本帖最後由 scstanley 於 2018-3-26 17:28 編輯
我只講個人感受, 唔講咩野成本, 資源問題.
本人住尚德, 返工在灣仔(近馬師道). 如果坐地鐵, 先由尚德行5-10分鐘去將軍澳站, 落車一係銅鑼灣站, 一係灣仔站, 都係要咁行 10-15分鐘, 兩邊都咁遠. 而我選擇搭 692P, 因為商場門口就有站, 上車實有位坐, 舒舒服服正常地塞埋車45鐘落車, 再步行10分鐘返公司開工. 我同意地鐵交通時間快, 亦容易預算, 但就真係非常討厭係北角轉車果種壓逼感, 之後出閘後要行上行落, 大家都知港島線係比較深入地底的. 如果無左 692P, 我都寧願搭296A 出觀塘轉 619/641, 都唔會選擇地鐵. 我相信現在每早坐 692P的乘客, 不多不少也有呢個心情.
有時我天真地想, 對, 做生意一定要講資源, 講成本, 但就無可避免地犧牲了舒適. 為甚麼不能讓小部份人繼續舒適地享受上班時間呢 ?
純個人自私非理性感覺, 隨便插  |
