舊相獻給你:DA8(愛立信手提電話)@112

見倒呢個廣告就諗起以前部PH338...

我記得以前用過部GH788，唔知邊個set左黎明首
"情深說話未曾講"入去，好正。不過當年呢款機係行單頻
(好似齋行GSM系統，PCS完全Detect唔到)，如果係數碼通
接收能力就好D，但係我試過插張Orange卡入去用就部份
地方接收唔到訊號，結果部788好快退役，換左部Star Tac用。

基本上現時手機已經唔止係手機咁簡單...
我覺得手提電話越嚟越有手提電腦feel tim

講起手機，十年前買得起手機既多數都係出黎做野既人，
當年既手機都要超過幾千蚊以上，加上以前得一兩間
網絡商，D台費貴到七彩，所以當年有手機既人唔係太多，
擁有手機係身份既象徵。

今時今日手機某程度上係平左，網絡商又多左，仲要越整
越平(幾十蚊打幾百分鐘)，甚至依家連小學生都楂住部
新款NOKIA 6系手機，真係時移世易。