[純創作] 香港鐵路路線圖 (2040+)

20160424 發表於 2018-2-26 22:40
2014年講到而家，通識科無教？？？

Thanks！我也忘了這個項目，因為我認為我有生之年也不會看到，所以過目即忘。

奇想：有冇可能再激D，東西線同東大嶼線合併成一條線，一程車烏溪沙落尖東再上屯碼再落堅城。

如果唔係車門位置同軌距電壓問題，我仲想同港島線合併埋，一程車環港遊，烏溪沙去到柴灣。

遠期的話，港深機場線呢？機場快線港珠澳大橋伸延？機場快線東涌東？另外就是，北環線運行模式？

hmhv1222 發表於 2018-2-26 22:29
根據政府的模型和規劃圖 ， 交椅洲周圍大概會有數個人工島圍繞中間的交椅洲，形成半天然的河流。可以想像一 ...

1）交椅洲個初步設計係島中島，因為交椅洲海岸線有珊瑚，為左唔想影響天然海岸線就搵左個屎橋出黎。但外面包圍個島好似四葉草咁設計，主要設施一定會側重係最近港島個一塊葉上面，而其他葉片連接除左環島道路，應該需要另一種環保交通工具
2）大圍設站可以引部份沙田同馬鞍山客轉鐵前往九龍西同新界西部，但大圍站要起真係無咩位，轉車亦唔算得方便。沙田荃灣之間通勤除非城隧交通情況惡化，否則唔容易起一條鐵路連接沙田同荃灣
3）我相信以新科技起個站甚至出入口都唔一定係問題，但半山區作為香港舊城區，起個站出黎係有位置、古跡方面嘅掣肘
4）科學園是否能夠設站，只靠科學園個堆私樓同科學園本身都唔夠。如果中大同教大會將樟樹灘一帶再發展大學校園，我覺得先有機會令科學園站起死返生
5）東九龍線唔向市區延申就好似條闌尾一樣，政府應該知道係旺角鬧市做大幅開挖個難度係邊。以政府現時取態，不停地有計劃擴建旺角行人天橋系統，如果亞皆老街個最好嘅線位都用埋，地底再起鐵路的難度就再上升

qunow 發表於 2018-2-27 00:25
遠期的話，港深機場線呢？機場快線港珠澳大橋伸延？機場快線東涌東？另外就是，北環線運行模式？ ...

1）港深機場線應該最終會有預留，況且早幾年曾聽聞過呢條線其實同東大嶼有密切關係
2）港珠澳大橋一路都無鐵路預留
3）機場快線東涌東站等機管局做好研究再加上去都唔遲，要畫係好簡單嘅
4）北環線暫時未有運作模式公佈，個人而言繁忙時間可以開直通運轉經東西線到南昌嘅列車

按RDS2000的區域快線東面走線的話，與東鐵的交匯站的位置似乎接近南華莆、元嶺多於九龍坑。

tonyng 發表於 2018-2-27 11:39
按RDS2000的區域快線東面走線的話，與東鐵的交匯站的位置似乎接近南華莆、元嶺多於九龍坑。
...

的確可以用最接近地名元嶺黎命名的

康城會否向南延長至佛堂澳?
另車站將被改名如下:
太子站 > 404站
佐敦站 > 三軍會站
西九龍站 > 九龍站
紅磡站 > 九龍紅磡站
九龍站、柯士甸站 > 九龍火車站站
添馬站 > 八一站
黃埔站 > 紅磡灣站
宋皇臺站 > 公園前站
南昌站 > 南昌街站
康城站 > 赤沙站
第一城站 > 圓洲角站
皇后山站 > 404山站

mckhgc 發表於 2018-2-26 19:16
1.入面既路線、車站，例如香園圍線、東大嶼線、環保運輸走廊，是否曾經出現於政府/港鐵官方既建議？

2.環 ...

官方路線圖就向來冇乜道理嘅，正如佢將來會畫埋高鐵卻完全唔標示城際直通車

eternalflame 發表於 2018-2-27 10:05
1）交椅洲個初步設計係島中島，因為交椅洲海岸線有珊瑚，為左唔想影響天然海岸線就搵左個屎橋出黎。但外 ...

如果「香園圍線」想經沙田，我諗較易辦的是在顯徑交匯（美田邨以西入，轉彎停站，再轉彎經濾水廠以北走），同時南北線亦加入顯徑站。

東大嶼線在堅尼地城後出海皮連接香港站如何？怕有地質或古跡問題可以跟住港島線西段的走線鑽挖。

至於東九龍線假如落旺角，亞皆老街搞唔掂可以經旺角道，站體視乎工程難度可以設在彌敦道以東（有行人橋較複雜，但方便轉南北線）或以西（較簡單及伸延服務範圍，但不能轉南北線），之後可以經福全街或晏架街遊樂場走。

barking 發表於 2018-2-27 19:54
康城會否向南延長至佛堂澳?
另車站將被改名如下:
太子站 > 404站

康城去137區係Farells的藍塘發展計劃，非官方