hkitalk.net 香港交通資訊網

 找回密碼
 會員申請加入
Custom Search

Login

搜索


Advertisement

 
(B0)香港巴士車務及車廂設備 (B1)香港巴士廣告消息/廣告車行踪 (B2)香港巴士討論 (B3)巴士攝影作品貼圖區 (B3i)即拍即貼 -手機相&翻拍Mon相 (B4)兩岸三地巴士討論 (B5)外地巴士討論

Advertisement

(B6)旅遊巴士及過境巴士 (B7)巴士特別所見 (B11)巴士精華區 (B22)巴士迷吹水區   (V)私家車,商用車,政府及特種車輛
(A6)相片及短片分享/攝影技術 (A10)香港地方討論 (A11)消費著數及飲食資訊 (A16)建築物機電裝置及設備 (A19)問路專區 (N)其他討論題目  
(F1)交通路線建議 (C2)航空 (C3)海上交通及船隻 (D1)公共交通有關商品   (Y)hkitalk.net會員福利部 (Z)站務資源中心
(R1)香港鐵路 (R2)香港電車 (R3)港外鐵路   (O1)omsi討論區 (O2)omsi下載區 (O3)omsi教學及求助區
(M1)小型巴士綜合討論 (M2)小型巴士多媒體分享區 (M3)香港小型巴士字軌表     最新板務資訊  
 

Advertisement

 

查看: 5569|回復: 0

浸鹹水遇溺記 第六回 探訪退役協和號 G-BOAF & Aerospace Bristol

[複製鏈接]

1278

iPower

1510

aPower

816

HugeC

Level 2

Rank: 2Rank: 2

積分
2966
發表於 2018-5-11 07:43 | 顯示全部樓層 |閱讀模式

                                    Advertisement



本帖最後由 HZ8186 於 2018-10-6 23:19 編輯



浸鹹水遇溺記 第六回 探訪退役協和號客機 G-BOAF 的故事
今次小弟就唔係寫 Flight Report, 而係探訪新開張的 Aerospace Bristol。 此館於今年十月開放, 向公眾展出獲保留的協和號客機 G-BOAF及其他以 Bristol Aircraft 及 Filton 的展品。 適逢小弟既大學學會舉辦一日團去 Filton, 小弟便踏上呢個尋找協和號的故事。

Aerospace Bristol 位於 Bristol Filton 機場的舊址上 - 雖然 Filton 早已關閉及重新被發展成一個住宅區, 不過機庫及已棄用的控制塔早獲保留, 並形成現有的博物館建築群。於 Aerospace Bristol 的協和號客機 G-BOAF Alpha Foxtrot 其實早於2003年已經降落 Filton, 並開放予團體參觀。 唯因為場地安全問題, Alpha Foxtrot 早年已經不受理參觀申請。 今次 Alpha Foxtrot 有新既瓦遮頭, 亦代表呢個英法產物將會有一個新既開始

Aerospace Bristol 第一部分的展覽則圍繞 Filton 及周邊地區於二十世紀的發展及變遷。 Filton Airport 及 Bristol and Colonial Aircraft Company 於二十世紀初期建立, 於當年 Bristol Tramway 的廠房後方設立。 Bristol 後來除了發展電車業務之外, 亦後來發展巴士業務及巴士製造, 可見當年 Bristol 既野心。展品則有當年工廠既時鐘, 打卡機及各種工具。 一戰前既飛機大多以木材製造, 所以博物館亦展出一批木工工具, 亦向參觀者介紹當年用木材製造飛機的流程。 館方亦展出多部 Wind Tunnel, 以供各參觀者了解飛機既操控及設計。

Aerospace Bristol 展出的飛機大多與 Filton 有關 - 不少展品為當年 Bristol Aircraft 的出品, 而比較近代的展品則同 BAe, Airbus 等, 於 Filton 設有廠房的企業的產品。展出既 Bristol Aircraft 有 Bristol F.2B 用 Bristol Scout 等戰前及一戰時期既雙翼機。而二戰及戰後時期既飛機則有 Bristol Type 173 (Twin Rotor Helicopter), Bristol Type 175 Britannia 等飛機。 (相信大家都會聽過 Britannia 呢個名 - 當年國泰係曾經買入過多部呢款螺旋槳飛機以執飛其長途航線)

Aerospace Bristol 亦展出多項飛機零件 - 有兩個 BAe146 既 Fuselage Frame, 亦有一部 A319 既機翼同一部 A320 系列的駕駛艙。 (個 Cockpit 係安裝埋飛行模擬器, 可惜模擬器於小弟探訪當天仍未啟用) 同時, 博物館亦於入口旁放置一個 A340 既起落架 (呢個係意大利公司 Messier-Dowty 既產物, 而呢間公司後來則被 Safran 吞併) BAe146 的 Fuselage Frame 一個係有安裝機艙配置及座椅,另一個則剩機身及其框架 - 呢個展出方法都幾有趣 - 既可以對比兩者之間既分別, 既可以了解平時乘客搭飛機時, 腳底係藏左d咩。 (其實 Avro RJ 同 BAe146 係同一架機, 唯當年因為 BAe 決定撤出 Airframe 市場, 因而當時尚未交付既 BAe146 則交由 BAe 分拆出黎既 Avro 製造。 而 BAe 則改名為 BAE Systems, 而專門負責做 Avionics 及 Defense。)


Half Refurbished Bristol Horse Tram

呢個係一個一戰既產物, 而當時 Bristol 共製造左多達五千部服務英國既空軍 (值得留意既係當時英國皇家空軍並未正式成立 - 當時使用呢部戰機既分隊係叫英國皇家飛行隊)

Bristol Britannia 既駕駛艙 - 當年國泰係曾經買入過多部呢款螺旋槳飛機以執飛其長途航線既。

Wing cross-section of an A319 - 小弟係非常欣賞館方咁樣展示個翼既, 個 leading edge slats 同 flaps 等 aerodynamic components 既構造全部曬晒出黎

BAe146 既 Fuselage Barrel Section - 大家都可以清楚睇到其 Web-Boom Structure

BAe146 既 Furbished Interior - 大家同上一張相對比下部飛機安裝內籠前同後既效果。

BAe146 既電線, 輸油管等設備~~ 此外, BAe146/Avro RJ 均無一個 Palletized Loading System, 因此呢部機既寄艙行李係要逐件裝卸既。


當年 Rolls Royce 係 Filton 既廠亦有份設計 SR.N4 Hovercraft 既引擎 - 可惜呢部氣墊船早於年退役, 而世界上唯一一條商業氣墊船航線則剩下 Portsmouth - Isle of Wight 一條。




之前講到 Bristol 係間電車公司 - 無錯, Bristol 亦係間巴士公司 - 早期則自己製造同自己營運巴士服務, 而後期則分拆出巴士業務獨立營運。 圖中則為一部 Bristol VR, 當年 Bristol 係出產左大約5000部, 不過大部分係供應本土市場, 並唔似其競爭者 AEC 同 Leyland 等供應

Aerospace Bristol 既鎮館之寶 G-BOAF 則存放於另一個Hangar。 呢個機庫設有兩層 - 地下則供參觀者從地下觀賞協和號及有少量同協和號相關既圖紙, 一樓則設有兩條登機橋及當年協和號相關的展品等等。 Aerospace Bristol 係安裝部客機底部左一列投影器, 係 Alpha-Foxtrot 既右邊機身大約每十分鐘播放一次關於 Concorde 既短片 。 投影出黎既畫像都做得幾像真, 而個短片既3D效果亦做得好好 - 配合放置係機庫四周既喇叭, 個短片係視覺上非常震撼。

一樓既展品大多為當年英航既協和號上用品及供機師用既教材。 由於飛機既控制及操作有別於一般民航客機, 當年英航投放大量資源訓練機師, 以熟習超音速客機既特性。 訓練其中一個重點就係飛機燃油既位置控制 - 由於飛機係唔同速度同重量既時候會有唔同既飛行特性, 因此隨著飛機飛行及使用燃油既時候, 協和號客機係會講主油缸入面既燃油移去機尾位置既油缸, 提升飛機既Pitch 及讓飛機繼續以最佳表現飛行。 同時, Aerospace Bristol 亦列出不少其他協和號相關紀念品, 例如首日封, 徽章, 及郵票等等 - 見證當年既 '協和號' 狂熱

協和號既客艙係服役期間多次進行翻新及升級 - 由於 Concorde 為 British 及 Air France 既旗艦產品, 因此兩間公司對呢批機既配置係特別花心思。 當年英航係有特意為協和號既服務提供特別設計既餐飲用品及毛氈等等, 皆有於同場展出。 英航甚至展出四組協和號服役初期使用既座椅 - 雖然座椅既座距同寛度都遠遠不及現今商務艙既配置, 不過用粉紅, 橙色等鮮豔顏色配搭落客機既座椅, 係三十年後感覺上依然覺得好新鮮。

Alpha Foxtrot 係可以從一樓既兩條登機橋登上。 呢部協和號客機係維持2003年 飛機退役時既機艙配置, 而參觀者係可以係客艙前半部分內自由走動, 可惜協和號既廁所同駕駛艙係被透明既圍板封起。


Concorde 既內籠 - 可惜 G-BOAF 只有頭半既客艙係可以參觀, 其餘部份, 例如駕駛艙同廁所等均用透明膠板封起

Concorde 既引擎 Rolls Royce/Snecma 593 Olympus - 引擎同飛機一樣,都係英法聯合開發既。

G-BOAF 既 Tailstrike Protector - 由於飛機於 Mach 1 以下既時候係需要一個 high angle of attack 才可以產生足夠既升力, 因此協和號客機係有呢個尾轆以防止飛機於起飛及降落時發生 tailstrike。

曾挽住你 遊歷的都市 與未完成的詩
都被年月 踐踏成歷史

Flight Engineer's Workstation - Bristol Aerospace 亦展出左一個協和號既 Cockpit Mock-up, 而呢個就係當時 Flight Engineer 既工作台

協和號既駕駛艙

Mock-up of Concorde's Fuel Tank - 由於 Concorde 係唔同既階段係需要唔同既 Pitch, 因此係航程既後半部分, 機組人員係會把部分燃油轉移到近機尾既油缸,以把飛機的中心向後移, 同時把 Pitch 提高。 呢個模擬器則供機組人員熟習協和號既運作

Concorde's nozzles - 協和號客機既引擎為左應付飛行唔同既模式, 呢個 Olympus 引擎係係會依照唔同既情況把噴嘴放大或縮小
https://www.youtube.com/watch?v=mZWdwQG7xEI
Tribute to Concorde - Aerospace Bristol 亦製作左兩段短片, 並係 G-BOAF 既右邊機頭投影。 投影出黎既畫像都做得幾像真, 而個短片既3D效果亦做得好好 - 配合放置係機庫四周既喇叭, 個短片係視覺同聽覺上係非常震撼既。有興趣既網友不妨上 yt 睇下佢個效果~

總括參觀 Aerospace Bristol 此行, 今次的確係一個幾好既體驗。 唯呢個博物館係新開張既關係, 有不少展品依然係未準備好 (尤其係有互動功能既展板), 如果日後小弟再次參觀既話, 希望唔會遇到呢個問題啦。 不過整體上, 呢個博物館係值得推薦既, 而十五鎊既入場費都算值既。 如果閣下係 West of England, 不妨抽日參觀呢部協和號客機~~

P.S. 其實小弟係去年十月尾拜訪 Aerospace Bristol 既, 唯因為小弟學業繁重, 小弟近期才抽空寫下呢篇飛行報告, 敬請大家見諒~~

小弟既其他飛行報告
浸鹹水遇溺記 第一回 LX139 LX460 HKG-ZRH-LCY 巧遇 Avro RJ100 的故事
浸鹹水遇溺記 第二回 BE1429 SOU-EMA 一個乘搭 Repositioning Flight 的故事
浸鹹水遇溺記 第三回 KL888 KL1515 HKG-AMS-NWI 尋找 Fokker 70 的故事
浸鹹水遇溺記 第四回 KL1426 KL887 BHX-AMS-HKG 被 Avro RJ 尋找的故事
浸鹹水遇溺記 第五回 OS58 OS455 HKG-VIE-LHR 不怕神一般的對手, 只怕鹹魚般的乘客?


連張入場卷都係機票既質地 - Aerospace Bristol 真係好用心

連張入場卷都係機票既質地 - Aerospace Bristol 真係好用心

評分

參與人數 3aPower +3 HugeC +20 收起 理由
Hongkonger + 1 + 10 多謝分享
S3BL100 + 1 + 10 經典相片
湯美 + 1 多謝分享

查看全部評分

您需要登錄後才可以回帖 登錄 | 會員申請加入

本版積分規則

Advertisement

Advertisement

站規|Archiver|清理本站Cookies|hkitalk.net 香港交通資訊網

GMT+8, 2019-12-16 15:27

Powered by Discuz! X3.3

© 2001-2013 Comsenz Inc.

快速回復 返回頂部 返回列表