城新命名巴士站是否比九巴清晰？

HG3632 發表於 2018-3-27 19:25
一向都覺得九巴應該重新審視下全部站名
大廈名方面 如果一條邨有多過一個站本身就應該用樓名嚟分別 並以xx ...

好認同師兄所指，我補充

街名那些，好多時唔係真正街名，即係可能某線沿A街行，AX街交界既站，就命名為X街，AY街交界，就命名Y街，但條線根本冇行X街Y街。咁同埋可能BX街交界既站，又係叫X街，造成一名多站。

尤其深水埗一帶最常見，同埋有時街名前又加上地區名，有時又不加。
例如「北河街」，雖然冇巴士行經，卻多達5個巴士站同樣叫「北河街」。
咁既情況，我認為最好後綴「真正」的街名，或者加上方向，或者用其他地標。

以5個「北河街」為例，應分別命名
北河街 (大埔道)        
北河街 (元州街)        
北河街 (汝州街)        
深水埗站
香港能仁書院

又好似86C利安方向又係攪笑，兩個「福華街」，中間一個「北河街」。應該兩個「福華街」分別後綴真正街名，命名「福華街(欽州街)」、「福華街(南昌街)」，或前者命名「黃金電腦商場」。

幾站一名之餘，有時又一站幾名。例如「觀塘(雅麗道)」/「牛頭角站」，「太和站」/「太和廣場」/「太和總站」，「坪石總站」/「彩虹站」，呢D又係要執執佢。

有時用過大地名命名，最好縮細D範圍，例

「上水」 >「上水廣場」/「上水市中心」
「西貢」> 「西貢市中心」
「九龍灣」> 「九龍灣常悅道」
「牛頭角」>「安基苑」(現稱「安基苑」那個應易名「振華苑」)
「黃大仙」>「黃大仙中心」
「沙田圍」 > 「田園閣」/「翠華花園」


不在沙田的「沙田拗道」，尤其龍翔道西行那個，又係不知所云，何不命名「黃大仙站」，東行第一個站命名「龍翔中心」，第二個站命名「黃大仙站」。


另外學校名，又係唔知乜準測，好似新翠邨車公廟路那個站，以前叫「張煌偉小學」，後來改「新翠邨新明樓」，但類似情況的「田家炳學校」，為何又不改「博康邨博文樓」呢？

273連停兩次「基新中學」，極為奇怪，第二個「基新中學」應命名「豪峰嶺」。

沙田第一城 ，又係一個命名困難區，九巴又係亂到十彩，我認為最好以期數或座數命名

第一城總站 > 第一城2期/第一城21座
第一城寶城街 > 第一城3期/第一城28座
沙田第一城 > 第一城1期/第一城13座 (但馬鞍山方向，海鮮坊前那一個站，都叫「第一城13座」似乎有點怪，可叫「第一城4座」或「第一城1期」)


至於咩庇護工場 鄉事委員會 警察宿舍 效野公園，唸o個個真係有病，去前者度返工o岩佢多D。後3者應該使用該設施真正名稱，但前者應該點改？附近有否其他地標或合適合街名？定係要用到佢既全名「神召會康樂庇護工場」？


除左站名之外，報站機都真係好落後，係咪應該upgrade下，全部轉晒可以同時show 8個中文字，兼可以走馬燈(不論左右定上下」)loop著出，以顯示較長站名呢？

6516 發表於 2018-3-27 11:42
雅麗道呢個問題就好似長沙灣總站應唔應該叫荔枝角站一樣
當年就算城記171都係叫長沙灣而唔係荔枝角站
而 ...

其實牛頭角總站改返做牛頭角淘大花園會好啲，而家keep住有人以為6D去到創記之城嗰邊...

我認為巴士總站應該以下列方式命名。
使用原有地名土名之發源地，以當地命名（例如長沙灣、荔枝角、梨木樹）。
使用XX市中心。
使用XX邨（包括邨字，除非為固有地名如「坪石」、「梨木樹」）。
盡量避免用街名（泊街除外）。
盡量避免超過四字。（遇上如「香港教育大學」等情況例外）

部分我認為應該改名之巴士總站包括有：

友愛（南） → 豐景園：總站根本不作友愛。
九龍城（盛德街） → 馬頭圍：總站根本就是位於馬頭圍。
長沙灣（深旺道） → 深旺邨：當年深水埗碼頭拆除後取代之東京街總站其實用「深水埗西」四字已經足夠。
佐敦（渡華路） → 佐敦西：其實由佐敦道碼頭拆除後總站名根本無必要又匯翔道又渡華路，只需保留佐敦作地方名，再加個西即可。
洪水橋（洪福邨） → 洪福邨：太長，單用洪福邨已足夠。

HG3632 發表於 2018-3-27 21:11
咁如果同邨有分站嘅總站嘅應該叫返xx邨總站?
eg 47X/80X 秦石邨總站 --> 秦石邨石瑩樓 --> 秦石邨
eg 85A/ ...

呢3個例子，理想情況應該係咁

47X/80X 秦石邨 --> 秦石邨石瑩樓 --> 秦石邨石玉樓 or 秦石邨車公廟路 or 車公廟站(可能有人會話同另一巴士站「車公廟」太似，冇計，呢個要怪當年九鐵亂改名，其實叫個鐵路站叫「秦石」或「秦豐」會較合理。不過牛頭角 同 牛頭角站，九龍灣 同 九龍灣站，咁多年都係咁啦，相距仲要遠得多)

85A/N182 廣源邨 --> 廣源邨廣柏樓 --> 廣源邨廣榕樓 (現稱廣柏樓那個，應改名，可考慮 廣源邨廣善街 or 小瀝源東約)

89/269D 瀝源邨 --> 瀝源邨源禾路 or 沙田賽馬會泳池

忽然間又唸到幾個一站兩名例子，
美孚/美孚站，觀塘(雅麗道)/牛頭角站、坪石/彩虹站 、長沙灣/荔枝角站，
共通點係，一站同時作總站及分站，分站以鐵路站命名，總站不用，又係甚麼準則呢？


幾個零星應改名例子
「巧明街」東行 >「觀塘麗東酒店」
「山尾街」(非總站) >「宇宙工業大廈」
「尖沙咀德成街」>「佐敦站」
「尖東站」 >「尖東站(西)」
「尖東麼地道」 >「尖東站(東)」
「麼地道」南行 > 「安時中心」
「麼地道」北行 > 「赫德道」
「加連威老道」> 「百樂酒店」
「金馬倫道」> 「尖沙咀站」
「龍翔官立中學」(黃大仙道) > 「黃大仙上邨普善樓/詠善樓」
「火炭站」(樂景街、AC出口) >  「火炭站(東)」/「樂景街」/「御龍山」
「香港科學園」 > 「科學園1期」
「科學園(第一期)」 > 「集成電路開發中心」
「創新路」> 「天賦海灣1期16座」/「白石角變電站」/「創新路公廁」(3個也不是理想，冇計，創新路大長，附近又冇咩地標)

太多太多不能盡錄，有時D多站一名，睇下巴典點加後綴，其實更清晰。

其實應該全部車站名砍掉重練，樓上講嘅叮噹叮嚀成六七種唔同circumstance，根本反映到車站命名毫無規律

mckhgc 發表於 2018-3-27 21:28
好認同師兄所指，我補充

街名那些，好多時唔係真正街名，即係可能某線沿A街行，AX街交界既站，就命名為X ...

點夠石排頭路個「中電」經典
一個普通變電站居然用一間企業名做站名，真係九唔搭八

另外西沙路/大網仔路交界個站叫麥邊，我找云全港地圖都無呢個地名，有人話係D鄉民叫開，但不是正式地名，用來做站名有點怪。咁不如將紅磡山谷道改名做「歐化」

proschebus 發表於 2018-3-27 23:06
點夠石排頭路個「中電」經典
一個普通變電站居然用一間企業名做站名，真係九唔搭八

歐化搬咗喇

btw 鄉下地方好多時改名都有難度，經典例子有「四眼馬」

proschebus 發表於 2018-3-27 23:06
點夠石排頭路個「中電」經典
一個普通變電站居然用一間企業名做站名，真係九唔搭八

呢樣真心痴線，城巴命名「大興變電站」就正常好多，或者「屯門電話機房」、「大興邨興昌樓」都合理D。

反而「亞皆老街中電」，以前係中電總部，真係有資格命名「中電」，「亞皆老街」反而不必要，不過此地將改建為住宅，將來係咪要改用樓盤名稱呢？


反而窩打老道那個，就叫「中華電力」，點解又唔叫「窩打老道中電」？
查巴典，此站原名「怡安閣」，但為免部份路線連續兩站均為「怡安閣」，故改稱「中華電力」。咁其實兩個「怡安閣」可分別改「怡安閣C座」或「怡安閣(北)」、「怡安閣B座」或「怡安閣(南)」。

同樣情況既273連續兩站「基新中學」，又唔見佢改。

又例如「維多利亞公園」同「告士打道維園」，點解兩個維園站，一個說明街名，另一個就冇？前者點解唔叫做「高士威道維園」？



另又有樣唸到，幾間6字校名大學，都叫「香港XX大學」，點解唯獨大埔道那個，卻是「中文大學」，而非正名「香港中文大學」？