出事

點解唔加強培訓，而去停晒班兼職？換晒班資深查馬場線同開872X根本解決唔到核心問題      

AD118 發表於 2018-2-16 13:22
九巴做埋晒啲治標唔治本嘅野 ，
車禍係人地駕駛態度問題同路線訓連不足做成,就算全職都會出事

咁班司機培訓幾個鐘就即刻可以解決問題咩？
就算係執番正啲訓練內容，都唔係一時三刻嘅事情
可以話家下九巴連標都唔治嘅，實會俾人話連本都唔想治