立法會十九題：$2 計劃與雙向分段

譚文豪議員於立法會詢問的雙向分段下有關 $2 計劃的安排。

政府答覆如下：
http://www.info.gov.hk/gia/general/201803/21/P2018032100704.htm

附件 (八達通雙向分段列表):
http://gia.info.gov.hk/general/2 ... 1_1521626357868.pdf

重點：
- 政府答唔到八達通雙向分段乘客人次數量
- 如果 $2 客用八達通雙向分段，政府的補貼的確係用分段價計 (即係 $2 客落車唔拍八達通，政府淨蝕，巴士公司淨賺)
- B2 有特別安排，$2 客返元朗唔駛落車再拍八達通，今次就係巴士公司淨蝕，政府無蝕 (因為巴士公司只收到分段的資助)

我成日都叫我老豆(長者)搭53落車都要拍卡嫁……但真係冇乜誘因。(我同佢講搞到我呢D納稅人多左負擔……)

小巴路線普遍設有雙向分段，相信此問題會更嚴重，搭小巴有時都會見到小巴司機同啲兩蚊客講唔使轉分段，反正都係比兩蚊；同時，政府喺小巴上張貼嘅海報亦都有提醒兩蚊客有關雙向分段嘅安排，不過有幾多人會留意就唔知

其實只要有分段路線最平分段兩蚊，上一個分段加一蚊，如此類推，兩蚊客自然會記得要分段收費

其實搵長者放蛇大家好。 有啲長者寧執紙皮收報紙每日賺幾十蚊甚至只有十幾蚊都唔拎綜援，搵佢地搭小巴試真有冇俾分段咪幾好。。。。

老老實實政府補貼幾多，WFC?未夠65，50幾個樣殘殘地都可以照拍$2嫁啦。
我識個人佢20幾歲坐地鐵都拍長者八仔，特惠價都嫌貴啦，有$2出入大西北點解唔do先？不過巴士就廢事太張揚唔出手。
今時今日香港，肯唔伸手拎政府，肯死死氣氣地打份牛工，換來N無，仲要比班$2老野批鬥坐左佢地個關愛座。
拎綜援、長者津貼就年年三糧叫派糖。爭取派錢比市民就話唔理性，要用落長遠計劃Bababa
但係君不見堆錢唔派比你，醫療上年預算咪又係照減。關你蛋治咩。
成個$2計劃，分分鐘仲吸引左班人短路程都坐$2巴士，巴士公司有賺，乘客又有得益，何樂而不為。
頂多係有錢佬納得多稅地產商班人間接貼左錢比窮人咁解je，外國咪又係咁行。

b123as 發表於 2018-3-22 13:16
其實只要有分段路線最平分段兩蚊，上一個分段加一蚊，如此類推，兩蚊客自然會記得要分段收費 ...

咁樣嘅話，係巴士公司賺少咗，佢真係睬你都傻

(唔好忘記，分段收費係巴士公司自願提供)

等等先，有問題：（學DoDo）

文件話嶼巴嶼南線原來1/2/3M/4/23/N1/A35/N35都有雙向分段，不過根據嶼巴網站及路線圖只有1/3M有顯示雙向分段：3M有寫明東涌去長沙引水道$6、1只有寫「所有班次均設雙程分段收費」（舊版網尚有收費表），但其餘各線都無提過有雙向分段（A35根本唔係機場落車再俾錢而係上車直接扣$15）。那麼：

1.究竟2/3M/4/23/N1之雙向分段實際為何？及
2.相比長者/合資格殘疾人士落車不拍卡令政府多貼錢，嶼巴不對外詳細雙向分段騙乘客更離譜，而隱瞞原因為何？