2018年回望過去(抒情長文)

重要的事情講三次: 唔啱聽唔該按上一頁, 唔啱聽唔該按上一頁, 唔啱聽唔該按上一頁

第二重要的事情都必須講三次: 咪玩滅聲同人身攻擊, 咪玩滅聲同人身攻擊, 咪玩滅聲同人身攻擊

_______________________________________________________________________________________________________

正篇開始:

話說, 2013年可以話係北角炮台山居民(以下簡稱北角區市民; 當然包括其他東區非柴小地區 -> QB至筲箕灣)開始受到新巴同城巴因為胡亂重組(用呢個term已經好俾面了!)的不同程度影響

2013年, 莫過於7月14日因為18X的開辦, 碩果僅存的中環/灣碼->北角特快拉疏, 其實拉疏對於北角區市民影響已經唔少(例如有極小部份人因為拉疏而寧願保鐵, 但要重申好少人咁做, 北角區市民對巴士似乎有點情義結的), 但因為"針未拮到肉"所以仍然可以當冇事發生

________________________________________________________________________________________________________

戲肉之一係同年12月28日, 118南行完全飛起北角同炮台山, 結果一堆北角區市民(當然包括本人在內), 不斷向署方及巴士公司反映...
本人重申118飛起北角唔係話唔得, 但唔該做足補償, 可惜事與願違, 除咗得到署方撐腰的新巴同城巴的無視, 更受到不同既得利益者的不斷打壓(呢個都算, 其實人之常情......另外如果唔明呢part的話大家睇番台灣人面對國民政府都有不同大大小小的犧牲就知...台灣本省人同外省人對立情況有部分都似而家咁, 好似大家都公說公有理的狀態, 外省人覺得本省人低等都係國府遷台已經發生)

無視同打壓都唔緊要, 受益者得到118唔經北角區後基本上已經可以拍拍蘿友話之你東區其他人死(就係呢種咀面到今時今日, 不論邊個, 甚至係自詡為資深巴士迷也好都好唔要得, 但佢地偏偏係對住北角區市民以這種咀面打擊!), 其實唔係應該諗返, 大家都係新巴同城巴專營權管理的地區, 點解要自行同北角人割蓆? 唔係應該得到利益(118提速)後盡返少少咁多多義務逼巴士公司同署方都要加車去返102度?

________________________________________________________________________________________________

最好笑就係自從2013年12月28日起, 筲旺紅van都不斷加價, 其實唔難理解, 當需求增加果陣當然大條道理加價啦, 對吧? 但有冇人為北角區市民打抱不平呢? 冇喎...

本人對巴士公司同署方的要求如下, 其實只要其中一點成立已經收貨馬上自行滅聲而唔駛要被滅聲(已經唔要求8X同19生性唔好脫班...):
1. 118/102可以免費轉乘110; 110同時需要延長服務時間去到半夜12點, 同大多數紅隧線睇齊
2. 開設112X, 跟舊118咁行, 以118/102/112每線各抽1至2車, 15至20分一班都可以
3. 英皇道巴士專用線嚴格控制只能有巴士或救護車通過, 違者馬上罰款
4. 削減所有只是純行人過路非交匯處的所有燈位(高士威道起計至民康街東廊口前合計共有6盞燈或改以斑馬線形式運作)
5. 102提速, 112縮短
6. 提供乘車證俾受影響北角區居民以優惠價錢搭慢車

但可惜的是...
1. 反對啦當然, 110靚時段竟然係九巴...城巴102只係算叫做做得返佢應做的事, 加果兩車夠唔夠載先? 可能夠吧? 因為有堆人保鐵了...(呢件事對各路線決策者有冇啟示?)
2. 覺得銅鑼灣係寶, 冇計
3. 邊鬼個理, 都冇人抄牌...
4. 哈, 呢個得啖笑, 反而係渣華道特登加一盞行人過路燈, 刻意要渣華道慢囉
5. 都係當銅鑼灣係寶
6. 最諷刺的事來了, 九巴真的提供了月票(同本人所提出的乘車證概念相近), 實現優惠價搭車, 仲可以勉強做到118/102"免費"轉110; 請問你新巴同城巴點解我叫你出你又唔出呢? 俾對家捷足先登了...

_______________________________________________________________________________________________

到咗2015年, 大家都知道18號都俾人消滅埋, 自此中環/灣碼返北角區都例牌要兜銅鑼灣了......有同道中人喺舊18臨cut前整咗個"謀殺巴士事件薄"banner已經對巴士公司作出一大警號, 但佢地仍然一意孤行呢下先吹漲

而去到2017年, 大家都知8H係咩嚟啦, 都唔駛多講啦, 點解某區資源鼎盛的情況下又要抽一條唔關佢果區事的2A車呢?

仲有本人反對開88X果陣都有提過新巴佢地實順手開埋80X, 結果果然有, 不過係用"18X特"來代表

________________________________________________________________________________

本人基本上對巴士公司已經係零期望, 106P飛北角區都諗得出呢下真係好好嘢, 唔好提果啲咩671, 41A, 606大減班啦...

相反, 九巴賣下月票真係要讚的

然而, 呢大堆垃圾重組唔係網上洗下地滅下人聲就解決到的; 想滅我聲, 我以實際行動去投票"中和"下囉, 對我來說是舉手之勞的事。我明大家打份工幫公司好正常, 我講事實出嚟其實都係想巴士公司改善, 洗地之人竟然唔係為公司著想儘快report番公司去改善不特止仲要玩埋人身攻擊呢下真係無得頂, 公關災難真係咁發生的

當然, 最可惜係北角區咁啱就係冇九巴獨營線cover的地區之一(東區嚟講, 大家諗下邊兩區冇九巴獨營吧!), 唔係個個都願意有真空期冇九巴搭, 只好保鐵, 否則北角區都肯定多好多人買九巴月票了

北角區市民只好寄望全港性巴士月票快啲出嚟或者中巴復辦吧!  而家嚟講, 有咗九巴月票後我真係冇再搭過其他巴士公司的車, 反而駁腳用的小巴同地鐵都偶然會搭下...

即係又係北角好慘慘豬，柴小公司應該倒閉交牌比翻中巴，Right？

係我錯，見到你個名時我就應該skip，唔應該浪費時間去睇

樓主你都三幅皮咁多年

係咪要諗下有何意義
唔搭巴士，仲有電車小巴地鐵

Too long don't read，新城係有問題，但118從來都唔屬於北角

118cut咗仲有102
慢又5係多 你嘅評論同富安果位容議員一樣 要架架巴士係你門口落 好咩？

真心唔明北角要噤多隧巴做咩？睇下東隧線多到
西隧線都唔會線線西營盤

kay 發表於 2018-4-10 19:22
樓主你都三幅皮咁多年

係咪要諗下有何意義

我係喺度諗, 終於有我所想要的"轉乘"優惠罷了

JC8385 發表於 2018-4-10 19:30
Too long don't read，新城係有問題，但118從來都唔屬於北角

唔介意各打三十大板, 點解好似冇人知(還是選擇性忘記?)本身118來回都會經北角區, 但中巴唔俾城巴行英皇道, 咁城巴唔行寶馬山咪唯有直飛, 導致有呢個"把柄"被人無限利用了

Charon1999 發表於 2018-4-10 19:19
即係又係北角好慘慘豬，柴小公司應該倒閉交牌比翻中巴，Right？

我有講"北角好很慘"咩? 其實我意思係: 全東區(某區除外)在座各位都係咁慘, 不過北角首當其衝啫