要求全港巴士即時停止服務，保障市民安全

053h4 發表於 2018-2-15 14:57
香港合法解顧, 賠好少錢同可以強積金對沖
我一向係話, 長期請病假, 駕駛態度唔好係可以炒

如果長請假炒得
咁工會點人比人炒咗十世lu

這是共業，貪快、自私、怨氣重，係港人共通點，香港運輸業界，甚至香港人，係需要一個paradigm shift，但我相信結果都唔會發生。

駕駛巴士，尤其是在香港繁忙狹窄多彎街道駕駛12米或以上雙層巴士，唔係阿豬阿狗可以做的工作，理想的巴士司機，要有精準的空間判斷力、眼手腦協調、良好心理質素，亦要有基本機械知識（至少要識得同巴士打交道），符合所有這些特質的人在人口中唔算多，而在當中肯捱更抵夜做巴士司機的更少。理論上，係應該以更優厚薪酬及更全面的培訓去留住及培養人才，而唔係一句唔夠人就乜人都請。

九巴曾經呻過區議會唔畀取消路線，又曾試過搞地區重組意圖減車，但近年態度180度轉變，對乘客而言係好事，但公司是否有足夠能力（財力、培訓同管理能力）駕馭快速擴張的路線網絡，外人卻未必知曉。

行吐公原因應該係心理因素大於一切, 一星期前(頭七)發生過咁大單意外, 司機同乘客以至普羅市民心裡面一定有陰影, 正如一般人經歷過傷心事, 都唔想再重回舊地, 道理一樣, 所以改路避開傷心地冇問題.

倒轉, 如果發生意外地點係吐公, 我睇又未必需要改經科學園或者埔公.

其實管理層真係認為問題出自兼職車長嗎?而攞我哋去祭旗，去平息大眾嘅不滿?我們兼職車長，係經過運輸署資深教牌官，巴士公司師傅審核至可工作，管理層你們認為一個新入職，得3年私家車牌再跟18日上堂的師兄會比我們好?沒有我們，真係可維持正常班次，正職可放足假及不超時工作? 再講出事司機前身是一位正職司機，為何今次正職又不需要停職，不如關閉巴士公司，去保障市民性命，咁至會有零意外

重點係派咩車定兼職/全職,只要巴士/非巴士司機駕駛態度差一樣有致命意外一句到尾:地球真危險