香港興建環狀鐵路的可行性

香港黃毛小子 發表於 2018-8-3 16:15
我講嘅「屯門綫」唔剩止去到「荃灣西」，而係同「荔景-油塘」一段連成一線，直達東九龍。

停「荃灣西」 ...

如果沿青公起，咁延長荃灣綫嘅可達度一定比你個方案高。當然，荃灣綫無咁大承載量去延長。

九龍一段，除左去黃大仙，去觀塘、九龍灣經黃大仙、荔景唔快得過經啟德、旺角、南昌，而南昌轉返屯馬綫已經可以，甚至呢條東西九龍綫都可以喺東大嶼轉返西部外走廊入屯門

巴士的膠 發表於 2018-8-4 11:57
如果沿青公起，咁延長荃灣綫嘅可達度一定比你個方案高。當然，荃灣綫無咁大承載量去延長。

九龍一段，除 ...

延長荃灣綫係唔可行，

荃灣綫係市區綫之一，以中低速度行駛(80KM/H)，根本唔適合作為長距離高速運輸。

我提議嘅「屯門綫」唔係沿青公起，

而係沿屯公以北一段大山坡開鑿隧道，掃管笏一段架空處理。


起地鐵唔係純粹喺地圖上劃下線咁簡單。

例如仲要諗下點樣避開鄰近建築物啲地基，以免影響樓宇結構安全。


停「荔景」，係因為要同荃灣綫/東涌綫交換乘客，做哂「荃葵青/北大嶼-東九龍」嘅客源。

唔見得搭咩「西部外走廊」或者「屯馬綫」轉乘「九龍東西綫」，會快得過一程過嘅「屯門綫」。

剩係講停站數量，屯門綫「荃灣西-九龍灣西」中間只係停三個站。

香港黃毛小子 發表於 2018-8-4 13:22
延長荃灣綫係唔可行，

荃灣綫係市區綫之一，以中低速度行駛(80KM/H)，根本唔適合作為長距離高速運輸。

屯門線全程行山入面，造價比沿青公貴幾多？你話沿屯公架空/地面都仲講得通。

由於沿途無可避免要設站，用120kph同80kph個分別未必好似想像中咁大。而沿途最少會停荃灣西約、深并、掃管芴同三聖。終點站依當年屯門最初規劃放屯門公園或者喺屯門泳池都可以考慮。

但即使係咁，無論條線係去東九龍定係荃灣綫延伸，由於最終都會喺荃葵同西鐵/荃灣線交匯，無助解決現時西鐵/荃灣綫擠迫之餘，隨時迫上加迫。

如果真係屯荃駁去九龍，同時採用快速鐵路，深并之後都應該經青衣（考慮在長青一帶設站），大約沿三幹走線去荔景，同時服務貨櫃碼頭上蓋項目（如有），經南昌、大角咀、旺角、啟德去東九龍。最少除左大西北去東九龍，仲食埋大西北、東涌、青衣去旺角/東九龍嘅客

但點起都好，同環綫南邊部分將新界東/西嘅客直送去港島都無太直接關係。

巴士的膠 發表於 2018-8-7 14:47
屯門線全程行山入面，造價比沿青公貴幾多？你話沿屯公架空/地面都仲講得通。

由於沿途無可避免要設站， ...

青公根本冇位畀你起鐵路，

除非沿岸邊填海，

但咁樣做會破壞大自然，摧毀幾多美麗嘅沙灘?又會影響沿線多少民居?

一係就挖落地底，但青公沿線九曲十三彎，有唔少高樓大廈，

施工難度仲高過喺山喥挖隧道(至少後者可以用鑽炸方式施工)。


仲有，青公人口咁稀疏，根本冇必要整咁多站黎拖慢車程。

搞清楚鐵路嘅優勢在於「快」，

如果喺無必要嘅情況之下停咁多站，搞到快唔得巴士幾多，又快唔得西鐵綫幾多，

咁人地做咩要揀呢條鐵黎搭?咩誘因都冇哂LA。

為左青公沿線稀疏嘅人口，而放棄屯門新市鎮龐大嘅潛在客源，實屬不智。


如果真係有需要嘅話，我唔反對起啲咩「九龍東西綫」、「東大嶼鐵路」。

甚至乎我都覺得香港缺乏東西橫向貫通嘅鐵路綫。

但同我提倡嘅「屯門綫」完全冇衝突。



「屯門綫」連接四大鐵路樞紐站，「荃灣西/荔景/鑽石山/油塘」，只要轉一次綫，幾乎可以去哂成個九龍半島咁濟。

係可以做哂以下嘅客源:

「屯門-荃灣西」
「屯門-西九龍(油尖旺/荔長深)」
「屯門-中九龍(啟德/土瓜灣)」
「屯門/荃葵青/新界東/油尖旺/黃大仙-九龍灣商貿區」
「屯門/荃葵青-黃大仙+東九龍+將軍澳」
「屯門-港島西(中環/添馬)」
「屯門-港島東(鰂魚涌)」
....
(更多更多)



而你嘅方案只係連接到三個鐵路樞紐站，而且其中一個仲要係唔太重要嘅轉綫站(啟德)。

做到嘅客源比較少，路線可達性亦較低。

且路線迂迴，部分路段更與東涌綫重疊，功能上亦同荃灣綫/觀塘綫大同小異。

同埋啟德之後如何去東九龍?可否詳細描敍?


當然你話荃灣綫會否負荷唔黎，呢層我都有諗過，

正路應該係北環綫好似馬鐵咁延伸落市區，減少對西鐵綫嘅依賴。

例如「粉嶺北-上水北-古洞-錦上路-荃灣-荔景-旺角西」，

呢個定線可以同時分流荃灣綫客源，亦能增加搭鐵吸引力。