首先.係咪應該界定一下咩叫兼職呢?有一份正職,然後向工餘時間再揸巴士算係兼職;
定係一個星期或一個月內揸唔夠某個時數算係兼職呢?
如果係前者,咁你向到嘈要規管好合理,但好明顯而家巴士公司既標準係根據後者喎!
咁你點去肯定呢班每日只返幾個鐘既車長向其他時間係有另一份正職呢?
可能佢要照顧家庭但又想搵份兼職做,所以兼職揸巴士呢....
可能佢返學係正職,兼職揸巴士呢.....
可能佢已經提早退左休,兼職揸巴士打發日辰呢.....
就算係正職車長,你又可以保証佢工餘時間唔會去蒲吧、打牌、打機、唱K玩通宵嗎?
如果你話呢個世界上有部機可以CHECK到一個人係咪足夠精神工作,
咁我好贊成每個車長甚至每個司機開車前都CHECK下,
但同兼唔兼職根本冇關係,我亦睇唔到有邊一段消息或新聞係話呢個蛋散係因為疲勞而導致今次意外
如果有,麻煩你轉發黎睇下
你一尾向到話兼職因為唔知到佢正職返左幾耐,控制唔到個工時
但你有冇諗過個兼職車長都向部車上面,如果佢因為份正職長期唔夠精神
搞出意外,你估單單都好似呢似咁死咁多人但個車長咩事都冇?!
再者,做車長出事要承擔法律後果,如果係為錢既,我兼職點解唔搵份低風險既工,
你覺我兼職車長好好人工定你覺得個個兼職都係巴迷?!
你如果話兼職車長要申報正職內容,如果有錯漏要負刑責,咁都仲有可以商榷
但一刀切,我真係睇唔到你個理由有幾咁充分。
九巴向到搞暫停兼職好明顯就係轉移視線,
我認為今次意外重點應該係究竟呢個車長對呢個路段有幾熟,如果長期都係行呢段路既,
冇可能唔知到個彎可以去到幾盡,就算發癲,明知過唔到都要過,咁就連誤殺都唔係,而係謀殺,
同兼唔兼職根本就冇關係
|
樓主