[ del ]

ricky 發表於 2018-5-30 17:48
你成日覺得搵671對調，就解決晒問題。
671只去到銅鑼灣(唔再爭論係唔係銅鑼灣中心位，總之只去銅鑼灣)， ...

你 loop 完拉 113 上彩雲既建議未？

慈雲山爭取左 113 拉上去咁多年，都落實唔到，而慈雲山基本盤大過彩雲至少成倍。
你覺得九巴新巴會肯拉 113 上彩雲？就算佢地肯，咁做同令慈雲山永世無中上環過海車無分別，
你覺得慈雲山會唔反對？

根本一直以來係慈雲山爭取中上環車，彩雲要銅鑼灣車，
你做既野，同人地問你要蘋果，你俾個橙人，無分別

然後到行車時間問題，113 閒閒地總站開要 45-50 分鐘先入紅隧，
你覺得係好合理？行車時間唔會影響條線既有用程度？

（就算係拉上慈雲山但照行紅隧，我都覺得係唔合理，
同塞垃圾俾人食無分別，但呢點係後話）

銅鑼灣對比灣仔中上環，銅鑼灣係全日位，灣仔都係，但中上環唔係。
如果要二揀一，唔見得全日中上環車更有用

而且你好雙重標準囉，671 停景隆街就叫做銅鑼灣邊皮，
113 去程停馬場，回程停堅拿道西，就叫做銅鑼灣

053h4 發表於 2018-5-30 17:51
其實調111先最實際

講左好多次，111 而家個運作模式，拉去邊都唔可能

想拉長去彩雲，一係就成條線收回招標變獨營

brianso198 發表於 2018-5-30 18:37
8H個問題係，
上耀東西行會做唔到西灣河，本身西灣河班居民都知坐2X轉8H去東華東總車程計都唔一定快過8H。 ...

其實如果搞埋 8H 去代 606 流水，我想再做多一步，
就係 8H 變成耀東銅鑼灣刷邊特快，西灣河後上東廊，天后落

然後 608 逆走，改去東院道，加雙向分段

咁就唔會令到西灣河西行無車去東華東院

而對比 613 而家有筲箕灣包袱，608 本身係嘉亨灣止步，
更加無唔逆走得既理由

當然我知道成件事複雜好多

S3BL100 發表於 2018-5-30 22:34
你 loop 完拉 113 上彩雲既建議未？

慈雲山爭取左 113 拉上去咁多年，都落實唔到，而慈雲山基本盤大過彩 ...

話時話，我有親戚住過彩雲，佢地去中環都係行落去坪石搭111

而其實113銅鑼灣站位差過671好多倍，反正呢個世界龍門就任搬嘅啫...

S3BL100 發表於 2018-5-30 22:36
講左好多次，111 而家個運作模式，拉去邊都唔可能

想拉長去彩雲，一係就成條線收回招標變獨營

唔明點解111拉唔到去彩雲同聯營有關？我成日覺得因為彩雲兩個總站細所以搬唔到上去。

你的建議其實都叫彩雲乘客接受現實，只可以二擇其一，一係好似咁而家只有直車去港島東，一係就犧牲去港島東，改去北角至銅鑼灣(但去唔到中上環呀﹗)。
你估到彩雲一定無人反對無車直去北角至小西灣，而要去銅鑼灣？講來講去，唔係多一條過海線畀彩雲(唔理係總站定途經)，實際過搞來搞去都得一條線咩？

其實671都唔係一條特別好的巴士線，同606一啖啖咁疏車同好早收車，只係得671去到南區咁解。

053h4 發表於 2018-5-30 17:51
其實調111先最實際

我覺得最直接係調111上山，但彩雲兩個總站會唔會太細？一係彩雲兩個總站都梅花間竹開出111，保持住現有的班次。

ricky 發表於 2018-5-30 22:56
唔明點解111拉唔到去彩雲同聯營有關？我成日覺得因為彩雲兩個總站細所以搬唔到上去。

你的建議其實都叫彩 ...

麻煩你自己上去九巴網頁查下聯營過海線九巴班次列表，
111 一個時段長得一粒鐘，但一單行車時間唔計休息都唔止呢個數，
搞到要用好特別而無效率既方法維持班次。
如果再拉長，行車時間再加，到時會點？

又唔係好似 113 914 果D蝕錢線，111 時段根本就好難再改，
呢個前提下，拉去邊都唔得

當然彩雲總站空間少係一個問題，但聯營係最大問題

彩雲去唔到東區醫院，上面都講左有人嘈，
但始終去港島東需求一定少過去北角銅鑼灣，換 671 上去
基於佢地真係爭取銅鑼灣車的前提下，係有唔少機會過到

而且，如果唔係因為總站空間少，兼且鑽石山新蒲崗要東隧線的前提下，
直頭 606 671 並存彩雲都得啦，甚至當日 176 都唔會拉倒

不過如果有朝一日真係提出 671 606 對調總站，而鑽石山新蒲崗反對，
佢地就會變左阻住彩雲滿足願望的千古罪人喇

10598C 發表於 2018-5-30 22:06
I mean 本身小巴上繁有特快班，如果許可嘅可以考慮下繁都做特快班去彩雲

多口插句，東隧紅小下繁 1 個蓋處理 3 個大客倉，
當下繁連淘大、三彩門口都唔想做果陣，小巴公司對於彩雲浪費油錢既生客無咩興趣。
嗱嗱聲去到宜安街做直通車仲實際。

dennis28a 發表於 2018-5-31 00:08
多口插句，東隧紅小下繁 1 個蓋處理 3 個大客倉，
當下繁連淘大、三彩門口都唔想做果陣，小巴公司對於彩 ...

我講緊彩雲去九龍灣嗰架綠van喎...你想表達咩？

拿，啟德仲未有全日灣仔中環線，發揮下想象力點樣夾啟德做啦，例如彩雲經啟德上觀繞去舊灣警...

不體多數冇咁過穩彩雲直落啟德，可能要經埋新蒲崗，因為彩雲的確比唔到巴士公司信心去做...

搞111？相信寧願沙中通車等佢大減班都唔會有人想理佢...