要求全港巴士即時停止服務，保障市民安全

neoplan720p 發表於 2018-2-15 14:56
以是次車長的「良好」紀錄，九巴係監管員工表現可能出左問題。

但關唔關兼職、全職事先？

所以李日新在個人fb批評部份政黨、工會針對巴士公司聘請兼職車長制度，整件事根本係個人問題，與全職和兼職車長制度有關係?

上次E21A炒車事故，工會只針對車長工作時間。

053h4 發表於 2018-2-14 23:10
政府係有工時指引, 確保司機有足夠休息, 去應付駕駛工作
呢個理應係天條, 唔可以OVERRIDE

咁請問現行有冇指引或法例寫明正職車長不可兼職呢?

即使你認為有需要明文規定,也沒必要立刻一刀切,
除非你可以証明兼職車長意外率比正職高,而且兼職車長意外率高係因為冇足夠休息時間

053h4 發表於 2018-2-14 23:45
係出事前, 本人已經出左POST, 指有意見認為, 兼職員工, 巴士公司根本無法保証正職+兼職員工, 工時係乎合工 ...

咁係咪因為今次出事既係兼職車長,所以要立刻禁止所有兼職車長工作?!
如果今次出事既係正職,咁又係咪唔需要立刻禁止?!

做野係咪應該一步步呢?!如果今次事件係因為兼職車長休息時間唔夠而引起,
我唔排除會企你個邊,但明顯今次唔係
如果向現時車長人手唔夠既情況下再突然將一大班兼車長即時停職,
我睇唔到路面會安全左,我只係諗到會有更多正職車長主動或被動地合法炒更
到時又正多單E21A出黎,係咪全港巴士都停駛?!

053h4 發表於 2018-2-14 23:51
並不是不可兼職
我呢一個POST講左, 九巴可以考查兼職員工, 正職的考勤記錄, 而九巴可以上門抽查或做deskto ...

咁即係話現時正職車長既指引一樣唔完善,依你意思,正職車長係咪一樣要立刻停工?
注意,我係贊成提高對車長工時既監管,甚至對所有重型車輛司機既監管(以現時科技,即使私人都一樣做到)
但我唔同意你及巴士公司將兼職車長即時一刀切

053h4 發表於 2018-2-14 23:59
根本工會上次城巴單野已經只係講工時, 我出POST, 係城巴意外後, 及一月個陣, 亦都只係講工時
我個人意見 ...

從來都冇人話兼職唔使管,亦冇話正職同兼職要用兩把尺
針對既係,有冇需要向而家未有指引之前就一刀切停哂D兼職?
指引唔係三兩日出到,工時修改草擬出左亦要比巴士公司時間去研究可行性
就算政府唔拖,都起碼要半年,如果牽涉刑事更要立法,時間就更耐

向未有證據証明兼職車長更危險既前題下,我唔認為有需要立刻停止現有兼職車長既工作