大家認為九巴仲應該加啲咩分段收費？

shakugan2005 發表於 2018-3-30 16:39
到2027區區加分段都可以玩黎做大戲既, 例如

元朗: 53/63X/68A洪水橋(過鍾屋村輕鐵站後)往元朗$4.3(跟68X反 ...

最後一段: 真係多乘客用既邊會咁易加先? 不過2017九巴都有D真係平左既分段/轉乘, 好過新巴城巴全部都係垃圾!

真係不敢苟同, 我平時都好少搭城新中長途本土線, 尋日搭65由赤柱出番北角, 唔明點解銅鑼灣 天后咁鬼多客上車, 望下張電子豬紙就知咩事, 原來灣仔起$4.1, 天后起$3.8.

返到屋企打開本街道圖, 真係覺得自己大鄉里, 23 38 42 63都有類似分段, 更唔好講維園興發街返柴灣特快$4.4, 柴灣道起3.1, 西灣河上耀東$2.4, 南區區內$2.7 $3.0 $3.4, 連石澳-大浪灣都有$3.6分段.

全程$6.9的25, 炮台山 銅鑼灣 灣仔 中銀大廈往中環都分別有分段收費, 反觀全程$6.8的九巴16, 只係得新蒲崗有$5.8分段, 仲係涉及歷史因素: 90年代初的冷氣車分段.

好多板友講得啱, 到九巴執笠嗰日都唔會咁易同你減價/增設分段.

就好似11B 11D, 全程$5.1係平, 但入左觀塘 九龍城又唔見佢減價, 17仲搵笨, 落左土瓜灣/上左常盛街就應該好減, 就係返到總站, $0.1都唔平俾你, 新界出東九堆線, 彩虹 啟業上車平過搭市區線, 又係唔知咩理論, 東九區內線觀塘起分段明明最貴$4.5, 近年開線的28B借啲意收貴你$0.1收$4.6.

班巴迷成日話而家啲人唔志在嗰一蚊幾毫, 只要夠快收多一兩蚊都大把人願意付鈔, 搞搞下會將整個公交市場的「合理車費」抬高, 導致沒有最貴只有更貴的情況不斷loop, 惡果最後都係市民自己承受番, 公交機構(特別係九巴)就理得你, 唔通減價俾你, 仲整啲$2 $3分段俾你, 貪過癮.

EX-TL 發表於 2018-4-1 13:28
最後一段: 真係多乘客用既邊會咁易加先? 不過2017九巴都有D真係平左既分段/轉乘, 好過新巴城巴全部都係垃 ...

可能我講得唔清楚, 新巴/城巴既垃圾分段/轉乘係2015/16續專營權加果D, 唔係已經存在果D, 你所講既全部都係歷史留落黎, 果陣城巴/中巴; 城巴/新巴互相競爭, 城巴係收費/派車上都非常積極, 但近年咩料大家心中有數, 作用可能係迫到九巴係213M/290上唔係好似213M/213X咁搶錢既!

九巴方面, 61X明明當時跟足合理收費去收, 如果開到既係60A會再平一級, 明明62X就收貴左而唔係全冷果陣減返價, 依家調返轉頭就話61X平要陰乾佢, 仲要開更貴既258X/259X, 今時今日個問題出左係收費等級表度但政府/議員從來唔會去理!


要執就唔該全面檢討收費等級表, 應該要SET返以往普通巴士個行車里數去數界線(收幾多另計啦, 以現時距離大約應該係$3.5->$4.3->$4.7->$5.8->$6.4->$7.5->$8.4->$9.4->$10.5->$11.5->$12.8->$13.9->$15.1), 唔可能下下都$7.7, 18.4(例如268B, 259X, 263A), 而且餘下路段唔夠某個行車里數強制分段, 好過巴士公司亂咁分段, 亂咁SET總站去拖長行車里數(近年有99R特登放西貢北), 不過係現有路線唔會亂咁加價既情況下(最多陰到30/60分鐘一班), 城巴話要加價都可以拖到大半年, 市民更不滿/政府/議員做唔到野既係地底果間係唔係都可以自動係六月加價果間公司, 連行政會議都冇得拖佢幾個月!

shakugan2005 發表於 2018-4-1 18:04
可能我講得唔清楚, 新巴/城巴既垃圾分段/轉乘係2015/16續專營權加果D, 唔係已經存在果D, 你所講既全部都係 ...

就算要陰乾61X, 個理由唔會係價錢問題, 佢比60X嗰類仲貴啲.

東西線走馬頭圍 宋皇臺 啟德 鑽石山你唔係唔知啩, 同61X完全重疊, 呢幾個站冇彌敦道 長沙灣道嗰邊人口集中得咁誇張, 反觀觀塘同九龍灣通勤需求唔駛多講都知道不斷上升緊, 觀塘道西行下繁巴士勁塞又上晒電視, 在有資源下, 俾你都會由九龍灣開出.

61X其實陰完守番十幾年就有大量商業客做, 只係睇佢呢段日子守唔守得住, 唔係cut線其實冇問題.

呢度好似係講分段收費, 又拎61X出嚟講就快人都癲.


城巴新巴嗰啲你都識講大部份係歷史問題, 人地做左十幾二十年平價, 為左續期都肯繼續唧啲新分段/優惠出嚟, 2017年九巴為左續專營權先係咁咦整平少少, 我住市區真係完全feel唔到誠意何在, 呢篇文唔講, 我都唔記得左呢項嘢係為續專營權而做.