縱觀世界各國，哪些類型既巴士路線編號較廣泛採用？

相信最廣泛果批都係齋一兩位數字既，
齋三位數字既只限大國較常見，
齋四位數字既相信台灣萬中無一，
英文字母跟數字或者數字跟英文字母既相信只限某些大國有些城市......

齋四位數字的，韓國的首爾都有
另外韓國仲有「61-2」果類路線號碼組合(意即：61號線的第2條支線)

四位數字路線喺韓國大把，多數係跨市路線，同台灣相若
上海市內亦有四位數路線

而講開韓國，有樣同其他地方不同嘅編法，係支線少用字母，如35號嘅支線，會叫35-1，而唔係35A
日本亦唔常用字母區分，部分路線嘅快速版本會加「快速」/「特急」字眼
反而祖國雖然常用「區間」、「快線」之類字眼分路線，但用AB字母分線亦都常見，亦有其他分法
深圳字母頭你熟過我，不解釋，舉另一例子係杭州，早年空調路線會加K字頭，K for Kuntiao

各地最常見嘅編號當然係細冧把，但部分鄉郊地方只有一兩條路線，無路線編號、只標示邊度去邊度，亦相當常見，我哋都有唔少例子 - 就係紅van

有部分郊區有數條路線，系統以顏色區分路線，例子有日本河口湖嘅紅、綠、藍線
其實香港嘅big bus幾條線亦係用顏色分別，呢種方式方便遊客識別

亦有地方路線係用文字簡稱
喺上海有大量文字路線「XY線」/「XY專線」，XY分別係兩邊總站簡稱，例如 滬朱專線，由上海市中心（滬）去朱家角
申崇n線（n=1,2,3...）走線各異，但都係上海市（申）去崇明縣
甚至會再出現變化形，例如走高速嘅滬朱線叫「滬朱高速快線」，申崇六線嘅支線可以叫「申崇六線B」之類

東京亦有唔少路線以漢字開頭，附以數字，主要都係分地區

呢種排列對遊客未必易理解，但對當地人係清晰過齋用數字，有好有唔好

反而香港呢種2A,2B,2D...開n個字母，條條都係主線，互不隸屬，喺其他地方並不常見
即使係路線制度類似嘅倫敦、新加坡，佢哋正線都盡量用整數，避免開字母分，但當然有時都要用上，新加坡主要用字母來分別正線特車

台灣方面
純文字的主要係幹線公車，如：內湖幹線、南京幹線
而捷運接駁線(功能類似新界的273B、75K)，就用顏色文字+數字(例如綠6)

HV7025 發表於 2018-8-7 00:22
四位數字路線喺韓國大把，多數係跨市路線，同台灣相若
上海市內亦有四位數路線

其實台灣韓國呢類極品玩意會唔會其實又只係玩全國巴士路線編號格式大統一既形象工程?
偉大既祖國竟然做唔到，真心諷刺?
我地既祖國有數以萬計數量既巴士線，有心咁樣玩大一統整到例如5位數字都仲得。
睇到車牌號碼已經做到，省代表字跟英文字母再跟數字已經搞掂。

HV7025 發表於 2018-8-7 00:22
四位數字路線喺韓國大把，多數係跨市路線，同台灣相若
上海市內亦有四位數路線

日本唔少城市路線編號前面個漢字，係代表佢接駁邊個鐵路車站，將個概念放落香港，即係類似「荃39」、「大87」、「鑽91」、「粉273」咁。

3ASV174 發表於 2018-8-8 23:22
日本唔少城市路線編號前面個漢字，係代表佢接駁邊個鐵路車站，將個概念放落香港，即係類似「荃39」、「大 ...

感謝賜教，呢套系統好似係東京常用，估計因為東京鐵路線林立，大部分巴士路線都係接駁鐵路，有需要喺編號指明接駁邊個車站
其他日本大城市路線多為純數字，包括市內巴士服務頂盛嘅京都、福岡
但大型巴士站指示普遍充足，懂得睇漢字嘅遊客搵車坐相對容易，係令我幾欣賞嘅地方

paul2357paul 發表於 2018-8-8 05:48
其實台灣韓國呢類極品玩意會唔會其實又只係玩全國巴士路線編號格式大統一既形象工程?
偉大既祖國竟然做唔 ...

台灣同韓國嘅跨市縣路線，實際有唔少係日常返工通勤路線，亦有唔少係沿線有分站嘅半流水線
部分路線實際運作似香港嘅682、E22等等，中等距離跨區，中間有公路，但兩端各有流水客
有編號可以方便沿線居民識別、方便沿線設巴士站
台灣套編號系統引伸到套用落點到點長途國道班車，或者一日得幾班嘅郊區路線，但去到呢個情況，編號意義其實不大，似係個註冊編號多過實際用途

大陸地大物博，長途班車加編號就更加無意思
最多係鄰近大城市跨市路線有需要加編號，主要係珠三角同長三角會有呢個情況
但實際情況…睇下我哋鄰近城市，市內路線編號都朝令夕改，跨市編號整嚟咪又係改改改

鄰近城市改號改到走火入魔 簡直冇編號仲好過

HV7025 發表於 2018-8-9 08:24
感謝賜教，呢套系統好似係東京常用，估計因為東京鐵路線林立，大部分巴士路線都係接駁鐵路，有需要喺編號 ...

師兄客氣，其實實際點樣運作我都唔太清楚，我自己見過呢種編號東京同札幌都好普遍，

但札幌個編號有時係用黎區分短途班次或者特車，例如羊丘開既 89 線部分班次係唔會開到入札幌市中心，只會去福住駅，呢o的短途班次就會叫「福89」。