點解當年機鐵唔設計到以160 km/h甚至更快行走？

青馬大橋能承受160km/h時速列車的震動嗎？

不了解土木工程，若HZM橋加鐵路，減少主橋跨度即可。當年未能掌握未來之國家鐵路規劃，豈敢斷然建造一條兩頭斷的跨海鐵路。
奇想，若HZM橋加鐵路，按照160km/h標準修建，西接廣珠城軌，東接西九龍高鐵站，配備CRH1E/ CRH6A 運行，配合大灣區發展，效益媲美廣深港，配合一地兩檢，總比即將跑70km/h的 shuttle bus 更好。

機鐵當年左CUT 右CUT 青馬大橋原先三層、四線鐵路 又話浪費

所謂空鐵貨運，如果同客運 share track姐係只可以做輕嘅貨，例如信件，食物。亦即係話需要喺鐵路沿線興建上述貨物嘅處理分流中心，大大限制左發展嘅空間(基本上得西九填海區一帶有位)，還掂之後都要轉貨車，我機場上車/揀個靚啲嘅位set 物流中心唔好？另外，其實比多啲錢買架得一兩段可能可以踩盡嘅車，慳到幾多毫秒？ AEL TCL繼續共用軌，而 AEL 優先嘅情況下，加速會進一步限制 AEL車之間 TCL嘅間距 (人地仲要由站慢慢加速追上你)，跟唔上間距嘅話你 AEL同樣要減速。

實際上快幾多？

班次會唔會受影響？(青馬大橋理論上限係27tph、西隧係36tph)

資金成本、營運成本會增加幾多？

深圳比亚迪 發表於 2018-6-19 23:55
我認為機鐵最錯係批俾地鐵公司，如果批俾九鐵，會考慮到貨運角色，而且有機會有城際列車直達機場 ...

有無城際、貨運，主導權喺政府，唔係鐵路公司。查返資料，政府喺1994年嘅《鐵路發展策略》，已經決定西鐵城際、近郊、貨運三合一，唔同機鐵直通，之後直接搵九鐵做(P.43 - 44)。即係話，西鐵(本來)有城際、貨運係因，西鐵交畀九鐵係果。

唔好忘記，九廣英段電氣化係由政府負責，之後交畀九鐵公司營運。換言之，到90年代初，九鐵只係籌建過輕鐵，仲要同禮頓一齊搞到一鑊粥。有個講法，政府因為認為九鐵缺乏籌建大型鐵路項目嘅經驗，所以搵地鐵而唔搵九鐵做機鐵。

284 發表於 2018-6-20 19:12
青馬大橋能承受160km/h時速列車的震動嗎？

設計階段講明嘅話，技術上無話做唔到，問題係要用多幾多錢。

053h4 發表於 2018-6-21 10:27
係外海"減低跨度" 成本貴幾倍....
而家主體工程用不銹鋼箱樑，用鐵路就是定要用石屎樑，後者重好多
而且亦 ...

因為......

ArnoldC 發表於 2018-6-22 05:47
實際上快幾多？班次會唔會受影響？(青馬大橋理論上限係27tph、西隧係36tph)資金成本、營運成本會增加幾多？ ...

但係兩鐵未合併之前，交俾九鐵做的效益一定無地鐵咁好，始終網絡唔夠完善，西鐵如果唔係無輕鐵做backup,一定係地鐵做，不過都係可惜，因為地鐵可以直達中環同彌敦道沿線，而家度度都要行獲金