[新聞] 港人無禮貌 學者：因為壓力大

蘋果日報  2006年6月21日報道
港人無禮貌 　 學者：因為壓力大
10次測試跌物8次無人援手

明報  2006年6月21日報道
紐約人最有禮 港排名25偏低
「拉門」僅為友 陌生者即「攝位」

太陽報  2006年6月21日報道
助人時顧慮太多 享服務慣性囂張  禮貌指數港排尾11

唉！唔通依家d香港人d質素咁差咁冇禮貌？

小弟都遇過好多被人不禮貌之經歷，例如行街時被人迎面碰撞，對方太多數冇講「對唔住」、「唔好意思」，反要「啤」番你轉頭，但我都有講番「唔好意思」。呢類型ge碰撞有d係無意，有d係刻意，不知呢d人的有乜心態。

我做九鐵期間亦遇過享服務慣性囂張的人，o係我的某一日當值期間，有一人因要使用闊閘機，但最當時部機只有單向入閘設定，佢地要出閘，就用唔到部機，於是走埋黎鬧我，話我唔開緊急推閘(EEG)比佢地，於是就放到把聲盡晒鬧我，再叫其他同事同職員出黎鬧埋佢地，但佢地當時係冇帶大型或笨重行李，又非傷健人仕，根本冇需要用EEG，加上佢又冇要求過我地開比佢EEG，呢d人真係好過份。

仲有試過在月台部車關門時，有一人夾硬拉開對門企圖上車，但我見到立即勸阻佢唔好咁做，因為危險，最後佢上唔到車，行番入月台又係放到把聲盡晒去鬧話我搞到佢搭唔到車，要投訢我，我咪話「歡迎你比意見」。咁都得。

搭車又遇過車上乘客未落車，月台d人就上車，有時爭d搞到自己爭地落唔到車，有時都搞到自己發火，係東鐵紅磡、旺角、九龍塘站北行月台最常見。

歡迎各板友加入討論。

原帖由 poly43092 於 2006-6-21 21:11 發表
搭車又遇過車上乘客未落車，月台d人就上車，有時爭d搞到自己爭地落唔到車，有時都搞到自己發火，係東鐵紅磡、旺角、九龍塘站北行月台最常見。

D人完全唔理車上乘客,架車一埋站就企到貼一貼
一D空位都唔留,一開門就打仗咁~

寧願打晒交都唔肯俾人落車先,都唔知乜心態

原帖由 053h4 於 2006-6-21 22:27 發表
講真, 在香港, 有唔少人利用人的同情心犯事
又有唔少人因壓力大發人脾氣....

所以, 本人雖不認為這是沒有禮貌的借口
但卻是一個重要的原因...

以個人經驗, 回歸前香港人比較禮讓

現在香港有很多非"純正本土"的"香港"人亦是原因之一
除了無禮貌之外, 更加無的係公德心

原帖由 053h4 於 2006-6-21 22:27 發表
講真, 在香港, 有唔少人利用人的同情心犯事
又有唔少人因壓力大發人脾氣....

所以, 本人雖不認為這是沒有禮貌的借口
但卻是一個重要的原因...

以個人經驗, 回歸前香港人比較禮讓

呢d野就係d人成日宣揚顧客之道，搞到d所有零售及服務性行業要視顧客至上、客人永遠是對的，寵壞晒d人，搞到佢地會以「顧客惡晒、大晒」的心態去大肆鬧人都唔使驚，走去狂鬧d職員，最要命就係d人好鍾意揀最繁忙的時間同地點作目標，放大聲量去鬧，目的令更多的顧客/乘客去注意果位職員，自己就威風，真係可以去到好盡ga。

仲有，依家d人又好「崎」ga，你有時行行下街，無la la面對面會有人「眼掘掘」掘你。一係有時你有一兩聲咳，企或坐係隔離果個又可以「眼掘掘」掘你。有時搭車卡過卡，d人企或坐響卡與卡之間的位置(我指東鐵MLR，好窄ga ma)，已經唔o岩la阻塞通道，你叫借一借，佢有眼會「借左聾耳陳隻耳」叫幾次都扮聽唔到，有時聽到，到你行時佢下會「眼掘掘」掘你。

不過呢幾年香港人真係質素差左好多，無禮貌、驚執輸、怕蝕底、自私，沙士之後仲犀利d，我仲發覺有d著得越光鮮，越時髦ge人，禮儀越差，態度越串，反而一些你覺得佢打扮唔起眼ge人，呢d反而更有禮貌。好多人話無禮貌的人大多係教育程度低的人，呢點我唔認同，反而我覺得一些高學歷的人反而仲禮儀越差，態度越串，粗口爛蝕，正宗「讀壞書」。至於真正有錢人未必有架子，經濟唔好的人有人情味，反而一d小康之家，即「中產」人仕，有些少錢的人最有架子，巴巴閉閉，使人唔使本，用錢撻人，呢ｄ我至憎。

原帖由 poly43092 於 2006-6-21 23:54 發表

呢d野就係d人成日宣揚顧客之道，搞到d所有零售及服務性行業要視顧客至上、客人永遠是對的，寵壞晒d人，搞到佢地會以「顧客惡晒、大晒」的心態去大肆鬧人都唔使驚，走去狂鬧d職員，最要命就係d人好鍾意揀最繁忙 ...

所以學者先至話香港人有壓力導致冇禮貌.
舉個例, 阿甲返工時俾阿乙鬧,
受左氣之後, 放工行街買野食飯,
有少少唔滿意就搵另一個阿丙發洩,
然後輪到阿丙放工,
就搵阿丁黎鬧, 一個傳一個,
不斷將自己的情緒轉移至其他人.
最終攪到全部人都唔開心.

助人時顧慮太多 享服務慣性囂張  禮貌指數港排尾11

香港人的助人之心的確比較差，但我漸漸發覺，好多人都怕好心做壞事，又有不少人以他人的善心來犯案。
要在社會中找到一個很有助人之心的人，難了。

但唔拉門係咪代表無禮貌?

我覺得不代表無禮貌，除非對方真的有需要。
若果向人要求幫忙一會，我相信會較容易。
我覺得香港人在助人上，是比較被動的。

另外報導中指出有人攝門，我覺得，攝到門只代表該人可能懶，但不代表無禮貌吧！

原帖由 fungch 於 2006-6-22 00:44 發表
但唔拉門係咪代表無禮貌?

如果後面個人隔兩三步, 咁順手拉門我覺得係禮貌既一種。

但如果隔多過三四步, 你走去拉門就好似酒店大堂個侍應咁...
同埋有時明明見住你幫佢拉門, 有人仲特登慢慢行, 好似老馮
要幫佢咁, 咁樣就更加難堪。

香港人有咁大壓力，做樣樣野都話要快，
個個都好似唔夠時間用咁，見到人地d野跌晒落地
就可能會咁諗：自己已經好忙la，仲要嘥時間幫人地？！

其實d人多數都係顧自己唔理人地點，
工作壓力大，無計，無非都係為左搵錢，
寧願多d工作搵多d錢都唔要嘥時間幫人地手
對生活節奏緊張o既香港人黎講，幾秒鐘都係寶貴o既時間

純粹個人意見