燒烤有咩一定要帶?

並不是 IQ 題，我只知食物、炭、燒烤叉。
有無其他野需要帶?

原帖由 AH_HIN 於 2006-6-16 11:40 發表
並不是 IQ 題，我只知食物、炭、燒烤叉。
有無其他野需要帶?

炭精、報紙

燒烤網最好帶定，
怕污糟就帶埋手套，
仲有一d食野工具如紙碟、膠叉等......
如果你要燒粟米、金菇呢類野，
就要帶定錫紙。

仲有一樣唔少得，
就係火既來源—如打火機、火柴。

其實仲可以帶埋蜜糖既
唔好忘記要帶水喎
水唔單止係要黎飲
有時仲可以用黎洗手同埋整熄個爐
(假設附近既廁所唔係咁就腳既話)

仲有既係要帶d 面紙
不過你想環保d 就帶條抹手布去囉
但最好sure可以有得洗喎

蜜糖基本上一定要，其他調味料就視乎你有乜野燒。
仲有係足夠的飲品。

其他必需品有：
炭及炭精
燒烤叉
點火工具（e.g. 火機）
勞工手套
舊報紙
紙碟紙杯
竹筷子
膠手套
紙巾
膠台布
燈．電筒(如是晚上BBQ)
刀
鐵絲網、錫紙、竹籤 (非必備，視乎需要)

[ 本帖最後由 HK104 於 2006-6-16 14:21 編輯 ]

個人推介：小型電風扇(入2A電池果D) — 包你「透」爐時唔洗撥報紙撥到死下死下。

小推介:沙嗲醬
食金葀一定要用!!

我燒野食果陣仲會帶蠔油,拎d錫紙包住d雞翼黎整蠔油焗雞翼