九巴35X新增回程消息

今晚搭18:40嘅35X(實開18:42),起碼上咗70人先上西廊，前車35A開18:30,客量穩步上揚。

Chnnr 發表於 2018-4-25 16:27
純粹路過發表少少意見,不喜勿插
北葵涌出九龍呢啲詬病應該都好難短時間內解決到
要執既話, 其實係要 31B 32 ...

問題係的確無理由要新界客由美孚碌到尖沙咀，
35A 234X 不論客量分佈定服務地區，都應該要改快

就算係碌到佐敦都係唔理想，不過我覺得長遠應該留 42A 69X 238X 做流水。
42A 因為收費問題，238X 因為客量同中港碼頭獨巿位，69X 我睇無可能大改

有一條頻密 42A，再加 69X 238X 輔助，唔見得需要多其他路線去做呢段流水，
正如你話齋，班客見車就上，真係少一條唔少

青南特快油尖旺個 case，就算 42A 唔郁，都仲可以搵 43C 換，
而且 42A 班次夠密，回程特快比起出巿區方向潛力大，我會建議去程特快只做大角咀同尖沙咀，回程先做埋旺角

不過 35A 234X，唔放棄長沙灣道往尖咀流水段，真係好難改得靚

你話 2 6 要內街先有得坐而且太慢，實際上欽州街已經有 2 仔，
欽州街打後上返大埔道已經唔遠，無左流水最受影響的，係得長沙灣商貿區至東京街之間

不過離地鐵站近，搭地鐵亦不為過，新界客明顯更有需要；
就算要補，我覺得類似我早前建議的 6X 一類做法，
受惠人數可能仲多，畢竟同時仲做埋青山道蘇屋特快

S3BL100 發表於 2018-4-25 23:51
我無講過一條安蔭石蔭、一條石籬梨木樹⋯

去程經石籬雖然係順路，但其實入一入大隴街總站再出返來，

問題係36X去程都上石蔭東邨其實同入大隴街總站車程上冇分別，咁嘅話我就寧願去程走線大致不變，唯一唔同嘅係36X入埋石蔭路同35X同站咁解

10598C 發表於 2018-4-26 00:13
問題係36X去程都上石蔭東邨其實同入大隴街總站車程上冇分別，咁嘅話我就寧願去程走線大致不變，唯一唔同 ...

前一點同意，不過我意思係 36X 飛石籬、35X 去程飛石蔭的話，安蔭同石蔭都可以再快少少

S3BL100 發表於 2018-4-25 23:51
我無講過一條安蔭石蔭、一條石籬梨木樹⋯

去程經石籬雖然係順路，但其實入一入大隴街總站再出返來，

因此可以照樣石蔭梨木樹一組，行下路飛橋；安蔭石蔭一組，行上路

你又打錯啦
係安蔭石梨一組

點解安蔭石梨要一組
因為安蔭可以行大白田街 (石富樓) 落石梨總，回程就石歡樓圈返上去
咁樣安蔭變相可以提速出九龍，亦可以用大埔道上路返北葵
畢竟西廊上石梨點都係兜

至於梨木樹石蔭
兩者位置亦相近
梨木樹、石蔭東、石蔭路、和合 (麥理浩) 直出上路，可以做返打磚坪街個站
回程就西廊葵橋返石蔭圈，而雍雅軒一站就上面一組做返

亦即係將石梨斬開一半，不過唔係返北葵方向，係出九龍方向
石大總、石俊歸安蔭石梨呢組；打磚石英徑就梨木石蔭呢組

既然石梨總係安蔭石梨呢組做，咁點解仲要 36X(?) 兜上石梨總

S3BL100 發表於 2018-4-25 12:47
岩岩 youtube 搵到條 35X 行車片，無 cut 埋站停燈的，
由奶路臣街去到北葵涌街巿只係用左 18 分，去到大隴街 23 分

對比另外一條日間無 cut 埋站停燈的 35A 行車片，奶路臣街去到大隴街 33 分，
當中奶路臣街去到深水步長沙灣道/欽州街交界 10 分鐘左右，再用多 13 分去到呈祥道/蝴蝶谷道交界

如果係直接改行大埔道上路，其實都係慳 10 分鐘左右，
換言之奶路臣街經大埔道上路去石籬都要 23 分，同 35X 行下路飛橋竟然係打和！

當然，大家可以話，35X 段片係晚間，
但不停站飛橋一段，日間同晚間唔會有咩分別

果D不滿 35X 回程唔係石籬做頭站既版友，呢個行車時間已經剝左佢地棚牙

值得一提，大隴街返到安蔭總站要多 10 分鐘（如果係 35A 要 14-15 分），
如果石籬人咁鍾意回程行上路的話，35X 回程飛埋石籬，直接跟 235M 返安蔭，應該可以再快多 10 分

呢到應該無咩人不滿35X回程石籬唔係頭站喎
你會唔會睇錯咗我篇回覆,我係有講過fb gp班居民唔like,而唔係"我不滿"

講真,我前面都有講,對石籬雖然快得唔多,但整體上上葵係得益,我係支持既
回程係有d細微位可以執,同埋全晚行20分鐘一班先,30分鐘就唔係幾吸引
係進一步拆線(35A 35X分家)前,唔建議再減35A班,否則太子深水埗真係會爆鑊
拆線後35A繁時亦應維持既有班次,另外可以從縮短咗既路段慳車出黎

呢段唔逐個回,一次過講哂

而35X 36X分工方面,理想係兩線互相分工,
但現實各持份者之間好難協調,而且梨木樹係另一個區議會

梨木樹方面又唔太肯大執條36B,咁不如簡單入手執執佢算
首先同先前講過一樣,36A 36B回程係長沙灣對調走線,
至少36B回程唔會再學得宜家咁樣衰難睇,趕走哂深水埗前既客
之後就係將36B繁時減班嘔些少車出黎做36X
36X去程西廊後改經彌敦道至尖沙咀(我個人就想連同主線36B擺入中港碼頭)
回程就尖沙咀開,沿彌敦道至太子後不停站經大埔道呈翔道返青山上路原線
照顧到尖沙咀返上路問題(同時補償雍雅軒),亦提供到梨木樹往返尖沙咀服務

當35X有能力全日後,整個組合變成:
35A 安蔭-奧運站,方便從31B支援,回程跟32出彌敦道
主力做返宜家上葵往返深水埗長沙灣,及輔助旺角(尤其回程)
如果去程怕旺角道一帶塞車,可以改為北河街站後改經南昌街-荔枝角道-上海街入奧運站
什至南昌街後跟31B去奧運站,名正言順從31B抽些少車,石蔭石籬去太子/旺角可搭35X/36B
35X 安蔭-尖東,去程改經西廊,回程作出些少微調
主力提供整個上葵特快往返油尖旺
36B 梨木樹-中港碼頭,回程不經元州街加快車程
主力服務梨木樹及和宜合道,繁時開36X作輔助
36X 梨木樹-尖沙咀,走線見上一段
主力提供繁時梨木樹特快及補償尖沙咀返上路(去程仍有35X)及補足雍雅軒

梨木樹往返長沙灣深水埗:36A,36B (前往不同位置)
梨木樹往返油尖旺:36B,36X
安蔭往返長沙灣深水埗:35A
安蔭往返油尖旺:35X
石蔭往返長沙灣深水埗:35A,36B (從不同位置出發或返回出發點)
石蔭往返油尖旺:35X,36B,36X (後兩者路過性質)
石籬往返長沙灣深水埗:31B,35A,36B (前兩者前往不同位置,後者回程依舊不上石籬邨)
另外旺角返回上葵各區(石籬石蔭安蔭)多一條35A作輔助

現實咁搞一定易過搞35X 36X分工,地區上太難傾得掂
爭議聲音肯定細過搞場大龍鳳,亦大致平衡各方利益
下一步係執走條無用,存在感低既32

Chnnr 發表於 2018-4-25 16:27
純粹路過發表少少意見,不喜勿插
北葵涌出九龍呢啲詬病應該都好難短時間內解決到
要執既話, 其實係要 31B 32 ...

31B係九龍區內有獨市流水位,同回程收費問題,唔郁好過
32無意見,公認存在感低,咁岩有車黎又岩路先會搭
35A往返旺角打後整體上南行少人過北行
當中南行流水客你講得岩,唔係個個都搭到落尖沙咀
36A/36B前面講過,回程兜到嘔只少都要拉直返少少
不過你話到行出貿易廣場搭車,即係你近元州邨果邊,咁36B去到呢到都差唔多兜完,未至於趕客
除非你係嫌36B貴(無分段)或目的地唔就腳先行出去搭車

補充返一點,對元州街36B唔係話慢或者無客
問題出係前面已經兜咗汝州街,兜埋元州街對前一段真係好慢好兜...........

各位師兄對於點樣重組上葵至西九龍堆線，都有好豐富的意見。

小弟雖然都鍾意研究全港唔同行車路線，但唯獨咁多年來都未上過東北葵（石籬石蔭安蔭），所以對呢區的認識，只係流於地圖派，請各位多多包涵。

************
如果按人口去計算（根據wiki）：
梨木樹：~30,000人
安蔭：~17,000人
石蔭：~8,000人
石籬：~13,000人

先唔理人口年齡分佈（因為會影響出入邊一個地區，例如長者、家庭主婦主係係去葵涌、荃灣行街買野），如果單以人口劃分成兩線，
最好的做法係咪：
(1) 梨木 + 石蔭
(2) 安蔭 + 石籬

不過呢個approach仲未計私樓同埋工廠區的客源。

多多指教。

neoplan720p 發表於 2018-4-26 10:23
各位師兄對於點樣重組上葵至西九龍堆線，都有好豐富的意見。

小弟雖然都鍾意研究全港唔同行車路線，但唯獨 ...

果度的交通越做越霉。
40P搞咁耐都未全日，好失望。