85K 繞經欣安邨

HY1012 發表於 2018-7-15 21:52
入完欣安 , 搞到富安無位坐咪又嗌加班囉. 呢啲議員真係好做

點會無位呀，85K俾810搶咗咁多客，大把位～～

miklcct 發表於 2018-7-15 22:32
好心就拆線啦，再一開二，85K就錦鞍苑後直出亞公角，另一條（可以叫84K）就保泰街調頭。

唔好唔記得85K開 ...

你搭過幾多次 85K .. ??
每次繁時搭 85K 返馬鞍山係就係企晒人 不過過咗海典灣半車人都冇啵 ..

仲有講以前有鬼用咩
以前馬鞍山邊到有咁多路兜 ?
以前又冇 810
86K 又比較疏 (有錯請指)

就算停一兩個站直出沙田都大把客啦

不過呢旣然拉架 85K 兜欣安 不如拉架 85K 富安特入去算啦

正綫再兜個觀感會好差 尤其近年 85K 好似越嚟越慢 .......

A41P再加站；不如分拆一條去耀安經欣安錦泰、富安巴總、亞公角出濱景加經瀝源禾輋；
一條烏溪沙、利安、錦英、馬市、頌安直出濱景；第一城出公路

繁忙時間要. 旺季真係試過富安留後.

miklcct 發表於 2018-7-15 22:32
好心就拆線啦，再一開二，85K就錦鞍苑後直出亞公角，另一條（可以叫84K）就保泰街調頭。

唔好唔記得85K開 ...

依家返恆安大部分時間已經開緊12-15分鐘一班，再拆即係每條線變20-25分鐘一班，應該開單層都夠載。

其實依家We Go Mall外面個巴士站，恆輝街(西沙路)；睇政府地圖或中原地圖，對面方向靠欣安一邊，應該都有預留一個停車灣，而Google map 實景該處現時係被石屎壆封咗，其實有無可能加站？

miklcct 發表於 2018-7-15 22:32
好心就拆線啦，再一開二，85K就錦鞍苑後直出亞公角，另一條（可以叫84K）就保泰街調頭。

唔好唔記得85K開 ...

咁講的話, 當時85K最密做過三分鐘一班添, 仲要繁忙時間班班爆, 但啱啱開發馬鞍山時得兩個屋苑, 而且得85k 一條巴士線, 但可唔可以話特快呢? 閣下講開新界西巴士線 但又唔知頭唔知路無端端踏界講新界東, 除咗刷存在感以外, 我真係唔知你想做咩囉

牡丹櫻 發表於 2018-7-15 23:28
其實依家We Go Mall外面個巴士站，恆輝街(西沙路)；睇政府地圖或中原地圖，對面方向靠欣安一邊，應該都有預 ...

呢個位應該俾隔音屏障阻住左，睇黎要拆開先至夠位起返出黎

印象中好似85K一兩年前先減完班，有無師兄有資料？

其實如果真係減過班宜家又話加返，咁其實點解當時要減呢，

欣安邨第二期話起仲未起，馬鞍山路居屋已經準備起(雖然馬鞍山路新居屋地盤會起巴士站)，估計85K等線既客量仲有上升的空間。

不過咁，欣安邨第一期入左伙7年，真係唔明運輸署點解而家先肯拉85K入去？欣安入伙頭兩年已經陸續拉43X、89C、81C/281X、681P、85S等線入去。

我覺得289K應該要入，最少大學站方向要，807A都清唔哂d客；富安方向唔入都得，we go mall後門行返欣安都唔算遠。(for恆安人，如果知道有289K清晨特車既，大學方向入埋欣安個好處係可以唔洗行再出耀安搭87K清晨特車)

286M入唔入都得，馬鐵通車都可能無左。(其實都係同89C鬥長命咋，話哂兩線有間接競爭的關係)

A41P既話，呢個就15/16。唔想佢入就因為已經兜勻整個馬鞍山，旅遊旺季未到富安都上唔到車；想佢入就想方便欣安居民。不過都希望龍運加班先，旅遊旺季和繁時開20分一班好過，其他時間30分一班算。

FBI2 發表於 2018-7-15 22:31
換12.8米啦,車都唔駛加

恆安巴總試左12.8米未？
如果試左既話，結果又如何呢？