新巴82X及88X客量一問

brianso198 發表於 2018-7-8 13:56
講海防博物館真係得啖笑。

海防博物館個站其實同前面樹木組個站差不多性質，叫做路過順手放個站係到姐

brianso198 發表於 2018-7-8 20:23
今朝用google map計過,
同現有82X走線相比用呢三個方法時間係唔會差好遠,

如果開下繁鰂魚涌特車，當然係華蘭路直上東廊，唔入太古城圈，我嘅主要target係鰂魚涌

早繁82X好主要靠七姊妹同鰂魚涌客，一樣好多客；下繁做返同一班客，客量點都唔會差吧？


同埋希望請教一下你，你身為東區居民，理應對82X運作情況略知一二。可唔可以解答一下我喺 #1 對82X（甚至係88X，如果你知道嘅話）嘅一啲問題，例如條線早繁客量情況？無限感激！

michlui0718 發表於 2018-7-8 21:09
題外話，其實點解一直都冇巴士路線行愛信道？
如果可以跨區特快線跟694落東廊後直行愛信道直去筲箕灣，係沿 ...

118P下繁這樣改的話速度會比正線慢吧

太古城同上中康既人真係抵死  有個咁靚既高速公路出入口都唔多加利用
太古根本好多地方都唔近地鐵站
人地細細d既村都養得起一兩條繁時線

tzuyu.taiwan 發表於 2018-7-8 22:24
如果開下繁鰂魚涌特車，當然係華蘭路直上東廊，唔入太古城圈，我嘅主要target係鰂魚涌

早繁82X好主要靠七 ...

當行車時間無大幅度減少同時居民提出異議的話，
我唔明點解要開特車行華蘭路。

michlui0718 發表於 2018-7-8 21:09
題外話，其實點解一直都冇巴士路線行愛信道？
如果可以跨區特快線跟694落東廊後直行愛信道直去筲箕灣，係沿 ...

其實西灣河一落東廊未右轉落太安街設站無話唔得，不過唔知會唔會有咩問題。
如果我做嘅話我反而會諗果度設站，然後直行愛信道，跟住再喺電車廠對面啲住宅求其搵位設站，再埋愛賢街。

不過，
果邊住宅唔多，(愛信道至愛賢街果段)
同埋果邊堆燈行返成安街丶西灣河街堆住宅都係煩。
行返出筲箕灣道跟102入愛賢街做得返多啲客，但咁做實反枱。（如果用118P做例子)

qunow 發表於 2018-7-8 22:25
118P下繁這樣改的話速度會比正線慢吧

可能會慢少少，但係正線自從飛走北角後都唔慢得去邊，118P最大吸引點似乎剩低杏花邨
反正我見好多柴小客都係正線車／P車邊部黎先就上，係杏花邨客先要特登等P車
而且改左P線杏花邨後唔經柴灣直入小西灣，至少對小西灣客黎講唔慢太多
但係前提當然係要再加車落去而唔會削本線，唔係就本末倒置實比人插死

michlui0718 發表於 2018-7-8 11:35
根本82X東行行法依家行都唔見得有幾慢
沿途除左太安樓燈位要等等外基本冇咩塞車位
條線係方便柴小居民去埋 ...

我明你講咩嘅

部份版友話82X東行全日改行太古城直上東廊（be it 華蘭路／太古城道出入），先唔講快咗幾多，基本上居民會用各種理由ban硬（be it 噪音／塞車），所以唔見得做到

但係你講到宜家82X東行走線好似好正／快咁，恕我真係不敢苟同

首先你要明白，今日82X東行嘅走線，係太古城居民唔俾架車走入去下，巴士公司無奈搵一條最快上返東廊嘅路線（不過都要碌到去阿公岩）

雖則我對呢條線認識尚淺（所以一再呼籲，希望知情者解答我 #1啲問題 (≧ω≦)/），但起碼我知道，呢條線東行早被唔少人批評為「假特快」、「特快效果成疑」

你話條線西灣河、筲箕灣上快，ok，我甚至大致認同嘅，你話康怡上快嘅，都仲算ok，咁鰂魚涌，甚至係七姊妹、北角呢？唔好唔記得呢條線提出開辦嗰時，一個好主要嘅服務對象，係鰂魚涌班返工客

如果你講到東行好似仲幾快嘅，點解西行唔索性跟埋東行走線（喺北角調頭／取消循環運作，北角總站）？咁樣西行早繁仲會唔會咁好客？

面對現實，當然我都明，有啲嘢洗濕咗個頭，冇得返轉頭；好似愛秩序灣，明顯已成為82X獨市位。所以我只係希望當局可以喺下繁，以82X特別車／加班車形成，俾返東行真特快七姊妹同鰂魚涌乘客，開幾班車由華蘭路直上東廊返柴小

tzuyu.taiwan 發表於 2018-7-8 22:45
我明你講咩嘅

部份版友話82X東行全日改行太古城直上東廊（be it 華蘭路／太古城道出入），先唔講快咗幾 ...

快得三分鐘，但邊度搵車做呀？
就算下繁堆客上106、682，速度唔會慢太多。

michlui0718 發表於 2018-7-8 22:43
可能會慢少少，但係正線自從飛走北角後都唔慢得去邊，118P最大吸引點似乎剩低杏花邨
反正我見好多柴小客 ...

加車都加畀118吧。