運輸署就 89S 延長至威爾斯親王醫院諮詢議員

RyanPun 發表於 2018-7-12 20:14
聽講之前有人堅持開新線一定要烏站做尾站上公路，但問題係依家咁樣做唯一方法要逆走上繞道，真心除咗錦英 ...

點解烏站唔可以做尾站？烏站利安錦英居民一定要遊花園先可以出馬鞍山？恆耀已經有808，架808錦英落嚟去到新港城已經落咗大半車客，恆耀好少上唔到車，真係需要89S繼續跟808喺恆耀出？同埋照你咁講89S由黃泥頭去馬鞍山應該有客，但點解見親都仲係運櫈？

dtfaiwong 發表於 2018-7-13 16:37
點解烏站唔可以做尾站？烏站利安錦英居民一定要遊花園先可以出馬鞍山？恆耀已經有808，架808錦英落嚟去到 ...

現在唔知將來事，話唔定延長入威記之後逆走上繞道可以令89S做得起，但今天事實講緊係烏站做尾站上繞道嘅線都係客量麻麻，既然專貴嘅烏站人咁唔鐘意兜市中心同恆耀，大不了89S可以烏站利安錦英雅景咁走，果道大把特車，X89D/87S都係例子之一，客量仲要唔差。
我就未聽過甚至未試過等808一班就上到車，次次都要等兩三班先上到，仲要嚟到得一兩個位。

dtfaiwong 發表於 2018-7-13 16:37
點解烏站唔可以做尾站？烏站利安錦英居民一定要遊花園先可以出馬鞍山？恆耀已經有808，架808錦英落嚟去到 ...

我唔知你真心定假膠。

第一，你第一個問題我都可以倒轉問：烏站利安錦英居民一定要遊花園先入到烏站利安錦英？所以根本唔係一個成立既理由。

第二，89S而家過晒早繁先有出黃泥頭班次。咁有幾多人需要/受惠於呢個「特快」轉車既服務呢？反之，如果逆走，所有放學放工買完餸既客都可以利用回程特快返馬鞍山，一定有著數。

第三，而家廣黃一帶89S同808馬鞍山方向根本冇同站，所以你另一個論點都唔成立。

第四，住馬鞍山都知，由於燈號同站位問題，大部份馬鞍山路線由新港城至恆安一段，都係出九龍快過入馬鞍山。89S如果可以逆走，總行車時間可能比而家短都唔奇。

AV115 發表於 2018-7-13 17:33
我唔知你真心定假膠。

第一，你第一個問題我都可以倒轉問：烏站利安錦英居民一定要遊花園先入到烏站利安 ...

你講起第四點，引起我一直想知嘅事，成條恆康街reset過好多次交通燈，但又咩原因令到每次reset完之後，去迴旋處方向一定要順燈？

我都見過不下數十次reset完之後交通燈係完全唔順燈，但好快就變返正常，我一直都唔明。

tszhinchan3 發表於 2018-7-12 20:03
梗係黃泥頭果兩個大帝啦！當日個個都叫89s拉去威記，佢兩個大大聲反對！話咩黃泥頭獨市去馬鞍山已經夠客
...

南行頭站 / 北行尾站都唔得?

AV115 發表於 2018-7-13 17:33
我唔知你真心定假膠。

第一，你第一個問題我都可以倒轉問：烏站利安錦英居民一定要遊花園先入到烏站利安 ...

第一，大部分人離開屋企出街都希望快D到目的地，返屋企就算慢D都冇咩所謂，反而一程車同有位坐更重要。所以烏站做尾站對嗰一帶嘅居民嘅吸引力相對會大過做頭站。

第二，回程特快返馬鞍山？除非咁啱夾到架89S到，否則唔會有人轉，仲要4點後係30分鐘一班車，班師奶買完餸拎住D嘢仲同你轉車？反而出去仲可以睇ETA就時間。

第三，唔知你話冇同站同我嘅論點有咩關係

第四，就算89S順走耀安出，新港城至恆安嘅人多數都係會搭808因為快過同密過89S，錦英利安嘅人去黃泥頭就更加唔會坐，到時89S只可以執雞。依家逆走最少對錦英利安烏站嘅人嚟講係有機會快過808。

dtfaiwong 發表於 2018-7-13 23:51
第一，大部分人離開屋企出街都希望快D到目的地，返屋企就算慢D都冇咩所謂，反而一程車同有位坐更重要。所 ...

係既錦英/烏溪沙搭89S行車時間上係有優勢過808既
但係等車時間隨時已經輸返晒有多

根本計一計數就知而家咁做係冇著數
順時跑去程執雞+山上烏溪沙特快往廣黃
但回程丁屎客都冇份執
逆時回程執雞+廣黃特快往烏溪沙山上
另加可以去程有班客見車就上落去馬市

其實呢總有班客唔介意你慢少少
但起碼有車上先囉

89S應該做既係調返轉行，富安直落烏溪沙跟40X出返富安，咁起碼同一般搭車方向match返…

問過建制朋友，唔係佢地唔支持拉上水泉澳，係九巴覺得現階段未係時候