將軍澳隧道轉車站落成後有咩線係一定唔會停？

Charon1999 發表於 2018-6-14 10:34
觀塘繞道唔會塞車呢個係笑話嚟㗎？
呢個笑話又真係幾好笑喎

串人之前，先搞清楚事實
觀繞西行塞車係塞落九龍灣，東行塞車係塞落觀塘，798唔受影響
如果你話大隧要排隊，88一樣要排
而無論觀繞點塞，都唔會塞過新清落山

Charon1999 發表於 2018-6-14 16:14
其實某個藍田居民唔好幻想太多嘢啦好唔好呀？
798本身已經好Full，而拆798A同798B亦係根本冇可能，因為A唔 ...

跟798A/B現有路線咁拆，就當然少新客
但如果一條康翠開落山，停尚德調景嶺，將廣尾站走，另一條做返坑寶(康城)
未必唔夠客

本身798將南客量僅佔全線1/4，坑寶條線一定夠客，最多繁時10>12
而將南本身人口拍得住坑寶
客量潛力理應唔會差過將北，只係798唔夠快，班客繼續搭地鐵
如果將廣尾站直飛大隧，我好相信會有新客塞爆架車

至於上面幾個版友好熱衷既796C<>坑口尾站798B
望住個班次，不了

castanopsis 發表於 2018-6-15 08:06
你不妨打開本地圖度下距離
寶達邨唔少座數，落將隧轉車站，唔遠得過去搭88
但798一上車下個站就大隧，88 ...

就算新清唔塞寶達上車快極早繁都要25分鐘先落到彩虹站

castanopsis 發表於 2018-6-15 08:12
串人之前，先搞清楚事實
觀繞西行塞車係塞落九龍灣，東行塞車係塞落觀塘，798唔受影響
如果你話大隧要排隊 ...

Step0：首先我冇話過新清水灣道唔塞車

講返正題，如果好似私家車咁樣長期踩快線嘅話，的確係只係得將軍澳道入觀塘繞道同埋觀塘繞道上大老山隧道兩個位會出現擠塞嘅問題。但係如果你話行中線嘅話，其實去到觀塘碼頭開始已經會慢車。有幾次我坐796X嘅時候係要同慢線一齊塞車嘅，因為越來越多無良嘅司機鍾意喺中線臨近路口先插入去，咁所以嗰度其實係會有影響嘅。
咁過咗之後的確係會有一段仔嘅比較順路，但係未入到有蓋位嘅時候已經會慢車，因為轉落去采頤花園嗰邊不時都會塞返上嚟嘅。

我見嗰朝早798有司機係真係夠膽踩快線飛過曬嘅，咁問題係唔係所有司機都會咁做咁。如果你喺觀塘繞道上面咁樣行法，同埋你喺新清水灣道個出口塞...咁當然觀塘繞道個觀感會好啲，同埋唔係完全100%會塞嘅，有一兩日可能冇咁擠塞，相比起每日一定塞嘅新清水灣道應該好少許嘅
但坐88你行過天橋對面就有得坐，如果你落將軍澳隧道轉乘站我印像中都要行好一大段路仲要未必一定有位上，其實唔好預計會太吸引到人用嗰個轉車站。

非繁忙時間嘅話其實兩條路都甚少出現擠塞問題，假日嘅話彩虹站嗰邊係會塞問題係九龍灣嗰邊都一樣會塞返上橋面，其實都係打和。我諗住主要都係繁忙時間啦
而回程嘅話，真係要好睇東隧嗰日心情如何。試過有一次東隧多車，我哋（796X）未到麵粉廠已經開始塞車，仲未計要上將軍澳隧道嗰邊，結果嗰日比平時最最遲咗四個幾字先返到去，仲要個司機入到將軍澳之後已經係死追啲時間、兼且我落車嗰位已經係將市尾站....

最主要係因為觀塘繞道連接嗰幾個位都好神奇，例如有次將軍澳隧道出口有時，印像中嗰日觀塘道塞到去啟業邨。如果撞正東隧慢車，一樣可以塞返去麵粉廠。如果大老山隧道有壞車嗰日，直頭可以去到去麗港城。所以其實都係買大細，唔好講到觀塘繞道好似一定唔會塞車咁樣.......

castanopsis 發表於 2018-6-15 08:22
跟798A/B現有路線咁拆，就當然少新客
但如果一條康翠開落山，停尚德調景嶺，將廣尾站走，另一條做返坑寶( ...

如果跟而家咁拆簡直係垃圾
其實最理想嘅做法係一條寶琳坑口，另一條係康城再加整個將軍澳南。
問題係印象中坑口已經冇位，另外就係咁做嘅話康盛翠林嗰邊就繼續冇。但係如果放康盛花園行寶琳坑口咁出公路呢，我又唔肯定寶琳係咪一定會放行。

反而將軍澳南嗰條容易啲搞，一係跟796P、一係跟796E、一係跟290X。唯一麻煩就係驚環澳路個迴旋處封咗冇得掉頭，咁嘅話唯有直接放入去工業邨。

Charon1999 發表於 2018-6-15 09:01
Step0：首先我冇話過新清水灣道唔塞車

講返正題，如果好似私家車咁樣長期踩快線嘅話，的確係只係得將軍 ...

咁如果遇正 觀繞撞車、將軍澳道爆水管、觀塘大塞車塞到美孚 之類
當然觀繞都會塞

但正常就算兩繁觀繞如果唔落九龍灣/觀塘
頂盡係多車，好少會真係塞

同埋留意番一樣，好重要嘅嘢
點樣城門隧道可以成功到了係因為沙田出去荃灣要轉好幾次車，同埋本身整個新界東都多人要出去荃青葵甚至屯門嗰邊。所以本身可以做咗一個比較頻密嘅班次，而透過依樣嘢吸引人哋轉乘。

而屯門公路轉乘站係因為屯門地方大，如果要出市區好多時都要輕鐵去西鐵站再轉西鐵出去市區再轉車，淨係等車都已經耐過你喺巴士站等，仲未計美孚站九千里大長徵、南昌站海陸空作戰同埋紅磡站壓力測試，所以先至會有人坐車喺轉乘站到食空氣再轉車。

將軍澳隧道轉乘站點解我會覺得係冇可能做得到呢，首先將軍澳線嘅班次講緊係全日個位數字，個位數字唔係六、七分鐘嗰啲，而係兩、三分鐘嗰隻，係得一個日出康城十幾分鐘一班車兼且只係出到調景嶺。更加重要係本身將軍澳區內行將隧嘅巴士線，除咗296A最密都已經係98D，兼且而家大家投訴緊嘅係部分路線要行山路出去又或者兜勻全個將軍澳，問題行山路嘅路線冇辦法係將軍澳隧道轉車站到設站，而E22A相信唔會有人攞住件行李左轉右轉，798轉車站上唔上到車都成問題，如果拆開兩條線嘅話亦都冇誘因叫人哋上去轉車站到轉車（我唔好坐喺架車上面行多兩三分鐘？）。但係作為一個中途站，附近嘅樓宇例如寶達、秀茂坪、興田要行落去其實都唔係一件容易嘅事。

所以唔好對呢個轉乘站有太大嘅期望，好似上面咁講，開一兩條康城直出市區嘅路線，之後部分出市區嘅路線停一停比康城嘅人轉車，咁就已經足夠喇。極其量係拆多一條坑口做尾站出旺角嘅路線，搞掂98C嘅問題，順便博下有冇人坐條線出去將軍澳隧道轉乘站轉車以節省時間。其他嘅，做嚟都冇用。

Charon1999 發表於 2018-6-15 09:06
如果跟而家咁拆簡直係垃圾
其實最理想嘅做法係一條寶琳坑口，另一條係康城再加整個將軍澳南。
問題係印象 ...

點解我建議康翠兜將南
就係因為康翠兜將北，點行都死
先坑後寶上隧道走線好樣衰，先寶後坑上隧道，又得罪寶林客

講真
康翠>尚德>調景嶺>將廣 咁行，唔係真係咁慢
之前計過，康翠上車，正常情況下45分鐘已經可以喺沙市落車
其實唔差

如果康翠group將南，另外條線亦相對容易處理
最簡單就直接拉入工業區做埋康城
而如果新巴搵辦法爆到條工業邨康城密車直出線出來，亦可以考慮將北沙田線坑口止步，推曬康城工業區客上將隧轉車算
反正拆完線之後，將隧有10分鐘一班車入沙田，康城可以密轉密既話，唔算差
而將北沙田線擺坑口北，一來用少三架車，二來坑口站位會有改善

castanopsis 發表於 2018-6-15 09:13
咁如果遇正 觀繞撞車、將軍澳道爆水管、觀塘大塞車塞到美孚 之類
當然觀繞都會塞

因為我慣咗行到半路要急煞、時快時慢我已經叫做塞，如果唔郁嗰啲我叫做塞死 (；´∀｀)
如果跟電台嘅講法應該係屬於慢車嘅
同埋最重要都係唔好覺得觀塘繞道好似完全唔塞車咁樣子其實近呢一兩年越嚟越多私家車同埋越嚟越多人，擠塞嘅頻率係高過以前好多。只不過係唔似吐露港公路又或者屯門公路咁樣，真係全條都血紅色，但係其實細心睇嘅話橙同紅係幾經常出現㗎

castanopsis 發表於 2018-6-15 09:22
點解我建議康翠兜將南
就係因為康翠兜將北，點行都死
先坑後寶上隧道走線好樣衰，先寶後坑上隧道，又得罪 ...

我當時都有提出過依樣嘢，但係唔知點解好似大家都好反感，所以我就冇再用過呢個分法
睇上去好似有啲奇怪咁，但係康翠其實一出直行已經落到將軍澳南，行個圈已經係直上將隧，對康翠嚟講係將軍澳南兜一個圈可能仲順過喺寶琳坑口到兜圈。而對寶琳坑口嚟講，食埋康城對佢哋影響又唔係話太大，其實呢個分法係完整好多