如果係你.....你會點選擇呢?

小弟今年22歲
現職冒X樂園助理主任(做了年半)
月薪$6600
最近因為工作做得十分之唔開心
(因為一個月內調了三間分店及同o的同輩o既同事相處得唔係幾好)
所以近排就好努力咁搵工喇......
起初小弟諗住都係試一試
(因為而家就o黎放暑假......好難搵工......我做果間分店一日有成十幾廿人去見工)
點知一見......就出事喇......

話說小弟去o左7-11個招聘日見工
(見店務組長)
點知我第一次面試果個招聘主任就請o左我喇!!!
(不過唔係店務組長......而係店務員......果個招聘主任話我由低做起會比較好......)
底薪6250 + 津貼
每月至少會有$7000-$7500
人工多成千蚊!!!!!!

不過屋企人&女朋友都唔多想我做七仔......
原因不詳
(佢地唔肯講)

如果係你
你會選擇維持現狀定係去做七仔呢??
唔該

煩惱中

我覺得你要先考慮
你家陣份工係咪真係咁冇前途
如果冇既話
你做得唔開心同埋同事關係咁差
你留響度真係痛苦之餘兼浪費光陰
所以唔好話你家陣已經搵到七仔呢份工
就算未搵到你都唔好再留響呢度咁耐

所以俾著我我多數都係揀做七仔
有時候都係唔好理其他人想唔想
要理既係自己想唔想
份工又唔係佢地做

原帖由 九龍區居民 於 2006-6-16 01:18 發表
不過屋企人&女朋友都唔多想我做七仔......
原因不詳
(佢地唔肯講)

你要問佢地點解...我猜佢地覺得職位名稱較以前低，令佢地感到你降職r
其實呢兩份工都係拋頭露面，人工既然高過以前，當然叫做呢份啦

你係為自己打工,唔係為你父母同女朋友打工,
想做就去做,你顧慮得呢樣就會顧慮唔到第二樣
打工求財+開心o者,係咪?

老實講
我個人就唔會同埋唔建議做7仔喇
因為我中學時做過兼職r
好辛苦

而且睇你做邊區o既店
如果係屋村呀,舊區呀
入夜過後
有好多流氓,飛仔,古惑仔,道友,醉酒佬
會o係間店or店門外四圍走
你又唔可以趕佢地走
好麻煩
佢地有時又入來偷野

做7仔唔係你想像中咁簡單架

我覺得家人唔想你做7仔係因為可以要輪班
咁對身體會有負面影響
而且陪屋企人/女友時間一定會少咗

我覺得樓主應該諗清楚呢份工係咪真係唔適合
因為轉工之後都要重新適應

薪金是一個考慮因素，
但工作前景，個人性格的配合也是一個重要的考慮．

身邊的人反對，我想你真的要了解原因．
切忌因為你主觀想做7-11，而完全不理會他們的意見．
板友們也指出，做7-11的環境，可以與你現在的環境有很大的分別．

若然你考慮過：
１．性格適合；
２．工作有前景；
３．不害怕會面對的困難；
４．理解身邊的人反對的緣由，並勸說他們接受．
（以上排名不分先後）
則可考慮接受這份工作．

若否，你可能要重新考慮了．

其實小弟建議樓主可做住冒X樂園先, 一來品流不算很複雜(個人見解), 二來
最少唔駛做通宵先.

你22歲, 都尚算年輕, 可慢慢找一些適合自己的工作, 而且你做得冒X樂園的
助理主任, 都應該最少有中五學歷, 如果找番服務性行業, 又不算是一件難事
啊, 例如百貨公司, 運動用品店等等, 最緊要你夠不夠Smart......

我就覺得, 做得唔開心就冇謂勉強留低,
只會攪到自己愈黎愈冇 motivation, 做錯
野既機會自然加大, 盞比人鬧多幾錢重

如果而家冇乜經濟負擔既, 不妨 resign
左先慢慢搵, 話唔定比你搵到份更好呢

如果要做頂宵既當然唔係咁好啦，
但係既然人工又高左，
而家你份工又做得唔開心，
點解唔試一試呢？