[純創作] 香港鐵路路線圖 (2040+)

mrm23 發表於 2019-8-8 00:50
其實西貢鐵路好大機會提早上馬。
就算唔起到尾站西貢，
相信屯馬線都好大機會配合十四鄉發展計劃延長至十四 ...

不過，烏溪沙站路軌盡頭俾幾棟新建住宅頂住，應該好難繼續向東延伸，因為理論上喺西沙路上高直接起高架鐵路會最容易。

Lyt_Kondisc 發表於 2019-8-8 10:29
不過，烏溪沙站路軌盡頭俾幾棟新建住宅頂住，應該好難繼續向東延伸，因為理論上喺西沙路上高直接起高架鐵 ...

現有馬鐵烏溪沙站有預留空間擺放新增設施向東延伸。


再睇番分區規劃大綱，
現有 MOL overrun 對出的一塊地係 G/IC 用地 (政府、機構及或社區用地)，
而帝琴灣北方全部也是 G/IC 用地

離開烏溪沙站後，
應該會 either 改 (拆) 現有的 overrun，
又或者沿著年華路向東走。(但應要搬遷現有浸信會神學院的主禮堂。)

前者難度較大，亦會在現有新住宅用地外有急彎，會引致噪音問題
後者會在帝琴灣凱弦居外經過，對第九/十座景觀影響極大。

另一可能性有機會在年華路潛入地底，成本較高但影響相對較輕微。



冇理解錯的話，整條西貢鐵路已有預留鐵路保留帶。

DIH 發表於 2018-2-27 22:17
如果「香園圍線」想經沙田，我諗較易辦的是在顯徑交匯（美田邨以西入，轉彎停站，再轉彎經濾水廠以北走） ...

香園圍綫可以考慮停大圍，位置放美田路地底，轉乘通道可以放喺城南道尾，而車頭應該夠拉到近青沙公路橋底。配合埋長隧道出口，食盡美田美林客不是夢。

而如果擺顯徑，就要認真考慮東鐵加站嘅問題。

調轉諗，如果香園圍綫唔經新界東，做香園圍-粉嶺北-上水-高球場發展區-八鄉-北葵涌-葵興-貨櫃碼頭-東大嶼，覆蓋人口可以更加多。

而東九龍綫，九龍段可以考慮沿彩虹道、亞皆老街、渡船街公園入地去九龍站。中間一段架空又減少埋鑽石山-彩雲段嘅爬升幅度，直接沿龍翔道，轉入山谷，喺兩段豐盛街之間轉入豐盛街就可以，彩雲站又唔會太深入地底。

咁旺角段就可以起到同行人天橋一體成型，甚至分拆做旺角東同旺角西站，旺角東接駁南北線，旺角西就獨立運作，避免太多人流倒入現有旺角站，反正過海可以轉南北綫，去尖沙咀又可以鑽石山轉。

mrm23 發表於 2019-8-8 14:52
現有馬鐵烏溪沙站有預留空間擺放新增設施向東延伸。

GI/C個度成間學校同老人院係度喎

mrm23 發表於 2019-8-8 14:52
現有馬鐵烏溪沙站有預留空間擺放新增設施向東延伸。

落禾沙里出西沙路會簡單啲
又或者將烏溪沙以東嘅直綫路軌改為以最小半徑三百米剛剛喺樟木頭村西邊入山

但前者擋落禾沙新盤海景
後者可能會騎咗啲啲新盤近西沙路位置(應該係非建築用地)

ryandroid 發表於 2019-8-9 09:16
落禾沙里出西沙路會簡單啲
又或者將烏溪沙以東嘅直綫路軌改為以最小半徑三百米剛剛喺樟木頭村西邊入山

我會寧願拆少少overrun，出烏溪沙後直接右轉跟西沙路入十四鄉，喺泥涌同馬牯纜設站。如果俾多啲樓面發展商，成段屈佢起埋我覺得佢都會好歡迎，始終有鐵路對樓價都有幫助，而政府又可以諗喺瓦窰頭同大洞中間、馬鞍山濾水廠起多少政府樓。

巴士的膠 發表於 2019-8-9 11:23
我會寧願拆少少overrun，出烏溪沙後直接右轉跟西沙路入十四鄉，喺泥涌同馬牯纜設站。如果俾多啲樓面發展 ...

其實十四鄉個綜合發展區由泥涌去到瓦窰頭
最近改劃為16-30層高嘅樓
都係得9千個單位，即係預2萬5千個人口
而本身帝琴灣以東都係低密度為主
就算政府自己改劃啲地增加人口都好難去到5 萬
三四萬人口有2個重鐵站未免太多
所以相信烏溪沙之後
西沙路最多只會起得一個站

1. 想搭單問下羅湖連接綫係咪已壽終正寢？
2. 朗屏輕鐵&洪水橋一帶運輸系統又係乜東東？

LAK2 發表於 2019-8-9 16:36
1. 想搭單問下羅湖連接綫係咪已壽終正寢？
2. 朗屏輕鐵&洪水橋一帶運輸系統又係乜東東？ ...

1 要問水晶球，可能好似八萬五咁，唔講就唔存在。

2 洪水橋同元朗南發展區嘅EFTS，可能係輕鐵，又可能唔係輕鐵。

ryandroid 發表於 2019-8-9 13:49
其實十四鄉個綜合發展區由泥涌去到瓦窰頭
最近改劃為16-30層高嘅樓
都係得9千個單位，即係預2萬5千個人口 ...

其實單一發展計劃接近一萬個單位，
已經係沙田第一城的規模...
以一條雙線來回公路應付這個人口來說，
(新地上年已經批出左合約擴建西沙路)
無疑會有點吃力。

至於西沙路會起幾多個站，
應該視乎西貢鐵路係何模式興建
如以東西線延長 (以重鐵營運) 的話，則應該會盡量減少站數，
但就可以分階段興建。

如以 2011 年地產商會方案以中型鐵路營運的話，
則能容納較多站數，不過就需要一次過起晒成條西貢鐵路。