*FLIGHT REPORT* CX406 22/5 HKG-TPE

背景：
小弟係今年五月去咗台北四日三夜。因為國泰早排有賣大專生平飛，所以就揀咗國泰飛去台北。並且希望透過呢篇飛行報告分享旅程中嘅經歷。


航班編號:CX406
飛行日期: 22-5-2018
座位:53D
飛行時間:1hr40mins
起飛時間:12:20
降落時間:14:00

去機場辦理登機手續時,發現國泰近來係辦理登機櫃枱設立呢個裝置。呢個顯示屏會指示旅客前往合適嘅登記櫃位辦理登機手續。旅客就唔使搵到底應該去邊一個櫃位。我覺得係一個非常方便嘅裝置。


My plane


座位：


今日呢班機係777-300。我座嘅位置係53D。經濟艙係獨立靠背座椅。呢種位真係「好睇唔好坐」就算你調較到最斜你都唔覺得舒服。終於明白點解呢種經濟位用唔夠五年就換走。



飛機餐評論
眾所皆知，國泰開始係台北線重新推出熱餐。所以我都想講下今次個飛機餐。今日個餐係焗豬扒飯。焗飯嘅飯粒分明，可惜口感偏軟。醬汁味道適中，唯比較油膩，豬扒佔了飯盒嘅三份二面積，厚度大約係快餐店啲豬扒嘅一半。飯亦配有不少紅蘿蔔，蘑菇，平衡了醬油的肥膩。


娛樂系統：
入面無論係今年出嘅電影／專輯，定係一啲經典之作，你都可以係系統度搵到。我覺得就算係飛長途航班都應付到大部分旅客嘅需求，何況只係大約個半鐘頭嘅台港線。可惜嘅係，入面竟然一隻周杰倫嘅專輯！我係有啲失望嘅。

總結：
整體而言，我好滿意呢次旅程。因為個飛機餐水準真係拍得住係餐廳食。加上空中服務員又超級有禮。我相信國泰依然係值得選擇嘅航空公司。

後記：
原本我仲唸住寫埋回程個班機，不過因為我返香港個日病到死下死下所以都記錄唔到啲乜。
如有任何不足之處，請多多指教。

最憎坐呢隻fixed back椅，想當年坐呢隻椅飛去美國，坐完個背痛咗成個禮拜！