~中電利蘭一問~

本人下周一諗住入龍鼓灘影中電利蘭,本人想問問以下問問.

1.如何前往? (K52?)
2.下午4時30分前入到去影到嗎?

THANK YOU!

樓主可以乘K52去到中電A廠下車行斜路落去中電廠,
樓主亦可在蝴蝶輕鐵站果度影

原帖由 DC3938 於 2006-6-16 10:17 發表
樓主可以乘K52去到中電A廠下車行斜路落去中電廠,
樓主亦可在蝴蝶輕鐵站果度影

A廠是指青山發電廠乎？

原帖由 DC3938 於 2006-6-16 10:17 發表
樓主可以乘K52去到中電A廠下車行斜路落去中電廠,
樓主亦可在蝴蝶輕鐵站果度影

請問哪個車站下車?同甚麼時間最多中電 利蘭在該處停泊?

原帖由 ad63 於 2006-6-16 12:46 發表

請問哪個車站下車?同甚麼時間最多中電 利蘭在該處停泊?

不過好似唔比入中電廠影,最好五點企在蝴蝶輕鐵站影

原帖由 DC3938 於 2006-6-16 13:32 發表

不過好似唔比入中電廠影,最好五點企在蝴蝶輕鐵站影

中電廠外影有冇好位?例如轉彎位.

原帖由 ad63 於 2006-6-16 03:09 發表
本人下周一諗住入龍鼓灘影中電利蘭,本人想問問以下問問.

1.如何前往? (K52?)
2.下午4時30分前入到去影到嗎?

THANK YOU!

1, 如果你想影得齊中電蘭, 蝴蝶輕鐵站未必係一個好選擇, 因為我見過
部分中電利蘭會經龍富路前往目的地, 所以我建議你入龍鼓灘影。
你可以在青山發電廠之後第一個站或且總站落車。

2. 根據我在三月時的經驗, 中電利蘭有五班在下午 5 時正於龍鼓灘發電廠
開出, 並於大約 5 時 15 分於青山發電廠開出。因此, 你在 4 時 30 分
入到去絕對影到。另外, 大約有兩至三部中電利蘭於下午 4 點幾會開入
龍鼓灘發電廠, 準備五時於龍鼓灘開出之班次。如果你想影埋佢地入去
龍鼓灘, 就可以再預早 15 分鐘入到去。

原帖由 fw1321 於 2006-6-16 18:13 發表


1, 如果你想影得齊中電蘭, 蝴蝶輕鐵站未必係一個好選擇, 因為我見過
部分中電利蘭會經龍富路前往目的地, 所以我建議你入龍鼓灘影。
你可以在青山發電廠之後第一個站或且總站落車。

2. 根據我在三月時的經 ...

唔知批車所停泊等候的車場可否入去影呢?企在外面又影到嗎?

THANKS

原帖由 fw1321 於 2006-6-16 18:13 發表


1, 如果你想影得齊中電蘭, 蝴蝶輕鐵站未必係一個好選擇, 因為我見過
部分中電利蘭會經龍富路前往目的地, 所以我建議你入龍鼓灘影。
你可以在青山發電廠之後第一個站或且總站落車。

2. 根據我在三月時的經 ...

搭單問:
龍鼓灘附近有乜好位影? Thx a lot~!

龍鼓灘發電廠位置比較偏僻, 而附近果 d 中型/重型車行車速度都頗高,
所以我唔敢一支公由龍鼓灘行入去。如果真係要入去, 我諗渣車會好 d。

早兩年我曾經參觀過青山發電廠一次。如果記憶冇錯的話, 部分中電利蘭
在下午駛入龍鼓灘發電廠之前會泊在果度, 但果個位置由外邊影唔到。

之後下晝五點幾中電利蘭在青山發電廠停站位置我就唔清楚。不過,
我搭過幾次 K52 於 17:16 由龍鼓灘的班次都見到五部利蘭列隊由該
發電廠開出。不過發電廠出口向東南, 跟住駁出龍門路O既支路向東北,
所以夏天在中電門口影佢地出廠都係背晒光 (鍾意正光O既朋友就唔好
意思喇)。

我在剛剛o既三月份入龍鼓灘捕呢批車o既時候, 覺得龍鼓灘路臨轉入
龍輝街o既位置會幾適合 (見附件一), 不過夏天有陽光照射就會超黑頭。