最新消息： 九巴大為緊張 封廠應對示威

本來出面既風向5050，而普遍九巴員工對炒葉小姐都覺得合理，
一來葉小姐本身個底花，二來佢擺低部車係站出口的確違規，大條理由可以炒佢。
加上佢同郭志誠果班人內哄，根本就無人撐佢

公司一係就唔好炒，一決定左話炒就唔好縮
點知d高層優柔寡斷，一俾人封油坑就縮沙。
你試下俾佢封到第二朝8點，
到時全世界都會X職工盟攪到無巴士返工，
咁咪轉到風向lor

053h4 發表於 2018-3-7 15:56
政府做咩？月票陳帆第一個出離攞彩
而家九巴就係話化政府知我無能力滿足司機加人工，佢地要加人工？你幫我 ...

家陣唔係有奶便是娘, 而係林鄭有奶都唔一定咁順攤俾你飲.

因為你九巴未搞清楚實情, 明明係鬧劇演到路人皆見, 竟然話自己係受害人, 哭著想飲奶.

林鄭講嘅應該同九巴加唔加人工, 或者炒人定唔炒人無關, 而係你九巴過去一日當住全港市民做過啲咩傻嘢.

如果佢唔係特首, 而係如你同我的一般小市民, 肯定一邊對住鏡頭講嘢, 一邊笑到肚痙攣.

數返以前嘅政績已經冇用, 當前問題處理得實在太過爛, 特首都戥「關公」慘, 更加唔忍心見到一間公用機構出現亂局, 擾亂市民生活.

九巴唔係政府親生, 一間私營公用機構要政府派「關公」出手打救, 如果你話呢條數係既往不咎, 或者無條件派奶, 吹水就得啫, 至少以後要進行改革, 直到滿意為止, 期間仲要不容有失, 機會唔係冇, 就睇你九巴搵啲咩猛人返嚟搞番好內部咋嘛!

一切時間都係問題, 讓時間做證.

九巴辜息滋事份子，縱容反對派工會坐大，政治上已經不合格。我相信政府會開始計劃逐步取締九巴，最理想做法係國進民退，由中旅或華潤等國企接手。

表面就看似只係一個小小女司機為車長們爭取權益，但實際上成件事背後有唔少玩政治，公關行政手段嘅人操縱，根本成件事只係政客嘅一場政治show，係傻仔先信呢件事真係係度幫司機爭取加多d人工，立會補選前唔做下野，踩低人地，又邊會氹到你地投票俾佢地

1314 發表於 2018-3-8 10:23
表面就看似只係一個小小女司機為車長們爭取權益，但實際上成件事背後有唔少玩政治，公關行政手段嘅人操縱， ...

所以只有兩個原因
一係九巴係鬼，曲線幫手；二係高層好天真

睇返成個時間序
出意外，話口罩明駕態良，但其後被篤爆，但迴響唔太大
全職工會抽水，指責兼職車長
九巴封殺兼職車長，引來脫班指控
底薪獎金合併，但隨即被工人組織/政黨等抽水，指「加咗喺邊」
孽車棍搞罷駛、停工留廠、入紙申請工會，其中亦有 狗A 抽水
九巴日頭炒人，凌晨跪低

如果代入光頭昌/光頭基去諗
1. 佢話「兼職車長」呢四個字予人觀感差，所以順應民意
佢可能會覺得大家會讚九巴有社會責任，回應市民
2. 薪獎合併佢又會覺得九巴加人工，係良心僱主

但係咁就出事
可能佢咁諗係啱，但傳媒唔會放大你想法
相反傳媒只會挖負面

1. 封殺兼職，激起個浪就係脫班、兼長呼冤
行內人/巴迷會話「根本唔關兼職事」；街外人就會覺得「脫班? 有冇搞錯」

2. 薪獎合併
其實條數係冇錯喎，應該係「舊底薪 VS 新底薪」
但最後計數，變成「舊底薪+獎金 =/< 新底薪」，咪出事囉
冇錯，「你係咪個個月都有獎金?」，唔一定
但傳媒/政黨只會拎住「舊底薪+獎金 =/< 新底薪」來大造文章
原本車長人工已經唔係高、香港人又已經標籤咗「大公司 = 剝削」
而且九巴亦冇大力宣傳六月份都有次加薪，兩者係不衝突

明明係個橙有問題，但高層就走去攞條蕉出來解決

到孽車棍突然出現，佔麼當晚立即趕到尖麼總係犯民人士
而講過一句「香港冇真普選仲悲哀」、「雖然返工，心繫金鐘」的 狗A 又好準時辣火頭
狗A 講得有冇錯唔係重點，而係以佢現時身份，只會予人涼薄、離地、嘲諷基層車長感覺
孽車棍高調申請工會，一旦成功，就會有《職工會條例》保障，九巴只好呢個時候炒

若非光頭昌/光頭基好天真出底獎合併
幾時到孽車棍揀啱時間搞罷工，仲玩埋佔廠

高層一見到佔廠又嚇到跪低
稍為識玩政治當然係任你玩，玩到日頭出唔到車就自然轉返風向
高層驚死影響乘客，就任你食住上

到另外兩名車長開緊工突然要簽紙
負責的 HR 真係好小學雞
你要煮佢當然帶返總部用慢火燜啦
開猛個火仲玩恐嚇，街外人咪仲覺得你大公司大晒呀
多多形象都唔夠你倒，真係弱智

高層係天真，以為唔用兼職就回應市民、以為薪獎合併就回應員工
炒完又可以彈弓手，仲有上訴機制
完全係細路仔行為

個巴迷中層就係鬼
抽火水，更形成大公司泰山壓頂

兩個 HR 就係白痴

仲有個林子豪又係好有問題

EX-TL 發表於 2018-3-7 22:26
家陣唔係有奶便是娘, 而係林鄭有奶都唔一定咁順攤俾你飲.

因為你九巴未搞清楚實情, 明明係鬧劇演到路人 ...

一句到尾，似下九巴低價入標投新線咪一樣比九巴玩，你估好似大陸鐵路工程咁，會因為重大過失比人停投標兩年咩

干預巴士公司要求改革其實真係諗多左，罰幾萬咪無事無干一條好漢，做爛盤數加完價就從良重組再而低價入標，幾時到無風無浪無比麻煩政府的新城玩？
政府話唔支持燃油附加費，正正結果係助攻九巴加價，有時D野無謂咁表面啦

陳帆月票擺晒彩已經係一例

你唔好太睇得係林鄭，波叔話派免費海洋公園飛，DSE免費呢D經人創舉，同立法會有個運房局官員話高過公屋入息上限就租得起私樓一樣咁無知