元朗站嚴重沉降 港鐵瞞五年超常行車？

paul2357paul 發表於 2018-6-23 19:16
樂觀D諗，就算九城唔夠資源落重本加屯元天對外巴士線班，
相信港鐵亦唔夠膽唔落重本密密開屯元天特快來往 ...

重建西鐵與其原址重建要停駛唔知使唔使十年
咁不如直接分拆西鐵
錦上路後潛入地底喺元朗站附近地底及元朗廣場附近大馬路地底設站
其後伸延去天水圍銀站嘉湖或天榮站附近

洪水橋屯門方面直接起屯九綫出九龍

元朗至屯門嗰段留返俾北環綫
就算要重建都唔影響元天屯出九龍嘅鐵路服務

ryandroid 發表於 2018-6-24 15:41
重建西鐵與其原址重建要停駛唔知使唔使十年
咁不如直接分拆西鐵
錦上路後潛入地底喺元朗站附近地底及元朗 ...

我唔認為現今香港技術可以克服係溶洞起地下鐵，你唔發覺元朗區咁大搵條行人隧道都難？
加上新界西北又係水浸地區，要起當年起西鐵一早起左落地底。

20160424 發表於 2018-6-24 16:09
我唔認為現今香港技術可以克服係溶洞起地下鐵，你唔發覺元朗區咁大搵條行人隧道都難？
加上新界西北又係 ...

溶洞有分深淺層
起跨度大嘅橋同高樓遇溶洞先要打深摏至溶洞底
地底車站只要個溶洞喺三十米以下就更加不用打深摏

水浸根本唔影響起車站
上環以前都係水浸黑點咪都一早有上環站啦

ryandroid 發表於 2018-6-24 17:49
溶洞有分深淺層
起跨度大嘅橋同高樓遇溶洞先要打深摏至溶洞底
地底車站只要個溶洞喺三十米以下就更加不用 ...

你覺得姐，都係果句，元朗個地質係咁簡單，當年起西鐵就全部落地底，地都唔使收，仲乜攞苦黎辛，朗屏站打支樁深到破埋世界紀錄

20160424 發表於 2018-6-24 18:36
你覺得姐，都係果句，元朗個地質係咁簡單，當年起西鐵就全部落地底，地都唔使收，仲乜攞苦黎辛，朗屏站打 ...

會唔會你將元朗地質諗得太簡單？

http://orientaldaily.on.cc/cnt/news/20180114/mobile/odn-20180114-0114_00176_060.html

//朗晴邨所在地的地下複雜岩土情況，是建築師們的最大難題。陸光偉指元朗地底出名多溶洞，部分更深不見底，故特意把公屋大廈設計成高低座，分別為樓高十九層的日朗樓，及三十層的青朗樓，兩者由平台連接，讓重量較輕的日朗樓坐落於溶洞較深的地質層位置，打樁時配合使用「摩擦樁」，「靠摩擦力令座樓坐落於地質上面」，解決溶洞問題。他指，由於元朗分區計劃大綱圖規定元朗樓宇高度不得多於一百米，已用盡地積比及高度限制，提供共四百三十八個單位。//

西鐵之前唔起朗屏站嘅話
邊度有物業上蓋補貼？
起朗屏站就要架空㗎啦
唔通喺正條渠下面起車站？

今時唔同往日以前唔咁起唔代表冇得起
唔通屯門、馬鞍山同城門河東岸起架空路軌又代表地底唔可以起嘢？
你會唔會思想簡單咗啲？

ryandroid 發表於 2018-6-24 18:50
會唔會你將元朗地質諗得太簡單？

http://orientaldaily.on.cc/cnt/news/20180114/mobile/odn-20180114-0 ...

元朗地底出名多溶洞，部分更深不見底

淨係呢句已經唔駛諗起地鐵站，就算起一樣要打樁，仲要潛入地底打樁
仲有元朗市中心同屯門市中心地底根本無咁大空間去整車站

20160424 發表於 2018-6-24 19:50
元朗地底出名多溶洞，部分更深不見底

淨係呢句已經唔駛諗起地鐵站，就算起一樣要打樁，仲要潛入地底打樁 ...

你睇清楚個工程師講乜先啦
佢係講有啲溶洞位於地底較深位置，所以唔使打摏插到洞底囉
你閱讀理解有冇咁差？

元朗大馬路地底起車站上面唔起樓嘅話
啲摏柱夠密就唔使打深摏
啲摏都唔會打穿溶洞又何來要解決溶洞問題呢？
啲溶洞真係咁多都「深不見底」嘅話
元朗咁多幢高樓幢幢都打超深摏？
乜七八十年代啲發展商咁有錢
全部樓都打摏插哂落啲「深不見底」嘅溶洞？

ryandroid 發表於 2018-6-24 22:41
你睇清楚個工程師講乜先啦
佢係講有啲溶洞位於地底較深位置，所以唔使打摏插到洞底囉
你閱讀理解有冇咁差 ...

你去大馬路走一轉睇睇先，我真係唔知元朗市中心內有幾多"高樓大廈"喎，好多舊樓都係唔過十層，過二十層既十隻手指數得晒！
仲有而家講起地鐵係地下橫向發展遇上大型溶洞機會大增，走線無可能蛇型咁左閃右避，再唔係灌漿填晒佢，但工程難度造價大增，同起樓插針式情況根本唔同！

20160424 發表於 2018-6-24 22:58
你去大馬路走一轉睇睇先，我真係唔知元朗市中心內有幾多"高樓大廈"喎，好多舊樓都係唔過十層，過二十層既 ...

啲樓唔過十層就唔使打摏？
啲溶洞唔係掘十幾米就有㗎囉
大馬路啲樓都唔使打深摏嘅話
唔見得大馬路起車站就會撞正溶洞要打深摏囉

依家如果朗屏站元朗站因結構問題重建嘅話
就不用重新打過深摏嗎？

依家根本無必要否定大馬路起地底車站嘅可能性囉