四波密龍 S3N303 (FY3686) 新出以來都係公路跑手,
公路山路都難不倒它, 由屯公轉到去城隧同埋埔公,
表現有聲有色, 之後就轉九廠, 曾長掛流水線王 1A,
更成為該線尾二熱狗, 亦係1A 有史以來最正的一架熱狗之一.....
佢表現咁正亦都有車長識貨. 七年前終極熱狗線16號有位夜更掛牌車長
果時都係掛開龍, 有幸在佢最後服務日可以俾佢操刀,
為呢架密龍猛將做最後載客.
我同一位北區朋友當晚亦特意在柏景灣等左一個鐘去送別佢,
當時資訊都有限, 等到架車當然要坐盡佢.
車長亦都大讚架車好力水好跑, 比掛牌果架更好.....
事實係架車底子真係好, 在太子道東一段更是它發揮的地方,
再加埋上將軍澳隧道公路一段返廣田亦都無腳軟,
輕輕鬆鬆就上完.....
再坐下轉到旺柏果陣, 有人帶埋 FY3686 @ 73X 模型為佢來留念並拍片,
再加埋33A 有短龍 FT4465, 另有一重意思,
因為密龍如果有冷氣, 就可以比短龍更長壽.....
之後坐終極尾單, 在春天的涼風下經過太子道東同埋上山
真係可一不可再的體驗, 特別係到熱狗數目當時直線下降果陣,
返到總站就拆牌同埋在車頭顯示 "暫停服務", 即係架車載客生涯告終,
之後我就坐14B 熱狗用手機拍片影佢出站回廠......
大家有無為 FY3686 留影? 有都不妨跟相, 任何時期的相都可,
謝閱長文~~~
|
