22/6東方日報：《壹本便利》渲染兒童色情

報導來源：22/6東方日報

《壹本便利》渲染兒童色情

警調查是否鼓吹孌童意識

(都唔知係邊個響度主動製造新聞…)

頭條同星島都有報，反而明報、都市就無。

問心... 天下烏鴉一樣黑，邊個踩過界咪被人剷囉。
睇下幾時又輪到方向集團...


另外，真係有咩讀者就有咩雜誌。
我有同事聽到呢單新聞去買本野，仲成班人
幫個女仔評頭品足...

原帖由 238X 於 2006-6-22 20:39 發表
另外，真係有咩讀者就有咩雜誌。
我有同事聽到呢單新聞去買本野，仲成班人
幫個女仔評頭品足...  

正常呀, 14 歲小朋友咁既樣上封面
有唔少討論價值架

講真, 渲染兒童色情就唔多覺啦 ..

到明有人想造新聞而已,
若然讀者冇其它思想, 根本不會出問題,
只是港人心有歪念~

原帖由 ronaldlau 於 2006-6-22 21:24 發表
到明有人想造新聞而已,
若然讀者冇其它思想, 根本不會出問題,
只是港人心有歪念~

呢句真呀
你唔帶有色眼鏡睇個封面
呢張相其實影得幾靚

不過響家陣既社會
呢張相一出
仲要大大隻字寫到明人地只得十四歲
就梗係出事啦
你都知香港有幾多衛道之士架啦

原帖由 Ketsu 於 2006-6-22 21:39 發表


呢句真呀
你唔帶有色眼鏡睇個封面
呢張相其實影得幾靚

不過響家陣既社會
呢張相一出
仲要大大隻字寫到明人地只得十四歲
就梗係出事啦
你都知香港有幾多衛道之士架啦

日本呢d 14-15歲影泳衣寫真都係咁啦
當然唔可以同日本o既道德標準來套落香港度o既
如果只係登呢封相出來
我唔覺得有咩問題wo

我個人認為
有問題係o個d標題同內文je

有不少網民看不起《壹本便利》這一期渲染兒童色情，不但在網誌口誅筆伐：
emptyconcept.net．墮落傳媒還是墮落家庭？
小馬的匣盒．CREAM 不應該是咸的！
謝非閒記．這是什麼母親？

還提供了向影視及娛樂事務處的投訴方法，透過民眾施壓，
要求有關當局處分涉嫌賣弄「兒童色情」的雜誌。

原帖由 kokchun 於 2006-6-22 21:13 發表

講真, 渲染兒童色情就唔多覺啦 ..

原帖由 ronaldlau 於 2006-6-22 21:24 發表

到明有人想造新聞而已,
若然讀者冇其它思想, 根本不會出問題,
只是港人心有歪念~

原帖由 Ketsu 於 2006-6-22 21:39 發表

呢句真呀
你唔帶有色眼鏡睇個封面
呢張相其實影得幾靚

不過響家陣既社會
呢張相一出
仲要大大隻字寫到明人地只得十四歲
就梗係出事啦
你都知香港有幾多衛道之士架啦

睇完呢三篇，我至知道：
原來堅持一定既道德標準係錯既。今日我領教了。


今次明係一方借機攻擊另一方，而且目的齷齪，
呢點我完全同意。但《便利》夠膽登呢種相出黎
引人遐想亦唔見得無問題囉。如果因為果本野係
壹傳媒就可以過骨，咁我真係想知壹傳媒幾時有
呢種禮遇？反政府、反左仔、反大財團，維護普
羅市民人權，就可以為可欲為？

尤其是當呢 D 事通常係班左傾傳媒做開既時候，
壹傳媒更加唔應該整呢 D 痛腳被人捉。

ronaldlau，我可以同你講：你就算打死我，我都
唔會信《便利》咁登法係咩都無！再難聽 D 講，
正正就係因唔少為香港人「心有歪念」，《便利》
登呢 D 野出黎更加有問題。


我一開始都唔信個個都好似你地班人同埋我班同事
咁諗野。不過事實係：
明報同都市就算唔好似班左報咁喪鬧，都應該講一講，
等大家思考一下。但係講都唔講，當成件事無發生過，
咁都得？

問心，就算我個睇法係最錯，最離譜，我仍然認為：
有 D 防線唔可以隨便放棄。

回想四年前(2002年)，當時《壹本便利》的封面，簡置是不包膠袋的三級書刊：
當時封面女郎雖然三點不露，但多數以全裸示人。

當時看《東方》、《太陽》兩大報，罵《壹本便利》罵得最厲害，當中包括：
韓日世界盃時，有一期是竟要求街頭市民描劃男女外生殖器官的模樣，結果該期被評定為不雅類別；
當時公共圖書館將《壹本便利》列為「閉架雜誌」，限18歲或以上讀者參閱，其後更剔除訂閱雜誌類別。

參考： Google 網上論壇的新聞檔案
東方日報：兩期《壹本便利》裁定不雅 (2002-8-2)
東方日報：《壹本便利》刊淫褻文章罰二萬 (2002-11-21)

[ 本帖最後由 UCR683 於 2006-6-22 22:20 編輯 ]

其實依家個社會, 道德標準面對最大問題
就係"相對論", 唔係PHY 那一個, 而係 好多
人睇野成日都相對, 如, "人地都係咁啦,
大把人都咁啦, 睇你點睇jei"...

呢d 想法, 其實對好多問題, 都ok, 但從
道德標準去睇, 就好危險, 因為咁, 道德
標準只會一直越來越低....有時, 大家
係唔係要用返一個中國人的標準同有
一定的堅持呢...?

[ 本帖最後由 3ASV196 於 2006-6-22 23:41 編輯 ]