不滿公司出口術 九巴車長今日起按章工作

原來所謂加人工係將獎金加落去底薪度，加完重要少過原來嗰份
變相無再鼓勵人安全揸車之外，重要人搵少咗
按章工作今次影響有幾大呢？可能要星期一先見到


https://hk.news.appledaily.com/l ... e/20180223/20312653

一路都唔明點解「按章工作」會係工業行動嘅手段之一

係咪即係平時唔使按章做？

HT408 發表於 2018-2-23 19:16
一路都唔明點解「按章工作」會係工業行動嘅手段之一

係咪即係平時唔使按章做？ ...

你睇下篇文內容先，呢啲就係所謂既「按章工作」：

安全行車運動包括確保所有上車乘客安全坐穩後才開車；在快速公路、隧道內以不多於40公里速度行駛；在各主要道路，如彌敦道、長沙灣道、英皇道等按章工作，如靠左線、只排隊不插隊、埋正站位才上落乘客。

佢個所謂加薪係「底薪 VS 底薪」，雖然安獎唔係必然每個月都會有
佢只係常規化安獎咁解，實際原來個個月做乖仔嗰啲車長份人工係冇變動過
加都加得肉酸過人

剛剛瞓醒未有時間Update，係咪全體九巴司機都支持按章工作，搞到全港交通大混亂？

今日坐架279X都可能係, 無塞車都要青衣至上水44分鐘,到粉嶺66分鐘.下班跟後面.

成班友都病緊, 按乜野章工作啫, 返工先講啦

依家唔係一個二個都按章工作緊呢咩? 農曆新年我先搭到架N269全程唔過40, 葵涌道幾個站冇人照停站, 一開快少少即刻收油, 單係美孚站上到橋起計去到葵涌道近葵芳支燈都足足用左7分鐘, 平時咁既時間應該係30X/234X過埋荃灣路落迴旋處, 仲未計係支燈前面唔過10咁等支燈轉紅, 不過支燈唔紅比佢先過左!