運輸署仲係唔識整合各公司ETA

運輸署今日出左個"香港出行易"新app, 雖然標榜有巴士ETA,
但原來查看單一巴士路線時根本睇唔到ETA,
就算點到點搜尋, 佢都只係彈條link出黎叫你開相關公司的app先至睇到ETA, 真係浪費時間,
始終都係做唔到一app睇晒唔同公司ETA,
唔知大家覺得點?

巴士公司視ETA為商業秘密同搵銀工具(賣apps廣告)，梗係唔會share出去。

今次續專營權焗巴士公司今年搞哂ETA 先，可能最快都要等下次續專營權嗰陣強制公開。。。

一個apps 睇唔曬有咩問題。你部手機廢到裝唔曬d apps定點？
一係你政府出錢比巴士公司Upgrade硬件囉。

個名好重支那味

其實香港得咁少operator, 統唔統一根本唔重要，最重要係要規答巴士公司要符合一定準繩度就真

哩啲咁程式向嘅嘢，你估真係講一句就出到咩？
運輸署隻App要改動，又要睇返佢會唔會要用自己Server定直接連去九巴城巴嘅Server，
仲要睇下連完個效果好唔好

我相信，最終都係會做到嘅，
不過真係要啲時間，等運輸署落去摸下底，又等果幾間公司嘅高層同運輸署打下交道.....

唔係唔識 係唔做

今日報紙有報道 琴日相關部門代表出席個app既記者會 佢話係巴士公司當正啲數據係寶貴資產 唔肯攞出黎 而政府亦”鼓勵”佢地拎出黎  唔去到最後專營權條件係要將數據俾政府 睇怕佢地永世都唔會公開 唔可以一個app睇哂聯營班次