建議91試行將軍澳隧道（用咗以前嘅貼文）（初步完成）

louisL 發表於 2020-3-23 11:11
但原91S係朝早嘅繁忙時間開出⋯⋯
你話星期一至五下午由科大開，有考慮空間
...

S線係特別線，咩時間開都得架。其實91S原本應該叫91P，不過比條科大線搶咗個位啫。

louisL 發表於 2020-3-22 18:51
我更新咗篇文，遲啲我會找A35嘅內容再寫多篇

收皮啦你!!!!!

louisL 發表於 2020-3-23 13:05
又得罪了你甚麽⋯⋯

請為人設想, 收手啦!

星期日1715-1945開出班次一律繞經上述七站。以91R名義行走。為免令到市民以為91S脫班，建議每1小時有一班車途經煜明苑至將軍澳站。其餘車站就由建議中嘅98彌補

第一，91S直接叉隻腳落科大<>調景嶺地頭，新巴應該無可能唔反對。
第二，1715-1945全部班次變特慢班次，清水灣/科大客全部番番去搭11,11B,11M,104,91M，
坑口番觀塘嘅搭番102,102B,103,地鐵，將軍澳嘅一係地鐵,一係搭密d嘅296A，
變相科大至唐明街幾乎白行，一個時段特慢服務足以令整條線「隧道直出」個朵臭晒。
第三，請問打算用98點樣彌補？

司機可以根據乘客需求是否繞經調景嶺，係嘅話停煜明苑，寶盈花園，將軍澳站，唐明街花園，翠嶺路，調景嶺站，彩明總站。

講真，一係就經，一係就唔經。如果清水灣d客上咗車先發現突然變特慢，相信以後都唔會再坐。
同樣地，調景嶺如果有客咁誠心(2個站觀塘綫直出都唔坐)等91S但發現班班唔經，一樣唔會有下次。
所以如果有意做快車，講明唔經就得。

louisL 發表於 2020-3-23 18:23
98可以兜埋調景嶺。另外禮拜日晏晝五點到七點嘅班次係原本91R嘅班次。另外其實我唔係諗佢做特快。但至於可 ...

98可以兜埋調景嶺

我個人認為98兜調景嶺係絕對唔可行，可以參考番隔黎板某po我喺210樓個分析，
98總站去循環點本身大概9.5km，兜完調景嶺13.6km，兜多近一半嘅里數，幾趕客吓。
即係唔係話98唔准兜、一定要直出，而係咁短途都兜超過1.5km其實已經會趕客，何況4.1km。

如果調景嶺想有巴士出觀塘，係拉都拉296A先。如果想98客源廣少少，應該繞經坑口半圈(~+1km)或將軍澳南寶康路(~+1km)而非調景嶺(~+4km)。

louisL 發表於 2020-3-23 19:28
我已經將個路線改咗，同91一樣，原本嘅91R為非特快班次，原本嘅91S版本為特快班次，全部一律20分鐘一班
...

老實講，欣賞你個po嘅建議夠創新，但普通乘客而言，同一個編號，一班正常，一班特慢，一班正常，一班特慢，etc，乘客係會好難適應嘅......

加上清水灣正常班次只係維持20分鐘一班，但用車多一倍，同埋清水灣道沿線失去一架全日車，難以實行.......

如有意做調景嶺<>觀塘，可先考慮延長296A；如有意做坑口<>觀塘，可考慮98改道，或從98AC分拆；
如有意做清水灣<>觀塘道轉乘，可考慮91S延長至觀塘，增加轉乘優惠，並增加班次至繁忙時段服務。