2018年望左望右(鬥惨中文)

Charon1999 發表於 2018-4-13 16:11
971又真係煩少少
雖然行域多利唔太慢，但居民感覺上就係慢
結果就依家咁 @_@

根本當日係應該用 971 去做數碼港，而唔係 970

弊在而家 971 養左一班堅城去香港仔流水，仲有石排灣騎呢位

所以我好主張 971 兩邊縮，970/X 南行合併，北行聯合班次香港仔開，
協同效應下釋放資源，爆多條新線，填晒港島騎呢位，九龍一邊直出四小龍再入荃葵，
同時間真係搵新客，開拓荃葵/長沙灣往來港島西南客源

S3BL100 發表於 2018-4-14 01:05
根本當日係應該用 971 去做數碼港，而唔係 970

弊在而家 971 養左一班堅城去香港仔流水，仲有石排灣騎呢 ...

依個我就有少少保留

1. 971冇咗堅城去香港仔流水可能更少人
2. 970/970X其中一個分别係行華富定置富，如果970/970X合併好似唔太好（聯合班次OK ge，雖然香港仔 Full full哋）
3. 荃葵/長沙灣往來港島西南其實真係夠人開線...？同埋如果長沙灣揾971頂又如何？

Charon1999 發表於 2018-4-14 08:49
依個我就有少少保留

1. 971冇咗堅城去香港仔流水可能更少人

我又覺得問題唔係一條線本身多人定少人，而係咁多部車加埋，一共做到幾多客

971 堅城去香港仔流水，我係打算用我上面提到果條荃葵線去補

970 970X 問題， 起碼香港仔方向，兜華富或者兜置富，慳到既時間同等多班車差唔多，
真係寧願一線走天涯，去返十幾年前，做返全日大部份時間個位數班次仲好，
而當年拆線後，整體客量係有下跌的

係九龍方向，山道天橋帶來明顯分別，先無得打回原形

S3BL100 發表於 2018-4-14 01:00
914 往九龍，銅鑼灣要去到上環先入西隧，觀感係唔好；
但與此同時，港島方向，明明已經西隧口附近，要走 ...

914 開線時，渡船街後右轉出西隧係最正
但後來果個十字路口改完又改
路線又跟住改
高鐵開始興建後
改成宜家要玩入內街 360 度轉圈出去
真係好唔開胃

不過，又唔可以否認晚上返九龍算係有客
好多時都有大約半車客坐過海
已經還得神落

恭喜樓主釣齊一大一細魚！

見有人講開西九龍填海區，我以當區居民角度回一回文。
近年明顯改動不少，但細心觀察路線此消彼長之下減少反而比增加多。

增加：70S(只限特定節日)，117(假日服務)，286P/286X，905P，914P
減少：59A/66，212

(1) 過海隧道線 - 914
呢度有部份版友好似額頭雕咗“打手”兩隻字咁，不斷唱淡，甚至作出不實言論應取消914並將其資源調往其他路線云云。

914 整體入隧道前路線，觀感上的確係長，亦花時間。
然而呢條路線係九龍區做緊幾樣野，不可忽視該等乘客。

海麗/四小龍區 往 荔枝角道/南昌街(遠離702部份)
海麗/四小龍區至南昌 來往 大角咀及旺角西
海麗/四小龍區至大角咀 來往 渡船角

太疏、太耐定人少其實幾難直接下定論。
914 塞車位多就心照啦，然後再嚟每班車上落客同當日路面交通狀況，加埋班次開緊啲客難預算既時候，結果起碼嚇走部份潛在客，所以單憑三兩班車記錄根本睇唔到問題所在。

講埋過海部份，以多年使用914系經驗去睇，港島段由天后去到上環一樣有捧場客。

九龍方向：
天后總站大部份時段都會有人上車，每當維園有年宵更加會排隊；
大坑段就飄忽少少，主要集中係中華遊樂會同摩頓台上；
銅鑼灣段自從改返出怡和街之後，明顯證實行返中路客倉方為正路，怡和街一站已經係港島前段大站，兩巴更為分開108、930X、936、948、968與914人龍特意安排位置；而其後堅拿道分站亦吸引時代廣場附近乘客；
灣仔段主要車站為北海中心及修頓球場，惟檀島咖啡室外分站遷往軒官後失色不少，該站以熟客為主；
金鐘至上環段，下班時間以平日計相當繁忙，是為914港島後段客倉，太古廣場、利源東街、中環街市及文華里為主，而皇后街尾站則偶有人龍。

乘客主要在渡船角、旺角西(富榮花園、柏景灣)、大同新邨下車，其次為三昌與海麗並排。

港島方向：
前段過海客以海麗為主，三昌區比較少，值得注意係部份板友提出飛既荔枝角道係平均每2班車有人捧場，再加埋上面提過既區內客，點樣處置都需要考慮。

主要下車站 - 港澳碼頭、怡和大廈、力寶中心、菲林明道、灣仔消防局 及 怡和街。

港島方向平日過1930後係少客，但假日2045前偶有半車約50人過海。
同埋渡船街右轉佐敦道路口已經重開，建議改用並跟970/971系，以減省兜入廣東道時間。

如果問我意見，我會反建議搬返914A出埋嚟，利用香港站轉車通道唔係人人想行呢點做埋太古坊通勤客，至於詳細點執就要度下先。

至於剩餘部份，容後再回文討論。

系統重複，吉文。

cky 發表於 2018-4-15 01:41
914 開線時，渡船街後右轉出西隧係最正
但後來果個十字路口改完又改
路線又跟住改

我當日係咁行：

YY487 發表於 2018-4-12 18:06
點解康城新樓樓價低過將南一截？
位置問題囉堆填區問題囉
如果位置好交通方便鳥語花香康城仲會賣呢個價？

因為交通唔方便所以樓價低，所以唔應該改善交通？
你個邏輯真係令人嘆為觀止

咁同樣道理，海怡半島無地鐵所以樓價低過太古城
按你個“食得鹹魚抵得渴”既邏輯，係唔係唔應該起南港島線？

但個問題係資源有限，咁當然係優先派去冇鐵路嘅區，鐵路優勢比較低嘅區次之，繼而到鐵路優勢大但需求大到鐵路做唔晒嘅區，最後先到鐵路優勢大而且鐵路仲有容量嘅區

康城，正正就係你所講，鐵路優勢比較低既地區

上面有人話，叫砲台山客去北角搭車離譜
砲台山站行去北角站，有幾遠？750米
你又知唔知，峻瀅行去康城站又幾遠？無錯，都係750米

我真係唔明
點解叫砲台山客行去北角搭車有問題
但叫康城客行去康城站搭12分鐘一班既地鐵，又完全無問題

無人話康城交通要好過坑口寶林
我自己甚至覺得290X、798支線唔需要入康城
但一條康城版296A，一條旺角線，一條尖沙咀線
其實又真係好合理既要求

要康城硬食796C/796X，40分鐘都入唔到隧道
同要求上水硬食70X一樣咁唔合理

而邊個話康城開線，其他區無得益？
796P全日，調景嶺將軍澳先係最大贏家
旺角線康城夾坑口，坑口景林唔使再挨98C，係一大進步
有康城版296A，夾埋將隧口轉車站，客源基礎大咗，拆798/290系既可能性亦多咗

你話康城只值得擁有796X，根本係製造緊無謂既對立

康城地鐵班次尚有大量容量

非繁兩邊都唔係爆
繁時康城班次去到油塘甚至將軍澳，一樣係爆住走

最重要既係，就算康城抽車唔爆又點？
佢地出西九要轉觀塘線荃灣線，出南九龍要搭港島線，入新界要轉東西鐵
觀塘線荃灣線港島線東西鐵，有邊條唔係爆到瀉？

炮台山去琴行街個站（糖水道上橋前尾站）成公里咁遠，我向西行都差少少到摩頓台，樓上嘅「750米」從何而來？

Charon1999 發表於 2018-4-15 12:02
我當日係咁行：

正正就係咁樣，路口都開返短期內應該改返行法