城巴608開辦消息

bustop 發表於 2018-8-1 14:02
只可以講，今次城巴嘅進取（早繁單向變全日雙向），間接導致「地圖派」瀨一鑊杰嘢。

綜合樓上嘅資訊，回程 ...

兜到新柳街我支持,可以食埋土瓜灣客

znc1911e 發表於 2018-8-1 14:10
城巴唔好堅持派12.8咪得
條綫橫睇掂睇12米唔會唔夠載

上面講咗最主要係因為要同20跳飛機
20派12米其實唔係咁容易，雖然20唔算太多人，問題係都唔算太過少。咁做嘅話日後有機會好多手尾要搞

其實依D道路問題經常出現，要解決嘅話唔算係太過困難，大不了咪真係好似上面咁講開住兩班車先，甚至將總站臨時放住喺馬頭圍道東行一樣可以。
其實呢啲問題好快解決，2018年內肯定可以搞掂到
所以其實唔需要太過過份緊張

99MAN 發表於 2018-8-1 14:31
兜到新柳街我支持,可以食埋土瓜灣客

一、如果去程行新柳街，回程繼續行返木廠街，咁班客點算？
如果去返木廠街附近嘅，究竟喺九龍城碼頭附近落車行返去，定係坐到返去盛德街再行返轉頭？
二、如果本身係新柳街附近嘅人，咁佢上車係咪行出去木廠街上？
三、咁如果兩個方向都要入去先至入啟德，用多幾多部車先維持到班次？
先唔講馬頭圍道同埋土瓜灣道都係一個好嚴重嘅塞車黑點，淨係計佢由總站轉出嚟，要停到入去街市嗰邊再轉返入去土瓜灣道，先再直行入去嗰段路，至少用多15分鐘，即係如果唔計塞車一，來一回至少全程要加多兩部車先至可以維持到依個班次，仲未計繁忙時間塞車，然後非繁又有一堆專做大陸團的旅遊巴泊曬喺路邊......

然後洗反對呢個行為令我覺醒咗依家已經係暑假，大家慢慢啦 Ow<

Charon1999 發表於 2018-8-1 14:26
講真嗰句，信一啲冇根據嘅嘢，然後比人話，係的確自己問題。

正如當年啲師奶相信食鹽就可以抵抗輻射而引 ...

我最不滿係我就算點樣講及認錯，但仍有人都不斷狂追猛打。為條爛鬼巴士線點樣行法，喺度搞公審大會，我真係睬你地都有味。

Charon1999 發表於 2018-8-1 14:32
上面講咗最主要係因為要同20跳飛機
20派12米其實唔係咁容易，雖然20唔算太多人，問題係都唔算太過少。咁 ...

一早將608跟其他線咁行太子道東咪無事，唔使而家搞到複複雜雜。

(以上純粹個人意見，唔係發放假消息)

ricky 發表於 2018-8-1 14:54
一早將608跟其他線咁行太子道東咪無事，唔使而家搞到複複雜雜。

(以上純粹個人意見，唔係發放假消息) ...

死不悔改。
冇眼睇，大家繼續

Charon1999 發表於 2018-8-1 14:32
上面講咗最主要係因為要同20跳飛機
20派12米其實唔係咁容易，雖然20唔算太多人，問題係都唔算太過少。咁 ...

或者如之前所講，容許專營巴士在馬頭角道近馬頭涌道燈位直駛過去
這樣連燈號也不用改，608就可以沿馬頭角道直駛去盛德街總站，
而不需兜譚公道、馬坑涌道。

Charon1999 發表於 2018-8-1 14:57
死不悔改。
冇眼睇，大家繼續

呢個係我的意見，唔係消息。
你咁都話我，證明你一直針對人，唔係事。

eric278 發表於 2018-8-1 15:02
或者如之前所講，容許專營巴士在馬頭角道近馬頭涌道燈位直駛過去
這樣連燈號也不用改，608就可以沿馬頭角 ...

咪話左馬頭角道右轉同時嗰邊係綠燈囉，唔改枝燈係咪想撞死啲途人？